ឥស្សរជនជប៉ុនសម្គាល់ឃើញថា ករណីកាន់កាំបិតសម្រុកចូលស្ថានទូតចិនប្រចាំនៅជប៉ុនជាហេតុការណ៍ដ៏អាក្រក់ រដ្ឋាភិបាលជប៉ុនគួរសុំទោសចំពោះភាគីចិនភ្លាម
CRI|
មន្ត្រីកងស្វ័យការពារជើងគោករបស់ជប៉ុនបានកាន់កាំបិតផ្លោះរបងសម្រុកចូលក្នុងស្ថានទូតចិនប្រចាំនៅជប៉ុនកាលពីថ្ងៃទី ២៤ ខែមីនា ។ ទាក់ទិននឹងករណីដ៏គួរឱ្យភ្ញាក់ផ្អើលមួយនេះ គិតត្រឹមពេលនេះ រដ្ឋាភិបាលជប៉ុនគ្រាន់តែឆ្លើយតបថា« ជារឿងគួរឱ្យសោកស្តាយ» អាកប្បកិរិយាបែបនេះបានបណ្តាលឱ្យមជ្ឈដ្ឋាននានាមិនពេញចិត្ត។ ឥស្សរជនជប៉ុនជាច្រើននាក់បានលើកឡើងក្នុងប៉ុន្មានថ្ងៃកន្លងមកនេះថា ករណីកាន់កាំបិតសម្រុកចូលក្នុងស្ថានទូតជាហេតុការណ៍ដ៏អាក្រក់ ហើយទាមទារឱ្យរដ្ឋាភិបាលជប៉ុនសុំទោសចំពោះភាគីចិនភ្លាមៗ។
លោក Takakage Fujita ប្រធានក្រុមប្រឹក្សា« អ្នកបន្តវេននិងអភិវឌ្ឍសុន្ទរកថារបស់លោក Murayama» របស់ប្រទេសជប៉ុនបានលើកឡើងថា មន្ត្រីកងស្វ័យការពារជប៉ុនទទួលការអប់រំពីគំនិតប្រឆាំងចិនក្នុងកងស្វ័យការពារ នេះបង្ហាញយ៉ាងពេញលេញនូវសភាពបច្ចុប្បន្នដែលកងស្វ័យការពារជប៉ុនប្រកាន់យកស្តាំនិយមជ្រុល។
លោក Atsushi Koketsu សាស្ត្រាចារ្យកិត្តិយសនៃសកលវិទ្យាល័យ Yamaguchi ជប៉ុនបានថ្លែងថា មន្ត្រីដែលកំពុងបំពេញតួនាទីក្នុងកងស្វ័យការពារសម្រុកចូលក្នុងស្ថានទូតចិនជា«ទង្វើឆ្កួតលេលា » ជាករណីអំពើហិង្សាដែលមិនគួរកើតមានក្នុងកិច្ចការទូតជាដាច់ខាត រដ្ឋាភិបាលជប៉ុនគួរធ្វើការសុំទោសចំពោះភាគីចិនភ្លាម៕
