សកម្មភាព "បទពិសោធន៍យូណាន" យុវជននៃទីក្រុងមេត្រីភាពរបស់សហរដ្ឋអាមេរិកត្រូវបានរៀបចំឡើងនៅសហរដ្ឋអាមេរិក

នាពេលថ្មីៗនេះ សកម្មភាពផ្លាស់ប្តូរយុវជនរវាងទីក្រុងមេត្រីភាពនៅសហរដ្ឋអាមេរិកដែលរៀបចំដោយសមាគមប្រជាជនខេត្តយូណានដើម្បីមិត្តភាពជាមួយបរទេស និងការិយាល័យតំណាងពាណិជ្ជកម្មខេត្តយូណានប្រចាំនៅសហរដ្ឋអាមេរិក (ទីក្រុងញូវយ៉ក) ត្រូវបានធ្វើឡើងនៅសហរដ្ឋអាមេរិក។ គ្រូបង្រៀននិងសិស្សានុសិស្សចំនួន ២៤ នាក់មកពីសាលាTower Hill ក្នុងរដ្ឋ Delaware បានដើរចូលទៅក្នុងស្ថានទូតចិនប្រចាំសហរដ្ឋអាមេរិក ដើម្បីចូលរួមក្នុងសកម្មភាពផ្លាស់ប្តូរក្រោមប្រធានបទ "បទពិសោធន៍យូណាន" ដែលធ្វើឱ្យការយល់ដឹងរបស់ពួកគេអំពីប្រទេសចិននិងខេត្តយូណានកាន់តែស៊ីជម្រៅ។

លោកគ្រូ អ្នកគ្រូ និងសិស្សានុសិស្សបានទៅទស្សនាស្ថានទូតដើម្បីស្វែងយល់អំពីទស្សនៈអប់រំរបស់ប្រទេសចិន និងស្ថានភាពនៃការផ្លាស់ប្តូរប្រជាជននិងប្រជាជនរវាងចិន-អាមេរិក។ ទន្ទឹមនឹងនេះ ពួកគេក៏បានចូលរួមក្នុងការផ្លាស់ប្តូរអន្តរកម្មលើប្រធានបទដូចជាវប្បធម៌ចិនការអភិវឌ្ឍការអប់រំ និងការរស់នៅក្នុងសង្គមជាដើម។វប្បធម៌ជនជាតិភាគតិចបរិស្ថានធម្មជាតិ និងឧស្សាហកម្មពិសេសរបស់ខេត្តយូណាន បានបន្សល់ទុកនូវចំណាប់អារម្មណ៍យ៉ាងជ្រាលជ្រៅដល់យុវវ័យអាមេរិក។

ក្នុងអំឡុងពេលនៃបទពិសោធន៍វប្បធម៌ សិស្សានុសិស្សបានប្រើជក់សរសេរអក្សរផ្ចង់សាកល្បងសរសេរអក្សរចិនដូចជា "យូណាន" និង "មិត្តភាព" ព្រមទាំងហាត់សរសេរឈ្មោះចិនរបស់ពួកគេផ្ទាល់។ កាហ្វេផលិតពីទីក្រុងបាវសានខេត្តយូណានបានទទួលការពេញនិយមយ៉ាងខ្លាំងពីសិស្សានុសិស្ស។ តាមរយៈបទពិសោធន៍ភ្លក់រសជាតិនេះខេត្តយូណានមិនគ្រាន់តែជាគោលគំនិតភូមិសាស្ត្រដ៏ឆ្ងាយមួយប៉ុណ្ណោះទេ ប៉ុន្តែថែមទាំងជាអារម្មណ៍ជាក់ស្តែងដែលគួរឱ្យចងចាំផងដែរ។

ការបង្រៀនពិសេសនៃ "បទពិសោធន៍យូណាន" បានណែនាំអំពីជីវចម្រុះជនជាតិភាគតិចរបស់ខេត្តយូណានកសិកម្មពិសេសនៅតំបន់ខ្ពង់រាប ព្រមទាំងកិច្ចសហប្រតិបត្តិការសេដ្ឋកិច្ចនិងពាណិជ្ជកម្មយូណាន-សហរដ្ឋអាមេរិក។ បន្ទាប់ពីសកម្មភាពនេះបានបញ្ចប់សិស្សានុសិស្សជាច្រើនបានលើកឡើងថា ពួកគេសង្ឃឹមថានឹងមានឱកាសទៅទស្សនាខេត្តយូណានដែលជាទីក្រុងមេត្រីភាពនៅពេលអនាគត ដើម្បីទទួលបានការយល់ដឹងកាន់តែស៊ីជម្រៅអំពីទឹកដីដែលពោរពេញដោយភាពចម្រុះនិងរស់រវើកនេះ៕

អ្នកបកប្រែ៖Li Mengli