အာရှ-ပစိဖိတ် မီဒီယာထိပ်သီးဖိုရမ်တွင် အတူတကွ လက်တွဲလျှောက်လှမ်းရေး အားကောင်းသော အသံများ ထွက်ပေါ်ခဲ့
၂၀၂၆ ခုနှစ် စက်တင်ဘာ ၅ ရက်တွင် “အာရှ-ပစိဖိတ် အသိုက်အဝန်း၏ သာယာဝပြောရေး လမ်းကြောင်းကို အတူတကွ တည်ဆောက်ကြစို့ - မီဒီယာများ၏ ဘုံသဘောတူညီချက်နှင့် လှုပ်ရှားဆောင်ရွက်မှု” ဟူသော ဆောင်ပုဒ်ဖြင့် အာရှ-ပစိဖိတ် မီဒီယာထိပ်သီးဖိုရမ်ကို ဂွမ်ဒုန်းပြည်နယ် ရှန်ကျန့်မြို့၌ ဖွင့်လှစ်ခဲ့သည်။ အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) “တရုတ်နှစ်” စီးရီးလှုပ်ရှားမှုများ၏ အရေးပါသော အစိတ်အပိုင်းတစ်ခုအဖြစ် နိုင်ငံနှင့် ဒေသ ၄၀ ကျော်မှလည်းကောင်း၊ ကုလသမဂ္ဂအဖွဲ့အစည်းများနှင့် နိုင်ငံတကာအဖွဲ့အစည်းများမှလည်းကောင်း တရုတ်နှင့် နိုင်ငံခြားမီဒီယာများ၊ သုတေသနအဖွဲ့ အသိပညာရှင်များနှင့် အစိုးရဌာနများမှ ကိုယ်စားလှယ် ၄၀၀ ကျော် တက်ရောက်ခဲ့ကြသည်။
ဖိုရမ်ကာလအတွင်း “အာရှ-ပစိဖိတ် မီဒီယာထိပ်သီးဖိုရမ် ရှန်ကျန့်ဘုံသဘောတူညီချက်”ကို ထုတ်ပြန်ခဲ့ပြီး ပွင့်လင်းသော ဘုံသဘောတူညီချက်ကို မြှင့်တင်ရန်၊ ဘက်စုံကုန်သွယ်ရေးစနစ်ကို ထိန်းသိမ်းရန်၊ ဒစ်ဂျစ်တယ်စနစ်၊ စမတ်စနစ်နှင့် အစိမ်းရောင်စနစ်သို့ အသွင်ကူးပြောင်းမှုကို တွန်းအားပေးရန်နှင့် မီဒီယာဖလှယ်ရေး ပူးပေါင်းဆောင်ရွက်မှုကို နက်ရှိုင်းစေကာ အာရှ-ပစိဖိတ် ပြည်သူများ၏ အပြန်အလှန် နားလည်မှုနှင့် ယုံကြည်မှုကို တိုးမြှင့်ရန် တိုက်တွန်းနှိုးဆော်ခဲ့သည်။ ထို့ပြင် တရုတ်နှင့် နိုင်ငံခြားမီဒီယာအဖွဲ့အစည်း ၁၆ ခုက ပူးတွဲစတင်ခဲ့သည့် “အာရှ-ပစိဖိတ် မီဒီယာပူးပေါင်းဆောင်ရွက်ရေး မိတ်ဖက်အစီအစဉ်” ပြင်ဆင်ရေးကော်မတီကို တရားဝင်ထူထောင်ခဲ့ပြီး အထွေထွေအတွင်းရေးမှူးရုံးကို Xinhua သတင်းဌာနတွင် ထားရှိကာ ထိပ်သီးစကားဝိုင်း၊ ပူးပေါင်းသတင်းဖြန့်ဝေမှု၊ နည်းပညာသစ်ဆန်းတီထွင်မှုနှင့် လက်တွေ့ကျသော ပူးပေါင်းဆောင်ရွက်မှု ဟူသောပလပ်ဖောင်းကြီး ၄ ခုကို တည်ဆောက်ရန် ရည်ရွယ်သည်။
ထို့အပြင် ဖိုရမ်တွင် နည်းပညာမျှဝေခြင်း၊ အကြောင်းအရာများ အတူတကွ ဖန်တီးခြင်းနှင့် မျိုးဆက်သစ် လူငယ်များကို အတူတကွပြုစုပျိုးထောင်ခြင်းတို့ကို အဓိကထားသည့် “ရှန်ကျန့် ချိန်းဆိုမှုသို့ အတူတကွ သွားကြစို့၊ ပိုမိုသာယာလှပသော အာရှ-ပစိဖိတ်ကို အတူတကွဖန်တီးကြစို့” မီဒီယာပူးပေါင်းဆောင်ရွက်ရေး လှုပ်ရှားမှုကို စတင်ခဲ့ပြီး “အာရှ-ပစိဖိတ် သတင်းဖြန့်ဝေမှုညွှန်းကိန်း” အစီရင်ခံစာနှင့် “ပွင့်လင်းမှု၊ ဆန်းသစ်တီထွင်မှု၊ ပူးပေါင်းဆောင်ရွက်မှု - ပိုမိုသာယာဝပြောသော အာရှ-ပစိဖိတ် အသိုက်အဝန်းကို တည်ဆောက်ခြင်း” သုတေသနအစီရင်ခံစာတို့ကို ထုတ်ပြန်ခဲ့သည်။ တက်ရောက်လာကြသော ဧည့်သည်တော်များသည် နည်းပညာဆန်းသစ်တီထွင်မှု အောင်မြင်မှုပြပွဲသို့ သွားရောက်ကြည့်ရှုခဲ့ကြပြီး စမတ်မီဒီယာ အသုံးချမှု၊ AI စသည့်နယ်ပယ်များတွင် တရုတ်နိုင်ငံ၏ ဆန်းသစ်တီထွင်မှု လက်တွေ့လုပ်ဆောင်ချက်များကို ခံစားသိရှိခဲ့ကြကာ မီဒီယာများသည် နည်းပညာဆိုင်ရာ အခွင့်အလမ်းများကို ဆုပ်ကိုင်ပြီး ဒေသတွင်း ပွင့်လင်းမှု၊ ပူးပေါင်းဆောင်ရွက်မှုနှင့် အတူတကွ သာယာဝပြောမှုကို တွန်းအားပေးသင့်ကြောင်း တစ်ခဲနက် ပြောကြားခဲ့ကြသည်။
