ເມື່ອບໍ່ດົນມານີ້, ຝູງນົກນາງນວນປາກແດງຊຸດທຳອິດຂອງປີນີ້ທີ່ເດີນທາງມາພັກຜ່ອນໃນລະດູໜາວທີ່ນະຄອນຄຸນໝິງ ໄດ້ປາກົດຕົວຢູ່ເຂດຊຸ່ມນ້ຳໄຫຫົງ, ເຊິ່ງມີທັງໝົດ 50 ກວ່າໂຕ, ໃນນັ້ນມີຫຼາຍໂຕເປັນນົກໄວລຸ້ນ, ພວກມັນໄດ້ເດີນ
ທາງມາກ່ອນເພື່ອສຳຫຼວດຫາສະພາບແວດລ້ອມທີ່ເໝາະສົມໃນການພັກເຊົາ ສຳ
ລັບການຍ້າຍຖິ່ນຖານຂອງຝູງນົກຈຳນວນມະຫາສານທີ່ຈະຕາມມາໃນພາຍຫຼັງ.
ຄວາມຜູກພັນລະຫວ່າງ ຄຸນໝິງ ແລະ ນົກນາງນວນປາກແດງ ເລີ່ມຕົ້ນຂຶ້ນໃນປີ 1985. ໃນປີນັ້ນ, ນົກນາງນວນປາກແດງຈຳນວນມະຫາສານໄດ້ບິນມາຮອດເຂດຕົວເມືອງເປັນຄັ້ງທຳອິດ, ຮູບຮ່າງທີ່ຄ່ອງແຄ້ວໄດ້ສ້າງຄວາມປະທັບໃຈໃຫ້ກັບເມືອງທີ່ເປັນເມືອງລະດູໃບໄມ້ປົ່ງແຫ່ງນີ້, ຫຼັງຈາກມີການລາຍງານຜ່ານສື່ມວນຊົນ, ເລື່ອງລາວຂອງການຢູ່ຮ່ວມກັນລະຫວ່າງຄົນ ແລະ ນົກນາງນວນກໍໄດ້ເລີ່ມຕົ້ນຂຶ້ນ. ຕະຫຼອດໄລຍະເວລາຫຼາຍກວ່າ 40 ປີທີ່ຜ່ານມາ, ນົກອົບພະຍົບໄດ້ເດີນທາງມາຕາມນັດໝາຍໃນທຸກໆປີ, ສະພາບແວດລ້ອມທາງນ້ຳຂອງໜອງຕຽນສືທີ່ໄດ້ຮັບການປັບປຸງຢ່າງຕໍ່ເນື່ອງ, ໄດ້ກາຍເປັນບ້ານເຮືອນທີ່ປອດໄພ ແລະ ສະບາຍສຳລັບການພັກເຊົາໃນລະດູໜາວຂອງນົກນາງນວນປາກແດງ, ແລະ ນົກນາງນວນປາກແດງກໍໄດ້ກາຍເປັນນາມບັດທາງດ້ານນິເວດວິທະຍາທີ່ໂດດເດັ່ນຂອງຄຸນໝິງ.
