"လန်ချန်း-မဲခေါင် မြစ်ဝှမ်း ဂေဟယဉ်ကျေးမှုတည်ဆောက်ရေးကို တွန်းအားပေး၍ စိမ်းလန်းသော အသွင်ကူးပြောင်းမှု ဖွံ့ဖြိုးတိုးတက်ရေးကို မြှင့်တင်ခြင်း" သင်တန်းစီမံကိန်းကို ကူမင်းမြို့၌ စတင်ခဲ့
澜湄合作|
စက်တင်ဘာလ ၁၄ ရက်တွင် "လန်ချန်း-မဲခေါင် မြစ်ဝှမ်း ဂေဟယဉ်ကျေးမှုတည်ဆောက်ရေးကို တွန်းအားပေး၍ စိမ်းလန်းသော အသွင်ကူးပြောင်းမှု ဖွံ့ဖြိုးတိုးတက်ရေးကို မြှင့်တင်ခြင်း" သင်တန်း စီမံကိန်းကို ကူမင်းမြို့၌ စတင်ခဲ့သည်။ တရုတ်၊ ကမ္ဘောဒီးယား၊ လာအို၊ မြန်မာ၊ ထိုင်းနှင့် ဗီယက်နမ် နိုင်ငံတို့မှ မူဝါဒ ချမှတ်သူများ၊ သုတေသီများနှင့် လက်တွေ့ဆောင်ရွက်သူများသည် အတူတကွ စုစည်းရောက်ရှိခဲ့ပြီး ၁၀ ရက်ကြာ ကူးလူးဖလှယ်လေ့လာရေးကို စတင်ခဲ့ကြသည်။
ယခုအကြိမ် သင်တန်းစီမံကိန်းသည် လန်ချန်း-မဲခေါင် နိုင်ငံအသီးသီးမှ သက်ဆိုင်ရာ ဝန်ထမ်းများ၏ ဂေဟယဉ်ကျေးမှု တည်ဆောက်ရေးပညာရပ်စွမ်းဆောင်ရည်ကို မြှင့်တင်ပေးရန်၊ ၆ နိုင်ငံ မူဝါဒ ချမှတ်သူများ၊ သိပ္ပံနည်းကျ သုတေသီများ၊ လုပ်ငန်းခွင် ပါဝင်ဆောင်ရွက်သူများအတွက် ဆွေးနွေးတိုင်ပင်ရေး ပလက်ဖောင်းကို တည်ဆောက်ပေးရန်နှင့် ဒေသတွင်း ဂေဟနှင့် စိမ်းလန်းသော ဖွံ့ဖြိုးတိုးတက်မှု လက်တွေ့ကျ ပူးပေါင်းဆောင်ရွက်ရေး အခြေခံကို ခိုင်မာစေရန် ရည်ရွယ်သည်။ ယူနန်သည် လန်ချန်းမြစ်-မဲခေါင်မြစ်၏ အထက်ပိုင်း၌ တည်ရှိပြီး တရုတ်နိုင်ငံမှ တောင်အာရှ၊ အရှေ့တောင်အာရှသို့ မျက်နှာမူသော တံခါးဖွင့် ရှေ့တန်းမျက်နှာစာဖြစ်ကာ ဇီဝမျိုးစုံမျိုးကွဲ သယံဇာတများ ကြွယ်ဝစွာ တည်ရှိပြီး ဇီဝမျိုးစုံမျိုးကွဲ ထိန်းသိမ်းစောင့်ရှောက်ရေး၊ သစ်တောပြန်လည်ပြုပြင်ရေး၊ ဂေဟထုတ်ကုန်များ၏ တန်ဖိုးဖော်ထုတ်နိုင်ရေး စသည့်ဘက်များ၌ လက်တွေ့အတွေ့အကြုံများစွာ စုဆောင်းထားရှိရာ လန်ချန်း-မဲခေါင် ဂေဟကူးလူးဖလှယ်မှုနှင့် အပြန်အလှန်အတုယူမှုများအတွက် အရေးပါသော ပလက်ဖောင်းကို ထောက်ပံ့ပေးထားသည်။
သင်တန်းသည် "စိမ်းလန်းသာယာသောတောင်နှင့် ကြည်လင်သောရေသည် ရွှေတောင် ငွေတောင် ဖြစ်သည်" ဟူသောအယူအဆ၊ နယ်စပ်ဖြတ်ကျော် ဇီဝမျိုးစုံမျိုးကွဲလမ်းကြောင်းတည်ဆောက်ရေး၊ "ကာဗွန်နှစ်ရပ်ဆိုင်ရာ" ရည်မှန်းချက်များဖြစ်သည့် “ကာဗွန်အထွတ်အထိပ်သို့ ရောက်ရှိရေးနှင့် ကာဗွန်ကင်းစင်ရေး” နှင့် ဒေသတွင်း ရာသီဥတုပြောင်းလဲမှု၊ လန်ချန်း-မဲခေါင် နယ်စပ်ဖြတ်ကျော် ရေသယံဇာတပူးပေါင်းဆောင်ရွက်ရေး၊ ဂေဟစနစ်ထုတ်ကုန်များ၏ တန်ဖိုးဖော်ထုတ်နိုင်ရေးနှင့် ကုန်ထုတ်လုပ်ငန်းကြီး ၃ ရပ် ပေါင်းစပ်ရေး စသည့်အဓိက အကြောင်းအရာများကို ဗဟိုပြု၍ ပညာရှင်များ၏ သင်ကြားပို့ချခြင်းများ၊ ကွင်းဆင်းလေ့လာမှုများ၊ ကူးလူးဖလှယ်ဆွေးနွေးမှုများ စသည့်ပုံစံများမှတစ်ဆင့် လေ့လာရေးကို ဆောင်ရွက်ခဲ့ပြီး လန်ချန်း-မဲခေါင် ၆ နိုင်ငံတို့၏ ဂေဟယဉ်ကျေးမှုတည်ဆောက်ရေး၊ စိမ်းလန်းသော အသွင်ကူးပြောင်းမှုဖွံ့ဖြိုးတိုးတက်ရေးကို မြှင့်တင်ရေးစသည့်နယ်ပယ်များ၌ လက်တွေ့ကျပူးပေါင်းဆောင်ရွက်မှု နက်ရှိုင်းစေရန် ဆက်လက်တွန်းအားပေးခဲ့သည်။
သင်တန်းကာလအတွင်း သင်တန်းသားများသည် ဖူအော်မြို့၊ စစ်ဆောင်ပန်းနား တိုင်(ရှမ်း)တိုင်းရင်းသား ကိုယ်ပိုင်အုပ်ချုပ်ခွင့်ရပြည်နယ်ခွဲ စသည့်ဒေသများရှိ စံနမူနာပြ ဂေဟယဉ်ကျေးမှုတည်ဆောက်ရေးနှင့် စိမ်းလန်းသော အသွင်ကူးပြောင်းမှုဖွံ့ဖြိုးတိုးတက်ရေးစီမံကိန်း ကွင်းဆင်းနေရာများသို့ သွားရောက်၍ လေ့လာကြည့်ရှုမည်ဖြစ်သည်။
