​"ပျော်ရွှင်ဖွယ်ရာ ယူနန်（တိမ်တိုက်）အလုပ်ရုံ" ဆောင်းဦးလယ်ပွဲတော် ယဉ်ကျေးမှုဈေးတန်းကို ဟနွိုင်းမြို့၌ မိတ်ဆက်ပြသခဲ့ - ယူနန်နှင့် ဗီယက်နမ် ရိုးရာဓလေ့ ပင်ရင်းတူညီမှု၏ နွေးထွေးသော တွေ့ဆုံမှု

​စက်တင်ဘာလ ၂၁ ရက်တွင် "လန်ချန်း-မဲခေါင် မြစ်တစ်စင်းတည်း ချစ်ကြည့်ရေး လရောင်" ပျော်ရွှင်ဖွယ်ရာ ယူနန်အလုပ်ရုံ ဆောင်းဦးလယ်ပွဲ ယဉ်ကျေးမှုဈေးတန်းကို ဗီယက်နမ်နိုင်ငံ ဟနွိုင်းမြို့၌ မိတ်ဆက်ပြသခဲ့ပြီး "ကောင်းကင်တစ်ခွင် ဤအချိန်၏ လကို အတူတကွ ခံစား - မိုးတိမ်ရောင်စုံ လမင်းကြီးကို လိုက်လံလျက်. အိမ်နီးချင်းချစ်ကြည်ရင်းနှီးမှု နက်ရှိုင်းစေ" ၂၀၂၆ တရုတ်-ဗီယက်နမ် ဆောင်းဦးလယ်ပွဲတော် တေးဂီတဖျော်ဖြေပွဲနှင့် တစ်ပြိုင်နက်တည်း ဆောင်ရွက်ခဲ့သည်။ ယခုအကြိမ် ဈေးတန်းကို ဗီယက်နမ်နိုင်ငံဆိုင်ရာ တရုတ်သံရုံး၊ တရုတ်ကွန်မြူနစ်ပါတီ ယူနန်ပြည်နယ်ကော်မတီ ပြန်ကြားရေးဌာနတို့က အိမ်ရှင်အဖြစ် ပူးတွဲစီစဉ်ပြီး ယူနန်ပြည်နယ် တောင်အာရှနှင့် အရှေ့တောင်အာရှ ဒေသတွင်း နိုင်ငံတကာ ပြန်ကြာရေးစင်တာက တာဝန်ယူ ဆောင်ရွက်ခဲ့ခြင်းဖြစ်သည်။  

​ဈေးတန်းအတွင်းရှိ "ယူနန်-ဗီယက်နမ် ရနံ့ဆုံဆည်းရာ" ပြခန်းသည် ရေပန်းစားမှု မြင့်တက်ခဲ့သည်။ သပ်ရပ်လှပသော ပုံသဏ္ဌာန်ရှိသည့် ယူနန်သစ်ဥသစ်ဖု အမွှေးအိတ်များသည် သဘာဝအမွှေးရနံ့နှင့် ထူးခြားသော ပုံသဏ္ဌာန်တို့ဖြင့် ဗီယက်နမ် ပြည်သူများစွာကို ဆွဲဆောင်နိုင်ခဲ့သည်။ ဒေသခံ မိန်းကလေး နှစ်ဦးသည် အမွှေးအိတ်များကို ကိုင်ဆောင်ကာ မြတ်နိုးမဝ နှစ်သက်ခဲ့ရပြီး ပြခန်း၌ ယူနန်ကျေးရွာများမှ သဘာဝသစ်ဥသစ်ဖု အမွှေးအကြိုင်များကို ခင်းကျင်းထားကြောင်း သိရှိရသည့်အခါ ရင်းနှီးပြီးသား သစ်ဥသစ်ဖု ရနံ့များသည် ၎င်းတို့အား အလွန်ရင်းနှီးနွေးထွေးစေခဲ့ပြီး နှစ်နိုင်ငံ ရိုးရာဓလေ့များအကြား တူညီသော ဘဝအရသာကို ချက်ချင်းရှာဖွေတွေ့ရှိခဲ့ကြသည်။

​ဗီယက်နမ် ဒုန်းဟိုရိုးရာသစ်သားပုံနှိပ်ပန်းချီပြခန်းတွင် ယင်းနည်းပညာကို ၉ နှစ်ကြာ နက်ရှိုင်းစွာ လုပ်ဆောင်ခဲ့သူ လက်မှုပညာရှင် ဒူကျန်ကျုံးက ပရိသတ်များအား ရှေးဟောင်းနည်းပညာ ပန်းချီရိုက်နှိပ်မှုကို စိတ်ရှည်စွာ သင်ကြားပြသပေးခဲ့သည်။ သူသည် လွန်ခဲ့သည့်နှစ် စက်တင်ဘာလက ယူနန်သို့ သွားရောက်ခဲ့ဖူးပြီး ဟုန်ဟ‌ယ် မြောင်တိုင်းရင်းသား လူရှန်းတူရိယာသရုပ်ပြပွဲ၊ ဖိန်ပြန်းရောင်စုံဟွာမီထမင်းနှင့် တရုတ်-ဗီယက်နမ် နယ်စပ် မြို့ငယ်လေး၏ လူသားဆန်သည့် နေ့စဉ်အငွေ့အသက်များသည် သူ့အား မမေ့နိုင်အောင် ဖြစ်စေခဲ့သည်။ အခမ်းအနားတွင် ပြသထားသော ဗီယက်နမ် ဒုန်းဟို ရိုးရာပို့စကတ်များသည် ယူနန် ဂျာမားရိုးရာသစ်သားပုံနှိပ်ပန်းချီ၏ အနုပညာ အနှစ်သာရနှင့် ဆင်တူရာ ယူနန်ဆိုင်ပိုင်ရှင်က ဗီယက်နမ်ဘက်မှ ဆိုင်ပိုင်ရှင်ထံ ဂျာမားရေခဲသေတ္တာ ကပ်ခွာတစ်ခုကို အထူးလက်ဆောင်ပေးအပ်ခဲ့ပြီး ယူနန်နှင့် ဗီယက်နမ်ရိုးရာဓလေ့ ပင်ရင်းတူညီမှု၏ နွေးထွေးသော တွေ့ဆုံမှုကို ရုပ်ပုံဖော်ပေးခဲ့သည်။  

​"အသံ ပို့စကတ်ရုံး" ပြခန်းတွင် ပရိသတ်များသည် "ချစ်ကြည်ရေး ပို့စကတ်များ" ကို ဆက်တိုက်ရေးသားခဲ့ကြသည်။ ယွီရုန်းက ကူမင်းမြို့သို့ သွားရောက်ကြည့်ရှုရန် အခွင့်အရေး ရရှိပါစေကြောင်း မျှော်လင့်ချက်ကို ရေးသားခဲ့ပြီး အာကျွန်းက ဗီယက်နမ်နှင့် တရုတ်သည် တောင်ရေဆက်စပ်နေပြီး ယဉ်ကျေးမှုချင်း ဆက်နွှယ်နေကြောင်း ရေးသားခဲ့သည်။ ယူနန်ပြည်နယ်၏ "ယူနန်းဖွံ့ဖြိုးတိုးတက်ရေးနှင့် နယ်စပ်ဒေသ အကျိုးပြု ခေတ်သစ်ယဉ်ကျေးမှု လက်တွေ့ဖော်ဆောင်ရေးရပ်ဝန်း" တည်ဆောက်ရေးကို တွန်းအားပေးသည့် သက်ဝင်လှုပ်ရှားသော လက်တွေ့ဆောင်ရွက်မှုအဖြစ် တိုင်းပြည်ပြင်ပသို့ ထွက်ခွာခဲ့သော အဆိုပါ ဆောင်းဦးလယ် ယဉ်ကျေးမှုထွက်ကုန် "ဆုံစည်းမှု"သည် ယူနန်နယ်စပ်ကျေးရွာများ၏ လူနေမှုဘဝ တီထွင်ဖန်တီးမှု၊ တောင်ရေယဥ်ကျေးမှုထွက်ကုန်များနှင့် လူမှုယဉ်ကျေးမှု၏ နွေးထွေးမှုများကို ဗီယက်နမ်သို့ လွှဲပြောင်းပေးပို့ဆောင်နိုင်ခဲ့သည်။