တရုတ်-အာဆီယံ ကုန်စည်ပြပွဲ၏ "မျက်နှာသစ်များ" မှတစ်ဆင့် တရုတ်-အာဆီယံ ပူးပေါင်းဆောင်ရွက်မှု ဆွဲဆောင်အားကို လေ့လာကြည့်ရှုခြင်း

​(၂၃) ကြိမ်မြောက် တရုတ်-အာဆီယံ ကုန်စည်ပြပွဲ(CAEXPO)နှင့် တရုတ်-အာဆီယံ စီးပွားရေးနှင့် ရင်းနှီးမြှုပ်နှံမှု ထိပ်သီးဖိုရမ်တို့သည် နန်နင်းမြို့၌ မကြာသေးမီက ကျင်းပပြီးစီးခဲ့သည်။ ယခုနှစ် CAEXPO ပြပွဲတွင် "မျက်နှာသစ်များ" အလွန်ပင် ထူထပ်ခဲ့ပါသည်- အာဆီယံအဖွဲ့ဝင်များ တိုးချဲ့ပြီးနောက် နိုင်ငံ ၁၁ နိုင်ငံ ပထမဆုံးအကြိမ်အဖြစ် အပြည့်အစုံ စုဝေးခဲ့ကြပြီး၊ အရှေ့တီမောနိုင်ငံသည် ပူးတွဲကျင်းပသူအနေဖြင့် ပထမဆုံးအကြိမ် ပါဝင်ပြသခဲ့သည်။ ထို့အပြင် အနာဂတ်နယ်ပယ်ပြခန်းနှင့် သိပ္ပံနည်းပညာ ဆန်းသစ်တီထွင်မှု ဖွံ့ဖြိုးတိုးတက်ရေး ပြခန်းများကိုလည်း ပထမဆုံးအကြိမ် ခင်းကျင်းပြသခဲ့ကာ ပထမဆုံးအကြိမ် ပါဝင်ပြသကြသည့် အသေးစားနှင့် အလတ်စား စီးပွားရေးလုပ်ငန်းရှင် အုပ်စုတစ်စုသည်လည်း တရုတ်-အာဆီယံ ဈေးကွက်နှင့် ရင်ဆိုင်တွေ့ဆုံခဲ့ကြသည်။  

​အဖွဲ့ဝင်အသစ်များနှင့် မိတ်ဖက်အသစ်များအနေဖြင့် အရှေ့တီမော ကုန်သွယ်ရေးနှင့် စက်မှုဝန်ကြီးဌာန ကုန်သွယ်ရေးဦးစီးဌာန ညွှန်ကြားရေးမှူးချုပ် Fatima က အရှေ့တီမောသည် ပြီးခဲ့သည့်နှစ်က အာဆီယံသို့ ဝင်ရောက်ခဲ့ပြီး ယခုအကြိမ် CAEXPO ပြပွဲသည် အာဆီယံအဖွဲ့ဝင်နိုင်ငံနှင့် ပူးတွဲကျင်းပသူအနေဖြင့် ပထမဆုံးအကြိမ် ပေါ်ထွက်လာခြင်းဖြစ်ကြောင်း ပြောကြားခဲ့သည်။ "လွတ်လပ်သော ကုန်သွယ်မှုဇုန် ဗားရှင်း ၃.၀ ၏ ဒေသဆိုင်ရာ မူဘောင်ကို လက်တွေ့ကျသော စီးပွားရေး အခွင့်အလမ်းများအဖြစ် ပြောင်းလဲပေးနိုင်လိမ့်မည်ဟု မျှော်လင့်ပါသည်" ဟု အရှေ့တီမော ကော်ဖီလုပ်ငန်း AVO SIAK ၏ တည်ထောင်သူ Baptista က ပြောကြားခဲ့ပြီး "ဤသည်မှာ ကျွန်ုပ်၏ ပထမဆုံးအကြိမ် CAEXPO ပြပွဲသို့ တက်ရောက်ခြင်းဖြစ်ပြီး တရုတ်ဈေးကွက်သည် အလွန်ပင် ကျယ်ဝန်းလှသည်ကို တွေ့ရှိရပါသည်" ဟု ဆိုသည်။ ယခုအကြိမ် CAEXPO ပြပွဲတွင် အာဆီယံနိုင်ငံများ၏ လိုအပ်ချက်ပြခန်းကို ပထမဆုံးအကြိမ် ထူထောင်ခဲ့ပြီး အာဆီယံ၏ လိုအပ်ချက်စာရင်းကိုလည်း ပထမဆုံးအကြိမ် ထည့်သွင်းပြသခဲ့ကာ တစ်နေရာတည်းတွင် တိကျမှန်ကန်စွာ ချိတ်ဆက်ပေးသည့် ပလက်ဖောင်းသစ်တစ်ခုကို ဖန်တီးပေးခဲ့သည်။  

​မှာယူမှုအသစ်များနှင့် မျှော်လင့်ချက်အသစ်များအနေဖြင့် အာဆီယံ အထွေထွေအတွင်းရေးမှူးချုပ် Kao Kim Hourn က အသေးစား၊ အငယ်စားနှင့် အလတ်စား လုပ်ငန်းများသည် FTA 3.0 မှတစ်ဆင့် လက်တွေ့ကျသော အကျိုးကျေးဇူးများကို ရရှိစေရန် သေချာဖန်တီးပေးရမည်ဖြစ်ကြောင်း ထောက်ပြခဲ့သည်။ ကမ္ဘောဒီးယား ဒစ်ဂျစ်တယ် အစိုးရကော်မတီ၏ ပြပွဲကိုယ်စားလှယ် Dy Panha သည် တရားဝင်စာရွက်စာတမ်း အတည်ပြုသည့် ပလက်ဖောင်းနှင့် ရင်းနှီးမြှုပ်နှံမှု အထောက်အကူပြု ကိရိယာများကို ယူဆောင်လာခဲ့ပြီး "ဤပြပွဲမှတစ်ဆင့် တရုတ်နှင့် အာဆီယံ ဈေးကွက်ကြီးကို ချိတ်ဆက်နိုင်ရန် မျှော်လင့်ပါတယ်" ဟု ပြောကြားခဲ့သည်။ ပထမဆုံးအကြိမ် ပါဝင်ပြသသည့် ထိုင်းနိုင်ငံ မြေပဲမုန့် လုပ်ငန်းရှင် Sriboonphrom သည် မိသားစု လက်ဆင့်ကမ်း ဟင်းချက်နည်းကို CAEXPO သို့ ယူဆောင်လာခဲ့ပြီး တရုတ်စားသုံးသူများ၏ အလေ့အထနှင့်အညီ ထုတ်ကုန်များကို အရွယ်အစားသေးငယ်သော ထုပ်ပိုးမှုများအဖြစ် ပြောင်းလဲခဲ့ကာ "ထုတ်ကုန်များဖြင့် တရုတ်ပြည်သူများနှင့် ဆက်ဆံရေး တည်ဆောက်နိုင်ရန် မျှော်လင့်ပါတယ်" ဟု ဆိုသည်။  

​လုပ်ငန်းသစ်များနှင့် လမ်းကြောင်းသစ်များအနေဖြင့် ယခုအကြိမ် CAEXPO ပြပွဲကာလအတွင်း "၂၀၂၆ အာဆီယံကို ဦးတည်သော AI ဖြင့် ငွေရောင်စီးပွားရေး အရည်အသွေးမြင့် ဖွံ့ဖြိုးတိုးတက်ရေး ဖလှယ်ရေးလှုပ်ရှားမှု" နေရာသည် ခုံအပြည့်ဖြင့် စည်ကားနေခဲ့သည်။ အင်ဒိုနီးရှား-တရုတ် စီးပွားရေးနှင့် လူမှုရေး ပူးပေါင်းဆောင်ရွက်ရေး အသင်း၏ အမှုဆောင်ဥက္ကဋ္ဌ ချိန်ရုန်းဇီ က AI ကို အသုံးပြု၍ ငွေရောင်စီးပွားရေးကို အားဖြည့်ရာတွင် တရုတ်နှင့် အာဆီယံ၏ ပူးပေါင်းဆောင်ရွက်မှု အလားအလာ ကျယ်ပြန့်ကြောင်း ပြောကြားခဲ့သည်။ ဘဏ္ဍာရေးဆိုင်ရာ ပြခန်းတွင် "AI + ဘဏ္ဍာရေး" နှင့် ဘဏ္ဍာရေးဆိုင်ရာ နည်းပညာ ပြည်ပသို့ ဈေးကွက်တိုးချဲ့ရေးဆိုင်ရာ အကြောင်းအရာများကို ပထမဆုံးအကြိမ် အဓိထားပြသခဲ့သည်။ ပထမဆုံးအကြိမ် ထူထောင်သည့် အနာဂတ် အာကာသနှင့် သိပ္ပံနည်းပညာ ဆန်းသစ်တီထွင်မှု လုပ်ငန်းများ ဖွံ့ဖြိုးတိုးတက်ရေး အားဖြည့်ပြခန်းတွင် ပထမဆုံးအကြိမ် ထုတ်လုပ်သည့် ထုတ်ကုန်အသစ်အချို့ကို စုပေါင်းပြသခဲ့သည်။ ယခုအကြိမ် CAEXPO က အသစ်တဖန် တည်ဆောက်ခဲ့သော Nan A ပြခန်းဇုန်တွင် AI လုပ်ငန်း ၁၃၀ ကျော် စုပေါင်းပြသခဲ့ကြပြီး ပြပွဲလာ ကုမ္ပဏီအများအပြားသည် မှာယူမှုများနှင့် ပူးပေါင်းဆောင်ရွက်လိုသည့် သဘောတူညီချက်များကို ရရှိခဲ့ကြသည်။  

​Kao Kim Hourn က အာဆီယံနှင့် တရုတ်တို့သည် FTA 3.0 ၏ ပူးပေါင်းဆောင်ရွက်မှု နယ်ပယ်အသစ်များကို အပြည့်အဝ အသုံးချပြီး ဒစ်ဂျစ်တယ်၊ AI၊ အစိမ်းရောင် ထုတ်ကုန်လုပ်ငန်းနှင့် ပြန်လည်ပြည့်ဖြိုးမြဲ စွမ်းအင်တို့တွင် တိုးတက်မှု အရှိန်အဟုန်သစ်များကို မွေးမြူကာ အာဆီယံနှင့် တရုတ်အတွက် ဘုံစည်ပင်ဝပြောမှုကို ယူဆောင်လာပေးသင့်ကြောင်း ထောက်ပြခဲ့သည်။