နိုင်ငံခြားရင်းနှီးမြှုပ်နှံမှုများသည် တရုတ်ဈေးကွက်ကို ဆက်လက် အလားအလာကောင်းမွန်သည်ဟု ရှုမြင်နေကြပြီး ဖိတ်ကြားထားသော ဧည့်သည်တော်များက တရုတ်နိုင်ငံ ဖွံ့ဖြိုးတိုးတက်မှု၏ အခွင့်အလမ်းသစ်များကို တက်ကြွစွာ ဆွေးနွေးခဲ့ကြ

၂၀၂၆ ခုနှစ် နွေရာသီ ဒါဗို့စ်ဖိုရမ် (ကမ္ဘာ့စီးပွားရေးဖိုရမ်၏ (၁၇) ကြိမ်မြောက် နာမည်ကျော် ခေါင်းဆောင်သစ်များ နှစ်ပတ်လည်အစည်းအဝေး) ကို တရုတ်နိုင်ငံ ဒါလျန်မြို့တွင် ကျင်းပပြုလုပ်လျက်ရှိသည်။ အဆိုပါ အစည်းအဝေးတွင် အလွန်ရှင်းလင်းသော အချက်ပြမှုတစ်ခုကို ထုတ်ပြန်ခဲ့ရာ တရုတ်နိုင်ငံသည် အဆင့်မြင့် ပြင်ပသို့ တံခါးဖွင့်ဝါဒကို တုန်လှုပ်မှုမရှိဘဲ ဆက်လက်တိုးချဲ့သွားမည်ဖြစ်ပြီး ဖွံ့ဖြိုးတိုးတက်မှု အခွင့်အလမ်းများကို ကမ္ဘာနှင့်အတူ မျှဝေခံစားသွားမည် ဖြစ်သည်။

ယခုနှစ် နွေရာသီ ဒါဗို့စ်ဖိုရမ်တွင် ဆန်းသစ်တီထွင်မှု နည်းပညာအမြောက်အမြားသည် ဓာတ်ခွဲခန်းများထဲမှ ထွက်ခွာလာပြီး ကုန်ထုတ်လုပ်မှုကဏ္ဍ၊ စွမ်းအင်စနစ်များ၊ ဆေးဘက်ဆိုင်ရာစနစ်များနှင့် နေ့စဉ်လူနေမှုဘဝထဲသို့ပင် စိမ့်ဝင်ပျံ့နှံ့လျက်ရှိသည်။ တက်ရောက်လာကြသော ဧည့်သည်တော်များကလည်း တရုတ်ကုမ္ပဏီများသည် AI အသုံးချမှုအပိုင်းတွင် တစ်ကမ္ဘာလုံးကို ဦးဆောင်နေကြောင်း ပြောကြားခဲ့ကြသည်။

Deloitte တရုတ်၏ အမှုဆောင်အရာရှိချုပ် လျိုမင်ဟွာက တရုတ်နိုင်ငံသည် AI အသုံးချမှု ကဏ္ဍတွင် token အသုံးပြုမှုပမာဏ၌ (၇) ပတ်ဆက်တိုက် ကမ္ဘာ့ထိပ်ဆုံးနေရာကို ရယူထားနိုင်ခဲ့ကြောင်း ပြောကြားခဲ့သည်။

တရုတ်နိုင်ငံ၏ အလွန်ကြီးမားသော စားသုံးသူဈေးကွက်ကြီးသည် ကဏ္ဍအသီးသီး၏ ဒစ်ဂျစ်တယ်စနစ်သို့ ကူးပြောင်းခြင်းကို တွန်းအားပေးလျက်ရှိသည်။ ယခုမြေပြင်ပေါ်တွင် စမတ်ကျသော ကုန်ထုတ်လုပ်မှု၊ စမတ်မြို့တော်၊ စိမ်းလန်းစွမ်းအင်နှင့် ဒစ်ဂျစ်တယ်စားသုံးမှုစသည့် နည်းပညာသစ်များအတွက် “စမ်းသပ်ကွင်းပြင်”ဘယ်သောအခါမှ မပြတ်လပ်ခဲ့ဘဲ၊ ယင်းက နိုင်ငံခြားစီးပွားရေးလုပ်ငန်းရှင်များအား ပိုမိုများပြားသော တိုးတက်မှု အခွင့်အလမ်းများကို မြင်တွေ့စေခဲ့သည်။ တက်ရောက်လာသူများက တရုတ်နိုင်ငံ၏ အားသာချက်မှာ အတိုင်းအတာကြီးမားသော စက်မှုကုန်ထုတ်လုပ်မှု စွမ်းဆောင်ရည်နှင့် သိပ်သည်းဆမြင့်မားသော ဆန်းသစ်တီထွင်မှု ဂေဟစနစ်တို့ကို ပေါင်းစပ်ထားနိုင်ခြင်းဖြစ်ကြောင်း ပြောကြားခဲ့ကြသည်။

ကမ္ဘာ့စီးပွားရေးဖိုရမ် အဆင့်မြင့် ကုန်ထုတ်လုပ်မှုနှင့် ထောက်ပံ့ပို့ဆောင်ရေးကွင်းဆက် စင်တာ၏ တာဝန်ခံ ဖြစ်သူ ဖက်ဒရီကို တော့တီးက နောင်လာမည့် ငါးနှစ်အတွင်း “ဉာဏ်ရည်တု + ကုန်ထုတ်လုပ်မှု”လှုပ်ရှားမှုအစီအစဉ်သည် AI နည်းပညာကို လူမှုဖူလုံရေးအတွက် အခြေခံကျသော အစိတ်အပိုင်းတစ်ခုအဖြစ်သို့ ပြောင်းလဲပေးမည်ဖြစ်ပြီး၊ ကမ္ဘာတစ်ဝန်းလုံးအနေဖြင့် အကောင်းဆုံး စံနမူနာပြဖြစ်သော တရုတ်နိုင်ငံထံမှ သင်ယူလေ့လာသင့်ကြောင်း သုံးသပ်ထားသည်။