ကျွန်ုပ်တို့နိုင်ငံ၏ ဆိုလာစွမ်းအင်သုံး လျှပ်စစ်ဓာတ်အားထုတ်လုပ်မှု တပ်ဆင်ပမာဏသည် သမိုင်းဝင်စံချိန်သစ်အဖြစ် ကျောက်မီးသွေးသုံး လျှပ်စစ်ဓာတ်အားထုတ်လုပ်မှုကို ကျော်လွန်သွားခဲ့
云南日报|
အမျိုးသားစွမ်းအင်ဗျူရို၏ စက်တင်ဘာလ ၁ ရက်နေ့ ကြေညာချက်တွင် ကျွန်ုပ်တို့နိုင်ငံ၏ ဆိုလာစွမ်းအင်သုံး လျှပ်စစ်ဓာတ်အားထုတ်လုပ်မှု တပ်ဆင်ပမာဏသည် သမိုင်းဝင်စံချိန်သစ်အဖြစ် ကျောက်မီးသွေးသုံး လျှပ်စစ်ဓာတ်အားထုတ်လုပ်မှုကို ကျော်လွန်သွားခဲ့ပြီး တပ်ဆင်ပမာဏအကြီးမားဆုံးသော လျှပ်စစ်ဓာတ်အားအမျိုးအစား ဖြစ်လာခဲ့သည်။
အချက်အလက်များအရ ယခုနှစ် ဇူလိုင်လကုန်အထိ ကျွန်ုပ်တို့နိုင်ငံ၏ ဆိုလာစွမ်းအင်သုံး လျှပ်စစ်ဓာတ်အားထုတ်လုပ်မှု တပ်ဆင်ပမာဏသည် ကီလိုဝပ် ၁.၂၈၆ ဘီလီယံအထိ ရောက်ရှိခဲ့သည်။ “ဒါဟာ ကျွန်ုပ်တို့နိုင်ငံရဲ့ စွမ်းအင် အစိမ်းရောင်နှင့် ကာဗွန်နည်း အသွင်ကူးပြောင်းမှု လုပ်ငန်းစဉ်မှာ မိုင်တိုင်တစ်ခုလို အရေးပါတဲ့ ဖြစ်ရပ်တစ်ခု ဖြစ်ပါတယ်”ဟု တရုတ်လျှပ်စစ်ဓာတ်အားလုပ်ငန်းများအဖွဲ့ချုပ် စီမံကိန်းဖွံ့ဖြိုးတိုးတက်ရေးဌာန ဒုတိယညွှန်ကြားရေးမှူး လျူကျိချန်းက ပြောကြားခဲ့ပြီး စွမ်းအင်သစ်ကို အဓိကထားသည့် လျှပ်စစ်ဓာတ်အားစနစ်သစ် ရေးဆွဲတည်ဆောက်မှု အရှိန်အဟုန်မြှင့်လာသည်ဟု ဆိုသည်။
စွမ်းအင်ဖွဲ့စည်းပုံအရကြည့်ပါက ယခုနှစ် ဇူလိုင်လကုန်အထိ တစ်နိုင်ငံလုံး၏ လျှပ်စစ်ဓာတ်အားထုတ်လုပ်မှု တပ်ဆင်ပမာဏ စုစုပေါင်းသည် ကီလိုဝပ် ၄.၀၈ ဘီလီယံအထိ ရောက်ရှိခဲ့ရာ ဆိုလာစွမ်းအင်သုံး လျှပ်စစ်ဓာတ်အားထုတ်လုပ်မှု တပ်ဆင်ပမာဏသည် စုစုပေါင်း တပ်ဆင်ပမာဏ၏ ၃၀ ရာခိုင်နှုန်းကျော် ပါဝင်သည်။ ယခုနှစ် ဇန်နဝါရီလမှ ဇူလိုင်လအထိ တစ်နိုင်ငံလုံး၌ လျှပ်စစ်ဓာတ်အားထုတ်လုပ်မှု တပ်ဆင်ပမာဏ အသစ် ကီလိုဝပ် ၁၉၃.၉၇ သန်း ရောက်ရှိခဲ့ရာ ထိုအထဲတွင် ဆိုလာစွမ်းအင်သုံး လျှပ်စစ်ဓာတ်အားထုတ်လုပ်မှု စုစုပေါင်း အသစ်တိုးပွားလာသည့် တပ်ဆင်ပမာဏမှာ ကီလိုဝပ် ၈၅.၆၅ သန်းရှိပြီး ၄၀ ရာခိုင်နှုန်းကျော် ပါဝင်သည်။ စက်မှုလုပ်ငန်းများ အပြင်အဆင်အရကြည့်ပါက ကျွန်ုပ်တို့နိုင်ငံသည် ပြည့်စုံသော ဆိုလာစွမ်းအင် ကွင်းဆက်တစ်ခုလုံး၏ သုတေသနနှင့် ဒီဇိုင်းရေးဆွဲမှု၊ ပေါင်းစပ်ထုတ်လုပ်မှု စနစ်ကို တည်ဆောက်ပြီးစီးခဲ့ပြီးဖြစ်သည်။
ဖော်ပြချက်များအရ ယခုနှစ် ဇန်နဝါရီလမှ ဇူလိုင်လအထိ ကျွန်ုပ်တို့နိုင်ငံ၏ ဆိုလာစွမ်းအင်သုံး လျှပ်စစ်ဓာတ်အား ထုတ်လုပ်မှုပမာဏမှာ ကီလိုဝပ်နာရီ ၈၀၂.၄ ဘီလီယံရှိပြီး လူမှုအဖွဲ့အစည်းတစ်ရပ်လုံး၏ လျှပ်စစ်ဓာတ်အားသုံးစွဲမှုပမာဏ၏ ၁၃ ရာခိုင်နှုန်း ပါဝင်သည်။
