លោក Xi Jinping ប្រធានរដ្ឋចិនជួបពិភាក្សាការងារជាមួយលោក Chapo ប្រធានាធិបតី Mozambique
រសៀលថ្ងៃទី២១ខែមេសា លោក Xi Jinping ប្រធានរដ្ឋចិនបានជួបពិភាក្សាការងារជាមួយលោក Chapo ប្រធានាធិបតី Mozambique ដែលកំពុងមកបំពេញទស្សនកិច្ចផ្លូវរដ្ឋនៅប្រទេសចិននៅវិមានសភាប្រជាជនក្រុងប៉េកាំង។ ប្រមុខរដ្ឋនៃប្រទេសទាំងពីរឯកភាពគ្នាលើកកម្ពស់ទំនាក់ទំនងទ្វេភាគីឱ្យឡើងដល់សហគមន៍រួមវាសនាចិននិង Mozambique ក្នុងយុគសម័យថ្មី។
លោក Xi Jinping បានគូសបញ្ជាក់ថា មិត្តភាពប្រពៃណីរវាងចិននិង Mozambique បានឆ្លងកាត់ប្រវត្តិសាស្រ្តនិងភ្នំនិងសមុទ្រ។ ចាប់តាំងពីបង្កើតចំណងការទូតមក ប្រទេសទាំងពីរចិននិង Mozambique មានទំនុកចិត្តគ្នានិងជួយគ្នាទៅវិញទោមក បានក្លាយទៅជាគំរូនៃចំណងមិត្តភាពរវាងចិននិងអាហ្វ្រិកនិងកិច្ចសហប្រតិបត្តិការរវាងប្រទេសសកលខាងត្បូង។ ប្រទេសចិនមានឆន្ទៈធ្វើការជាមួយភាគី Mozambique ដោយចាត់ទុកការអនុវត្តសមិទ្ធផលនៃកិច្ចប្រជុំក្រុងប៉េកាំងនៃវេទិកាកិច្ចសហប្រតិបត្តិការរវាងចិននិងអាហ្វ្រិកនិង "ឆ្នាំនៃការផ្លាស់ប្តូរប្រជាជននិងប្រជាជនរវាងចិននិងអាហ្វ្រិកឆ្នាំ ២០២៦" ជាឱកាសមួយដើម្បីពួតដៃគ្នាស្វែងរកសុបិននៃការធ្វើទំនើបកម្ម។
ជាការឆ្លើយតប លោក Chapo បានថ្លែងថា ប្រទេស Mozambique យកចិត្តទុកដាក់ខ្ពស់ចំពោះទំនាក់ទំនងជាមួយប្រទេសចិន ប្រកាន់ខ្ជាប់គោលការណ៍ចិនមួយដោយគ្មានលក្ខខណ្ខ គាំទ្រប្រទេសចិនសម្រេចការបង្រួបបង្រួមប្រទេសជាតិ។ លោក Xi Jinping ប្រធានរដ្ឋចិនបានលើកឡើងគំនិតសហគមន៍រួមវាសនាសម្រាប់មនុស្សជាតិ គំនិតផ្តួចផ្តើមសកលធំទាំង ៤និងគំនិតផ្តួចផ្តើម "ខ្សែក្រវាត់និងផ្លូវ" ដែលបានរួមចំណែកយ៉ាងសំខាន់ក្នុងការជំរុញសន្តិភាព ស្ថិរភាពនិងការអភិវឌ្ឍរបស់ពិភពលោក ភាគី Mozambique រីករាយរួមគ្នាជាមួយប្រទេសចិនក្នុងការអនុវត្តគំនិតផ្តួចផ្តើមទាំងនេះ ដើម្បីឱ្យពិភលោកកាន់តែល្អប្រសើរ។
បន្ទាប់ពីជំនួប ប្រមុខរដ្ឋនៃប្រទេសទាំងពីរបានរួមគ្នាធ្វើជាសក្ខីភាពក្នុងពិធីចុះហត្ថលេខាលើឯកសារសហប្រតិបត្តិការជាង២០ក្នុងវិស័យដូចជារួមគ្នាកសាង "ខ្សែក្រវាត់និងផ្លូវ" ការអនុវត្តគំនិតផ្តួចផ្តើមសន្តិសុខសកល សេដ្ឋកិច្ចនិងពាណិជ្ជកម្ម ការផ្លាស់ប្តូររវាងប្រជាជននិងប្រជាជន វេជ្ជសាស្រ្តនិងសុខាលភិបាល និងប្រព័ន្ធសារព័ត៌មានជាដើម។ ភាគីទាំងពីរបានចេញ «សេចក្តីថ្លែងការណ៍រួមស្តីពីការកសាងសហគមន៍រួមវាសនាចិននិង Mozambique ក្នុងយុគសម័យថ្មីរវាងសាធារណរដ្ឋប្រជាមានិតចិននិងសាធារណរដ្ឋ Mozambique »៕
