၂၀၂၆ တရုတ်-ကမ္ဘောဒီးယား ဆောင်းဦးလလယ် ပျော်ပွဲရွှင်ပွဲ ညစာစားပွဲကို ဖနွမ်းပင်၌ ကျင်းပခဲ့

​

ဒေသစံတော်ချိန် စက်တင်ဘာလ ၂၃ ရက်တွင် "မိုးတိမ်ရောင်စုံ လမင်းကြီးကို လိုက်လံလျက်. အိမ်နီးချင်းချစ်ကြည်ရင်းနှီးမှု နက်ရှိုင်းစေ"--၂၀၂၆ တရုတ်-ကမ္ဘောဒီးယား ဆောင်းဦးလလယ် ပျော်ပွဲရွှင်ပွဲ ညစာစားပွဲကို ကမ္ဘောဒီးယားနိုင်ငံ ဖနွမ်းပင်မြို့၌ ကျင်းပခဲ့သည်။ ကမ္ဘောဒီးယား ဘုရင်၏ အဆင့်မြင့် အကြံပေး၊ ပြည်သူ့ပါတီ ဗဟိုအမြဲတမ်း ကော်မတီဝင်၊ ကမ္ဘောဒီးယား-တရုတ် ချစ်ကြည်ရေးအသင်း ဥက္ကဋ္ဌ အက်ဆမ်အန်၊ ကမ္ဘောဒီးယား ဒုတိယဝန်ကြီးချုပ် ဆုန်းဂျင်းဒါ၊ ကမ္ဘောဒီးယား ခရီးသွားလာရေးဝန်ကြီးဌာန ဝန်ကြီး ဟူဟာ၊ ကမ္ဘောဒီးယားနိုင်ငံဆိုင်ရာ တရုတ်သံအမတ်ကြီး ဝမ်ဝင်းဘင်းတို့ အခမ်းအနားသို့ တက်ရောက်ခဲ့ကြသည်။ ယူနန်ပြည်နယ် သက်ဆိုင်ရာ ဌာနများနှင့် တရုတ်-ကမ္ဘောဒီးယား စီးပွားရေးလုပ်ငန်းများ၊ မီဒီယာ ကိုယ်စားလှယ်များ စသည်တို့ ပါဝင်တက်ရောက်ခဲ့ကြသည်။

​ဗဟိုဂီတတက္ကသိုလ် တိုင်းရင်းသား အိမ်တွင်းဂီတအဖွဲ့၊ ကမ္ဘောဒီးယား တော်ဝင်အနုပညာတက္ကသိုလ် ဂီတအဖွဲ့၊ ရန်လီဖိန် အနုပညာအဖွဲ့ စသည့်တရုတ်-ကမ္ဘောဒီးယား ယဉ်ကျေးမှုအနုပညာအဖွဲ့များနှင့် အနုပညာရှင်များသည် စင်မြင့်တစ်ခုတည်းတွင် အတူတကွ သရုပ်ပြသခဲ့ကြပြီး ရိုးရာနှင့် ခေတ်ပြိုင် ပေါင်းစပ်ထားသော တေးဂီတ၊ အကနှင့် စုံတွဲတီးခတ်မှု စသည့်အစီအစဉ်များကို တင်ဆက်ခဲ့ကြသည်။ ကမ္ဘောဒီးယား၏ “ဆုတောင်းမေတ္တာပို့ အက”၊ ယူနန်၏ “အချိမုကွာ” စသည့်ပြောင်မြောက်သော သရုပ်ပြသမှုများသည် ပရိသတ်များ၏ လက်ခုပ်သံများ သောင်းသောင်းဖြဖြ ထွက်ပေါ်စေခဲ့သည်။

​ညစာစားပွဲ၌ အတွေ့အကြုံ မျှဝေရေး အစီအစဉ်ကိုလည်း ထည့်သွင်းခဲ့သည်။ ထို့ပြင် တရုတ်-ကမ္ဘောဒီးယား မီဒီယာသစ်ဖန်တီးသူများသည် ကမ္ဘာ့အမွေအနှစ်နေရာများကို အပြန်အလှန် ညွှန်းဆိုပြသခဲ့ကြပြီး "ယူနန်သို့ လည်ပတ်၍ အန်ကောဝတ်ကို ကြည့်ရှုကြစို့"၊ "ကမ္ဘာ့အမွေအနှစ် ခရီးစဉ် စီမံကိန်း" စသည့် ကုန်အမှတ်တံဆိပ်များကို မိတ်ဆက်ပေးခဲ့ကြသည်။

​ညစာစားပွဲကို တရုတ်ကွန်မြူနစ်ပါတီ ယူနန်ပြည်နယ်ကော်မတီ ပြန်ကြားရေးဌာန၊ တရုတ်ပြည်သူ့သမ္မတနိုင်ငံဆိုင်ရာ ကမ္ဘောဒီးယားနိုင်ငံ သံရုံး၊ ကမ္ဘောဒီးယားဘုရင့်နိုင်ငံ ခရီးသွားလာရေးဝန်ကြီးဌာန၊ ကမ္ဘောဒီးယားဘုရင့်နိုင်ငံ ပြန်ကြားရေးဝန်ကြီးဌာနတို့က ပူးတွဲအိမ်ရှင်အဖြစ် ကျင်းပပြီး ယူနန်ရုပ်မြင်သံကြားဌာန၊ ယူနန်ပြည်နယ် တောင်အာရှနှင့် အရှေ့တောင်အာရှ ဒေသတွင်း နိုင်ငံတကာပြန်ကြားရေးစင်တာ၊ ဖနွမ်းပင် တရုတ်ယဉ်ကျေးမှုစင်တာတို့က တာဝန်ယူ ဆောင်ရွက်ခဲ့ခြင်းဖြစ်သည်။ ထိုနေ့တွင် "လန်ချန်း-မဲခေါင် မြစ်တစ်စင်းတည်း ချစ်ကြည်ရေး လရောင်" ပျော်ရွှင်ဖွယ်ရာ ယူနန် အလုပ်ရုံ ဆောင်းဦးလယ် ယဉ်ကျေးမှု ဈေးတန်းကိုလည်း ကျင်းပခဲ့ရာ တရုတ်-ကမ္ဘောဒီးယား ပရိသတ်များသည် ဈေးတန်းသို့ အတူတကွ လည်ပတ်ကြပြီး ယူနန်-ကမ္ဘောဒီးယား ဒေသထွက်ကုန်များကို ကြည့်ရှုကာ လန်ချန်း-မဲခေါင် ရိုးရာဓလေ့များကို ခံစားသိရှိခဲ့ကြပြီး ပွဲတော် ဆုတောင်းမေတ္တာများကို အပြန်အလှန် ပေးပို့ခဲ့ကြသည်။