ယူနန်ပြည်နယ်၊ အဓိက ကုန်းပြင်မြင့် ရိုင်ဖာအိုင်များ ကာကွယ် ထိန်းသိမ်းစောင့်ရှောက်ရေး လုပ်ငန်းများကို ဆက်လက် နက်ရှိုင်းစွာ ဆောင်ရွက်လျက်ရှိ

ကုန်းပြင်မြင့် ရိုင်ဖာအိုင်များသည် ယူနန်ပြည်နယ်၏ ဂေဟစနစ် ပတ်ဝန်းကျင်ဆိုင်ရာ ပုလဲရတနာများ ဖြစ်သကဲ့သို့ ထိန်းသိမ်းစောင့်ရှောက်ရေး၏ ခက်ခဲသောအချက်များနှင့် အဓိက အာရုံစိုက်ရာများလည်းဖြစ်သည်။ “၁၅ ကြိမ်မြောက် ငါးနှစ်စီမံကိန်း” ကာလအတွင်း ယူနန်ပြည်နယ်သည် ဥပဒေနှင့်အညီ အင်းအိုင်များ ထိန်းသိမ်းရေး၊ သိပ္ပံနည်းကျ အင်းအိုင်များ ထိန်းသိမ်းရေးနှင့် စနစ်တကျ အင်းအိုင်များ ထိန်းသိမ်းရေးတို့ကို ဆက်လက် အရှိန်အဟုန်မြှင့် တိုးမြှင့်ဆောင်ရွက်သွားမည် ဖြစ်သည်။

ယခုနှစ် မေလတွင် ယူနန်ပြည်နယ်သည် အမှတ် ၁၃ မြစ်ချောင်းနှင့် အင်းအိုင်များဆိုင်ရာ အမိန့်ကြော်ငြာစာကို ထုတ်ပြန်ခဲ့ပြီး ၂၀၂၆ ခုနှစ်တွင် မြစ်ချောင်းနှင့် အင်းအိုင်များဆိုင်ရာ တာဝန်ရှိသူစနစ်၏ အဓိက လုပ်ငန်းများကို အပြည့်အဝ အကောင်အထည်ဖော်ရန် အတည်ပြုခဲ့သည်။ လက်ရှိတွင် အင်းအိုင်များ တည်ရှိရာ ပြည်နယ်ခွဲ (မြို့) များအား အဓိက ကုန်းပြင်မြင့် အင်းအိုင်များအတွက် “အိုင်တစ်အိုင် နည်းဥပဒေတစ်ခု” (၂၀၂၆-၂၀၃၀ခုနှစ်) စီမံကိန်း ရေးဆွဲရန် စီစဉ်ပေးလျက်ရှိပြီး “၁၅ ကြိမ်မြောက် ငါးနှစ်စီမံကိန်း” ကာလအတွင်း အင်းအိုင်များ ကာကွယ်ထိန်းသိမ်းရေးအတွက် ထောက်ပံ့ပေးသွားမည် ဖြစ်သည်။

ဥပဒေနှင့်အညီ အင်းအိုင်များ ထိန်းသိမ်းရေးကို ဆက်လက် အားဖြည့်ဆောင်ရွက်လျက်ရှိသည်။ အဓိက ကုန်းပြင်မြင့် အင်းအိုင်များ၏ “အိုင်တစ်အိုင် နည်းဥပဒေတစ်ခု” နှင့် အင်းအိုင်အတွင်းစီးဝင်သော မြစ်ကြောင်း ကာကွယ်ရေး နည်းဥပဒေများကို တင်းကျပ်စွာ လိုက်နာဆောင်ရွက်ပြီး ဥပဒေပြုရေး လုပ်ငန်းများကို အရှိန်မြှင့် ဆောင်ရွက်ကာ “လယ်ယာ-မြစ်-အင်းအိုင်” ကွင်းဆက်တစ်ခုလုံးအား ဥပဒေနှင့်အညီ စီမံခန့်ခွဲသွားမည် ဖြစ်သည်။

“၁၅ ကြိမ်မြောက် ငါးနှစ်စီမံကိန်း” ကာလအတွင်း ယူနန်ပြည်နယ် ရေအရင်းအမြစ်ဌာနသည် ထိရောက်မှုရှိပြီး လက်တွေ့ကျသော အဓိကစီမံကိန်းများကို စနစ်တကျ ရေးဆွဲအကောင်အထည်ဖော်သွားမည်ဖြစ်ရာ မြို့ပြနှင့် ကျေးလက်ဒေသ အိမ်သုံးစွန့်ပစ်ရေ သန့်စင်ရေး၊ စိုက်ပျိုးရေးဆိုင်ရာ ရေထုညစ်ညမ်းမှု ထိန်းချုပ်ရေး၊ အင်းအိုင်များအတွင်းသို့ စီးဝင်သည့် အဓိကမြစ်ချောင်းများ ပြုပြင်ထိန်းသိမ်းရေး၊ ရေညှိများ ထိန်းချုပ်ရေးနှင့် ဂေဟစနစ်ဆိုင်ရာ ရေဖြည့်တင်းရေး စသည့် အဓိကလုပ်ငန်းများကို အလေးထား ဆောင်ရွက်သွားမည်ဖြစ်သည်။ ထို့အပြင် ကာကွယ်ထိန်းသိမ်းရေးဆိုင်ရာ အားနည်းချက်များကို ဆက်လက် ဖြည့်ဆည်းပြီး ပြည်နယ်တစ်ဝန်းရှိ မြစ်ချောင်း၊  အင်းအိုင်များ၏ ရေထုနှင့် သဘာဝပတ်ဝန်းကျင် အခြေအနေကို စဉ်ဆက်မပြတ် တိုးတက်ကောင်းမွန်လာစေရန် ပို့ဆောင်ပေးသွားမည်ဖြစ်ကာ အဓိက ကုန်းမြင့် အင်းအိုင်များ၏ ရေထုအရည်အသွေးကို စတာစီ တည်ငြိမ်စွာ ကောင်းမွန်လာစေရန် သေချာစေမည်ဖြစ်သည်

သာယာဝပြောသော မြစ်ချောင်း၊ အင်းအိုင်များ တည်ဆောက်ရေးကို ဘက်ပေါင်းစုံမှ အရှိန်အဟုန်မြှင့်  ဆောင်ရွက်သွားမည်ဖြစ်သည်။ မြစ်ချောင်း၊ အင်းအိုင် ထိန်းသိမ်းစောင့်ရှောက်ရေးစနစ်ကို အခြေခံ၍ ဘေးကင်းလုံခြုံသော မြစ်ချောင်း၊အင်းအိုင်များ၊သက်ရှိသဘာဝ ပြည့်စုံသော မြစ်ချောင်း၊ အင်းအိုင်များနှင့် သာယာဝပြောသော မြစ်ချောင်း၊ အင်းအိုင်များ တည်ဆောက်ရေး ဟူသော ရည်မှန်းချက်များကို ဗဟိုပြုကာ ရေအရင်းအမြစ်၊ ရေထုဂေဟစနစ်၊ ရေထုပတ်ဝန်းကျင်၊ ရေဘေးအန္တရာယ် ကာကွယ်ရေး၊ ရေထုယဉ်ကျေးမှုနှင့် ကမ်းခြေထိန်းသိမ်းရေးတို့ကို ဟန်ချက်ညီညီ ဟန်ချက်ကျကျ ပေါင်းစပ်မြှင့်တင် ဆောင်ရွက်သွားမည်ဖြစ်သည်။