ဂျိမ်းဖောတိုင်းရင်းသား မနောအက ယဉ်ကျေးမှုသည် အင်တာနက်ပေါ်၌ အထူးရေပန်းစား ပေါက်ရောက်လာ

ယခုနှစ်မှစ၍ နိုင်ငံတော်အဆင့် ဒြပ်မဲ့ယဉ်ကျေးမှုအမွေအနှစ်ဖြစ်သော ဂျိမ်းဖောတိုင်းရင်းသား မနောအကသည် အင်တာနက်ပေါ်၌ ရေပန်းစားမှုလှိုင်း ထုတ်လွှတ်ခဲ့ပြီး ကွန်ရက်တစ်ခုလုံးရှိ ခေါင်းစဉ်ကြည့်ရှုမှုပမာဏသည် အကြိမ် ၁၀ ဘီလီယံကျော်အထိ ရှိခဲ့ကာ ထူးခြားဖြစ်စဉ်အဆင့် ယဉ်ကျေးမှုအဖြစ် လူထုကြား ကျယ်ကျယ်ပြန့်ပြန့် ပေါက်ရောက်ကျော်ကြားခဲ့သည်။

​မနောအကသည် ဂျိမ်းဖောဘာသာစကားဖြင့် "ပျော်ရွှင်စွာ စုစည်း၍ သီဆိုကခုန်ခြင်း" ဟု အဓိပ္ပာယ်ရပြီး ဂျိမ်းဖောတိုင်းရင်းသားများ၏ အခမ်းနားဆုံးသော ရိုးရာပွဲတော်လှုပ်ရှားမှုဖြစ်ကာ ၂၀၀၆ ခုနှစ်တွင် ပထမအသုတ် နိုင်ငံတော်အဆင့် ဒြပ်မဲ့ယဉ်ကျေးမှုအမွေအနှစ် ကိုယ်စားပြု စီမံကိန်းစာရင်း၌ ထည့်သွင်းခြင်း ခံခဲ့ရသည်။ နှစ်စဉ် နှစ်သစ်ကူး ပထမလ ၁၅ ရက်ဝန်းကျင်တွင် တယ်ဟုန်ပြည်နယ်ခွဲရှိ ပြည်သူ သောင်းပေါင်းများစွာသည် ဝတ်စုံပြည့် ဝတ်ဆင်ကြပြီး ဓားရှည်များနှင့် ယပ်တောင်များကို ကိုင်ဆောင်ကာ အတူတကွ ကခုန်ကြရာ "လူသောင်းချီ ပျော်ရွှင်စွာ ကခုန်သော အက" ဟု ချီးကျူးခေါ်ဆိုကြသည်။

​ယခုအကြိမ် ရေပန်းစားလာမှုသည် နှစ်ပေါင်း ၃၀ ကျော်ကြာ ဖြတ်သန်းခဲ့သော ဖန်တီးမှုလက်ဆင့်ကမ်းပွဲ တစ်ခုဖြစ်သည်။ ၁၉၉၁ ခုနှစ်တွင် ဂျိမ်းဖောတိုင်းရင်းသား အနုပညာရှင် စီလိုကန်က "မနော ချီတက်တေးသံစဉ်" ကို ဖန်တီးခဲ့သည်။ ၂၀၂၆ ခုနှစ် အစောပိုင်းတွင် ဂီတပညာရှင် ဂျင်းကျင်းက ယင်းအပေါ် အခြေခံ၍ စာသားများ၊ တေးသွားများကို ပြန်လည်ရေးသားခဲ့ပြီး AI နည်းပညာ၏ အကူအညီဖြင့် အီလက်ထရွန်နစ် အပြောင်းအလဲ စသည့်တေးသွားအစိတ်အပိုင်းများကို ထည့်သွင်းခဲ့ရာ ရိုးရာတေးသွားများကို ခေတ်ပြိုင် အလှအပဆိုင်ရာ ခံစားမှုများနှင့် ပိုမိုကိုက်ညီသော တင်ဆက်မှုပုံစံများ ရရှိစေခဲ့သည်။ မေလတွင် ယူနန်ပြည်နယ် သီချင်းနှင့် အကပြဇာတ်ရုံမှ သရုပ်ဆောင်များသည် သီချင်းကို အခြေခံ၍ ဂျိမ်းဖောဓားအကကို စီစဉ်ရေးဆွဲခဲ့ကြပြီး ရိုးရာဓားနည်းပညာများကို ခေတ်သစ်အကစီစဉ်မှုများအတွင်းသို့ ပေါင်းစပ်ထည့်သွင်းခဲ့ကြသည်။

​သီချင်းပေါက်ရောက်ကျော်ကြားလာမှုသည် တယ်ဟုန်ခရီးသွားလာရေးကိုလည်း ရေပန်းစားလာစေခဲ့သည်။ ယခုနှစ် နှစ်ဝက်တွင် တယ်ဟုန်ပြည်နယ်ခွဲ၏ ခရီးသွား လက်ခံမှုပမာဏနှင့် စုစုပေါင်း ခရီးသွား အသုံးစရိတ်တို့သည် အသီးသီး ၁၄.၉ % နှင့် ၂၀.၉ % တိုးတက်လာခဲ့သည်။ ဂျိမ်းဖောတိုင်းရင်းသားဝတ်စုံများ၊ ဂျိမ်းဖောဂျပ်ခုတ်ထည် စသည့်ထုတ်ကုန်များ၏ ရောင်းအားသည် ၂၈၀% တိုးတက်လာခဲ့ပြီး လေကြောင်းသယ်ယူပို့ဆောင်ရေး၊ တည်းခိုရေး၊ စားသောက်ကုန် လုပ်ငန်းတို့သည် ၅၄.၃ %၊ ၁၉.၅ % နှင့် ၇ % အသီးသီး တိုးတက်လာခဲ့သည်။ နယ်စပ်ကျေးရွာများမှ ထွက်ခွာလာသော အဆိုပါရှေးဟောင်းသီချင်းနှင့် အကသည် တိုင်းရင်းသားပေါင်းစုံ ပြည်သူများ၏ တစ်စိတ်တစ်ဝမ်းတည်း ရှိသော လေးနက်သည့် သံယောဇဉ်များကို သယ်ဆောင်လျက် တောင်များနှင့် ပင်လယ်များကို ဖြတ်ကျော်၍ အနာဂတ်အတွက် သီဆိုကျူးဧနေပြီဖြစ်သည်။