တရုတ်နိုင်ငံသည် ကွင်းဆက်ပြည့် စက်ဝိုင်းပုံစီးပွားရေးစနစ်ကို အရှိန်အဟုန်မြှင့် တည်ဆောက်လျက်ရှိ

လက်ရှိတွင် တရုတ်နိုင်ငံသည် ထုတ်လုပ်မှု၊ သုံးစွဲမှု၊ ပြန်လည်သိမ်းဆည်းမှုနှင့် ပြန်လည်အသုံးပြုမှု အဆင့်တစ်ခုချင်းစီကို အရှိန်အဟုန်မြှင့် ချိတ်ဆက်ဆောင်ရွက်လျက်ရှိပြီး ကွင်းဆက်ပြည့် စက်ဝိုင်းပုံစီးပွားရေးစနစ် တည်ဆောက်ရေးကို မြှင့်တင်ဆောင်ရွက်လျက်ရှိသည်။

​ခန့်မှန်းချက်များအရ ၂၀၃၀ ပြည့်နှစ်တွင် တရုတ်နိုင်ငံ၌ သက်တမ်းကုန်ဆုံးသည့် စွမ်းအင်သစ်ဘက်ထရီတန်ချိန် ၁ သန်းခန့်၊ သက်တမ်းကုန်ဆုံးသည့် ဆိုလာပြားတန်ချိန် ၁.၅ သန်းမှ ၂ သန်းအထိနှင့် သက်တမ်းကုန်ဆုံးသည့် လေအားလျှပ်စစ် တာဘိုင်ဒလက်များတန်ချိန် ၅ သိန်းခန့် ရှိလာမည်ဖြစ်သည်။

​ဤ "သက်တမ်းကုန်ဆုံးမှု လှိုင်းလုံး" ကို အခွင့်အလမ်းသစ်အဖြစ် မည်သို့ပြောင်းလဲမည်ဆိုသည်နှင့် ပတ်သက်၍ ဒေသအသီးသီးက အရှိန်အဟုန်မြှင့် စူးစမ်းရှာဖွေလျက်ရှိသည်။ ဟဲပေပြည်နယ် ကျန်းကျားခိုမြို့တွင် တစ်နှစ်လျှင် သက်တမ်းကုန် လေအားလျှပ်စစ်ပစ္စည်း တန်ချိန် ၁ သန်း ပြန်လည်ပြုပြင်စက်ရုံကို အရှိန်အဟုန်မြှင့် တည်ဆောက်လျက်ရှိပြီး ပထမအဆင့်ကို နောက်လတွင် စတင်ထုတ်လုပ်တော့မည်ဖြစ်သည်။ ရှန်ကျန်းမြို့တွင် ဤအမိုးခေါင်အသစ်များပေါ်၌ တပ်ဆင်ထားသော အရောင်စုံလင်သော ဆိုလာပြားအသစ်များကို သက်တမ်းကုန် ဆိုလာပြားများမှ ပြန်လည်ပြုပြင် ဖန်တီးထားခြင်းဖြစ်ပြီး လျှပ်စစ်ထုတ်လုပ်မှု ထိရောက်မှု ၈၀% ကို ထိန်းသိမ်းထားနိုင်ကာ တစ်နှစ်ထုတ်လုပ်မှု ပမာဏသည် စတုရန်းမီတာ ၅ သိန်းအထိရှိသည်။

​ယခုနှစ်တွင် ပစ္စည်းဟောင်းလဲလှယ်သည့် မူဝါဒကြောင့် ဖုန်းဟောင်းများ ပြန်လည်သိမ်းဆည်းသည့် ပမာဏ သိသိသာသာ တိုးတက်လာခဲ့ပြီး သက်ဆိုင်ရာ စစ်ဆေးရေးစင်တာ စသည့်အဖွဲ့အစည်းများ၏ စံချိန်စံညွှန်းမီ ဖွံ့ဖြိုးတိုးတက်မှုကိုလည်း တွန်းအားပေးခဲ့သည်။

​၂၀၃၀ ပြည့်နှစ်တွင် တရုတ်နိုင်ငံ၏ အဓိက ပြန်လည်ဆန်းသစ် အသုံးပြုနိုင်သော အရင်းအမြစ်များ နှစ်စဉ် ပြန်လည်အသုံးပြုမှု ပမာဏသည် တန်ချိန် သန်း ၅၁၀ အထိ ရှိလာမည်ဟု ခန့်မှန်းရပြီး အဓိက အရင်းအမြစ် ထွက်ရှိမှုနှုန်းသည် ၂၀၂၅ ခုနှစ်ထက် ၁၆% မြင့်တက်လာမည်ဖြစ်သည်။ အရင်းအမြစ် ပြန်လည်အသုံးပြုမှု ထုတ်ကုန်လုပ်ငန်း၏ ထုတ်လုပ်မှုတန်ဖိုးသည် ယွမ် ၈ ထရီလီယံအထိ ရောက်ရှိမည်ဖြစ်ကာ မူလအရင်းအမြစ်နှင့် ပြန်လည်ဆန်းသစ်အရင်းအမြစ် နှစ်မျိုးလုံးဖြင့် အာမခံပေးသည့် ထောက်ပံ့မှုပုံစံကို တဖြည်းဖြည်း တည်ဆောက်သွားမည်ဖြစ်သည်။