ថាមពលអគ្គិសនីបញ្ជូនសរុបតាមរយៈគម្រោងតភ្ជាប់បណ្តាញអគ្គិសនី ៥០០ គីឡូវ៉ុល កម្ពុជា-ឡាវ កើនឡើងលើសពី ១ ពាន់លានគីឡូវ៉ាត់ម៉ោង

គិតត្រឹមថ្ងៃទី ៨ ខែតុលា ថាមពលអគ្គិសនីបញ្ជូនសរុបតាមរយៈគម្រោងតភ្ជាប់បណ្តាញអគ្គិសនី ៥០០ គីឡូវ៉ុល ចិន-ឡាវ បានកើនឡើងលើសពី ១ ពាន់លានគីឡូវ៉ាត់ម៉ោង ដែលនេះបង្ហាញថា ប្រសិទ្ធភាពប្រតិបត្តិការនៃច្រករបៀងថាមពលបៃតងឆ្លងដែនចិន-ឡាវ ត្រូវបានបញ្ចេញជាបន្តបន្ទាប់ ហើយការភ្ជាប់ទំនាក់ទំនង និងការទទួលបានផលប្រយោជន៍ទៅវិញទៅមកនៃថាមពលស្អាតក្នុងតំបន់ឡានឆាង-មេគង្គ បានឈានចូលដល់ដំណាក់កាលថ្មីមួយដែលមានភាពជាក់ស្តែង និងមានរបៀបរៀបរយជាងមុន។

គម្រោងតភ្ជាប់បណ្តាញអគ្គិសនី ៥០០ គីឡូវ៉ុល ចិន-ឡាវ ត្រូវបានដាក់ឱ្យប្រតិបត្តិការនៅថ្ងៃទី ២០ ខែមេសា ឆ្នាំនេះ ដោយថាមពលពន្លឺព្រះអាទិត្យមកពីមូលដ្ឋានថាមពលស្អាតភាគខាងជើងប្រទេសឡាវ ត្រូវបានបញ្ជូនចូលមកខេត្តយូណានតាមរយៈច្រករបៀងឆ្លងដែននេះនៅថ្ងៃដដែល ដែលសម្រេចបាននូវការតភ្ជាប់គម្រោងថាមពលថ្មីនៅក្រៅប្រទេសចូលទៅក្នុងទីផ្សារអគ្គិសនីរបស់ប្រទេសចិនជាលើកដំបូង។ ជាមួយនឹងកិច្ចសហប្រតិបត្តិការដែលកាន់តែស៊ីជម្រៅជាបន្តបន្ទាប់ នៅថ្ងៃទី ៦ ខែសីហា ថាមពលវារីអគ្គិសនីរបស់ប្រទេសឡាវ ត្រូវបានបញ្ជូនទៅកាន់តំបន់ឆ្នេរសមុទ្រធំ ក្វាងទុង-ហុងកុង-ម៉ាកាវ តាមរយៈគម្រោងនេះ ដោយសមត្ថភាពជួយជ្រោមជ្រែងថាមពលអគ្គិសនីទ្វេភាគីរវាងប្រទេសចិន និងឡាវ ត្រូវបានពង្រឹងជាបន្តបន្ទាប់។ ការបញ្ជូនអគ្គិសនីលើកនេះ ត្រូវបានរំពឹងថានឹងបន្តរហូតដល់ចុងខែតុលា ជាមួយនឹងបរិមាណបញ្ជូនសរុបប្រមាណ ៦០០ លានគីឡូវ៉ាត់ម៉ោង ហើយថាមពលអគ្គិសនីពាក់ព័ន្ធ នឹងចូលរួមក្នុងប្រតិបត្តិការទីផ្សារអគ្គិសនីតំបន់ភាគខាងត្បូងក្នុងពេលដំណាលគ្នា។

ជំហានបន្ទាប់ ភាគីទាំងពីរ ប្រទេសចិន និងឡាវ នឹងបន្តធ្វើឱ្យប្រសើរឡើងនូវយន្តការសម្រាប់ការបញ្ជាស្នូលបណ្តាញអគ្គិសនីរួមគ្នា ការប្រតិបត្តិនិងថែទាំឆ្លងដែន ការជួញដូរអគ្គិសនីតាមទីផ្សារ និងការធានាឆ្លើយតបអាសន្ន ពង្រីកទំហំការបញ្ជូនថាមពលបៃតងជាជំហានៗ រួមទាំងពង្រីកទំហំការបញ្ជូនថាមពលបៃតងដោយស្ថិរភាព ពង្រីកទីផ្សារប្រើប្រាស់ថាមពលស្អាត លើកកម្ពស់ប្រសិទ្ធភាពនៃការបែងចែកធនធានថាមពលក្នុងតំបន់ឡានឆាង-មេគង្គ និងជួយរុញច្រានកិច្ចសហប្រតិបត្តិការថាមពល "ខ្សែក្រវាត់ និងផ្លូវ" ឱ្យឈានទៅមុខកាន់តែស៊ីជម្រៅ និងរឹងមាំ៕