ရှီကျင့်ဖိန်၏ ယဉ်ကျေးမှုဆိုင်ရာ အတွေးအခေါ်ကို လမ်းညွှန်ချက်အဖြစ်ထားပြီး တရုတ်ယဉ်ကျေးမှု၏ ထွန်းလင်းတောက်ပမှုအသစ်ကို ဖန်တီး

တရုတ်ကွန်မြူနစ်ပါတီ ၁၈ ကြိမ်မြောက် ပြည်လုံးဆိုင်ရာ ကိုယ်စားလှယ်များညီလာခံ ကျင်းပခဲ့သည့်နောက် ရဲဘော်ရှီကျင့်ဖိန်ကို အမြုတေအဖြစ်ထားသော တရုတ်ကွန်မြူနစ်ပါတီဗဟိုကော်မတီသည် တရုတ်နိုင်ငံရေးရာ စီမံခန့်ခွဲရာတွင် ယဉ်ကျေးမှုတည်ဆောက်ရေးကို ထင်ရှားပေါ်လွင်သည့် အဆင့်နေရာတွင် အစဉ်တစိုက် ထားရှိဆောင်ရွက်ပြီး အရေးပါသော စီမံဆောင်ရွက်ချက်များကို ချမှတ်ကာ အတွေးအခေါ်သစ်များ၊ အမြင်သဘောထားသစ်များနှင့် ဆင်ခြင်သုံးသပ်ချက်သစ်များကို ဆန်းသစ်တီထွင်စွာ တင်ပြ၍ ရှီကျင့်ဖိန်၏ ယဉ်ကျေးမှုဆိုင်ရာ အတွေးအခေါ်ကို ဖြစ်ပေါ်လာစေခဲ့ပါသည်။ ၎င်းသည် ယဉ်ကျေးမှုစည်ပင်ဝပြောရေးနှင့်ယဉ်ကျေးမှုအင်အားတောင့်တင်းသောနိုင်ငံတည်ဆောက် ရေးအတွက် အစွမ်းထက်မြက်သော အတွေးအခေါ်ဆိုင်ရာ လက်နက်နှင့် သိပ္ပံနည်းကျကျ လက်တွေ့ဆောင်ရွက်မှု လမ်းညွှန်ချက်တို့ကို ပံ့ပိုးပေးခဲ့ပါသည်။ တရုတ်ယဉ်ကျေးမှု အဆက်မပြတ် လက်ဆင့်ကမ်းမှု၊ တရုတ်ထူးချွန်သော ရိုးရာယဉ်ကျေးမှုတီထွင်ဆန်းသစ်သော အသွင်းကူးပြောင်းမှုနှင့် တီထွင်ဆန်းသစ်စွာ ဖွံ့ဖြိုးတိုးတက်မှုတို့ကို ဦးဆောင်ပြီး တွန်းအားပေးခဲ့ပါသည်။ တရုတ်အသွင်ပုံစံခေတ်မီရေးဖြင့် အင်အားတောင့်တင်းသောနိုင်ငံတည်ဆောက်ရေးနှင့် အမျိုးသားမွန်မြတ်စွာပြန်လည်ရှင်သန်နိုးထရေးတို့ကို ဘက်စုံတွန်းအားပေးသည့် ခရီးစဉ်အသစ်တွင် စွမ်းအားကြီးမားသော စိတ်ပိုင်းဆိုင်ရာ ခွန်အားများကို စုစည်းခဲ့ပါသည်။