လန်ချန်း-မဲခေါင် နိုင်ငံတကာရေကြောင်းလမ်းမှ သစ်သီးဝလံတင်သွင်းမှု သိသာထင်ရှားစွာ တိုးတက်လာ

စာရင်းဇယားများအရ ၂၀၂၆ ခုနှစ် ပထမ ၈ လအတွင်း လန်ချန်း-မဲခေါင် နိုင်ငံတကာရေကြောင်းလမ်း၏ ပို့ကုန်သွင်းကုန် ကုန်စည်သယ်ယူပို့ဆောင်ရေးပမာဏသည် တန်ချိန် ၂.၃၄၃ သိန်းအထိ ရှိခဲ့ပြီး ကုန်သွယ်မှုပမာဏမှာ ယွမ် ၄၃.၆၂ ဘီလီယံအထိ ရောက်ရှိကာ ယခင်နှစ် ကာလတူထက် ၅၈.၉ % နှင့် ၁၃၀.၈ % အသီးသီး တိုးတက်လာခဲ့သည်။ ထိုအထဲတွင် သစ်သီးဝလံတင်သွင်းမှုပမာဏမှာ တန်ချိန် ၀.၄၂၇ သိန်းနှင့် ကုန်သွယ်မှုပမာဏ ယွမ် ၇.၂၁ ဘီလီယံရှိခဲ့ရာ ယခင်နှစ် ကာလတူထက် ၁၂.၂ ဆနှင့် ၇.၉ ဆ အသီးသီး တိုးတက်လာခဲ့သည်။ ယခုနှစ် ပထမ ၈ လအတွင်း တင်သွင်းခဲ့သည့် သစ်သီးဝလံ ကုန်စည်ပမာဏသည် ၂၀၂၅ ခုနှစ် တစ်နှစ်လုံး၏ သစ်သီးဝလံတင်သွင်းမှုပမာဏထက် ၄ ဆအထိ ရောက်ရှိခဲ့သည်။  

​စစ်ဆောင်ပန်းနား ချိုဟဲ နိုင်ငံတကာကုန်စည်ပို့ဆောင်ရေး အေဂျင်စီ ကုမ္ပဏီလီမိတက်၏ ကွမ်းလဲ့ဆိပ်ကမ်း တာဝန်ခံ လီချိုင်ဖိန်က "ထိုင်းနိုင်ငံ ချင်းဆိန် ဆိပ်ကမ်းကနေ ကွမ်းလဲ့ဆိပ်ကမ်းအထိ သစ်သီးတွေကို သင်္ဘောနဲ့ တင်ပို့ရာမှာ ၂၆ နာရီပဲ ကြာပါတယ်။ ရေကြောင်းကနေ တိုက်ရိုက် သယ်ယူပို့ဆောင်တာဖြစ်လို့ ကုန်ပစ္စည်း တစ်ဆင့်လွှဲပြောင်းစရာ မလိုပါဘူး။ ကုန်းကြောင်းသယ်ယူပို့ဆောင်ရေးနဲ့ နှိုင်းယှဉ်ရင် ၃ ရက်လောက် သက်သာစေပြီး သယ်ယူပို့ဆောင်ရေး စရိတ်စကကိုလည်း ၂၀ % လောက် လျှော့ချပေးနိုင်ပါတယ်။ ယခုနှစ်အတွင်း လုပ်ငန်းပမာဏ ဝုန်းခနဲ တိုးတက်လာတာကြောင့် ကျွန်တော်တို့ကုမ္ပဏီက ကုန်တင်သင်္ဘော ၃ စီး ထပ်မံဖြည့်တင်းခဲ့ပြီး အအေးကွင်းဆက်ကွန်တိန်နာ ပို့ဆောင်ရေးသေတ္တာ ၁၃၀ ကျော်ကိုလည်း ထပ်မံတိုးချဲ့ခဲ့ပါတယ်" ဟု ပြောကြားခဲ့သည်။ ယခုနှစ် ပထမ ၈ လအတွင်း အဆိုပါကုမ္ပဏီ၏ သစ်သီးဝလံ တင်သွင်းမှုပမာဏမှာ ၅ ဆခန့် တိုးတက်လာခဲ့သည်။