លោក Xi Jinping ប្រធានរដ្ឋចិនគូសបញ្ជាក់ពីការពង្រឹងមូលដ្ឋានគ្រឹះនៃសុខភាពសាធារណៈ
CRI|
សុខភាពរបស់ប្រជាជនគឺជាមូលដ្ឋានគ្រឹះនៃប្រទេសជាតិមួយ ។
កិច្ចប្រជុំថ្នាក់ជាតិស្តីពីសុខាភិបាលចិនបានបើកធ្វើម្តងទៀតនៅថ្ងៃទី ១២ ដល់ ១៣ ខែតុលាបន្ទាប់ពីរំលងអស់រយៈពេល ១០ ឆ្នាំ ។ លោក Xi Jinping ប្រធានរដ្ឋចិនបានអញ្ជើញចូលរួមក្នុងកិច្ចប្រជុំលើកនេះនិងថ្លែងសុន្ទរកថាគន្លឹះដោយគូសបញ្ជាក់ថា ត្រូវដើរតាមមាគ៌ានៃការអភិវឌ្ឍវិស័យសុខាភិបាលដែលមានលក្ខណៈពិសេសចិនដោយមិនងាករេ ត្រូវអនុវត្តគោលការណ៍ការងារសុខាភិបាលនៅក្នុងយុគសម័យថ្មី ជំរុញការអភិវឌ្ឍបុព្វហេតុសុខាភិបាលប្រកបដោយគុណភាពខ្ពស់លើកកម្ពស់កម្រិតសុខភាពរបស់ប្រជាជនជាបន្តបន្ទាប់ និងធានាបាននូវការវិវឌ្ឍនៃការកសាងប្រទេសចិនដែលមានសុខភាពល្អ ។
ក្នុងអំឡុងពេលអនុវត្តផែនការប្រាំឆ្នាំលើកទី ១៥ គឺជារយៈពេលដ៏សំខាន់សម្រាប់សម្រេចគោលដៅនៃការកសាងប្រទេសចិនដែលមានសុខភាពល្អនៅឆ្នាំ២០៣៥ ។ តើត្រូវពង្រឹងមូលដ្ឋានគ្រឹះនៃសុខភាពប្រជាជនដោយរបៀបណា ? លោក Xi Jinping បានគូសបញ្ជាក់ពីពាក្យគន្លឹះ“ការបង្ការ”៖ ការបង្ការគឺជាយុទ្ធសាស្ត្រសុខភាពដែលសន្សំសំចៃបំផុតនិងមានប្រសិទ្ធភាពបំផុត ត្រូវតែយកចិត្តទុកដាក់ខ្ពស់ចំពោះការងារមូលដ្ឋានដែលទាក់ទងនឹងសុខាភិបាល ។
ទី ១ ត្រូវណែនាំសង្គមទាំងមូលឲ្យបង្កើតទស្សនៈត្រឹមត្រូវអំពីសុខភាព។
ទី ២ ត្រូវណែនាំយុវជនឱ្យមានទម្លាប់សិក្សានិងរស់នៅល្អ ។
ទី ៣ ត្រូវលើកទឹកចិត្តនិងគាំទ្រដល់សកម្មភាពហាត់ប្រាណរបស់ប្រជាជននិងសកម្មភាពកម្សាន្តដើម្បីសុខភាព ។
ទី ៤ ត្រូវការពារសុវត្ថិភាពចំណីអាហារឱ្យបានល្អ ។
ទី ៥ ត្រូវកែលម្អប្រព័ន្ធបង្ការ និងគ្រប់គ្រងជំងឺឆង្ល ៕