ຜູ້ມັກກາເຟຟັງທາງນີ້! ຢູ່ແຄມຝັ່ງໜອງຕຽນສືຄຸນໝິງ ເລີ່ມເປີດ “ງານບຸນກາເຟ 9 ມື້”!
By QinXuedan|
ຕອນບ່າຍວັນທີ 1 ສິງຫາ, ງານປາຕີ້ກາເຟ ເລີ້ມຈັດຂຶ້ນຢ່າງຄຶກຄື້ນຢູ່ແຄມຝັ່ງຕາເວັນອອກຂອງໜອງຕຽນສື, ນະຄອນຄຸນໝິງ ແຂວງຢຸນນານ ປະເທດຈີນ! ນີ້ບໍ່ພຽງແຕ່ເປັນສະຖານທີ່ທີ່ດີສຳລັບການດື່ມກາເຟເທົ່ານັ້ນ, ແຕ່ຍັງເປັນຈຸດເດັ່ນທີ່ສຳຄັນໃນການຍົກລະດັບການທ່ອງທ່ຽວຂອງນະຄອນຄຸນໝິງອີກດ້ວຍ.
ກິດຈະກຳຄັ້ງນີ້ໄດ້ນຳໃຊ້ກາເຟເປັນ “ສື່ກາງ” ເພື່ອລວມເອົາທິວທັດໜອງນໍ້າ
ແລະ ພູຜາທີ່ສວຍງາມ, ວັດທະນະທຳຊົນເຜົ່າ ແລະ ກະແສແຟຊັ່ນຂອງແຂວງຢຸນນານເຂົ້າກັນ. ເວົ້າງ່າຍໆຄື: ຢູ່ແຄມຝັ່ງໜອງນໍ້າທີ່ສວຍງາມທີ່ສຸດຢູ່ຄຸນໝິງ, ດື່ມກາເຟທີ່ດີທີ່ສຸດ, ແລະ ໃຊ້ຊີວິດທີ່ມີຄວາມສຸກທີ່ສຸດ!
ກິດຈະກຳດັ່ງກ່າວດຳເນີນແຕ່ວັນທີ 1 ຫາ 9 ສິງຫາ, ຫົວຂໍ້ແມ່ນ "ເມືອງແຫ່ງລະດູໃບໄມ້ປົ່ງແຄມຝັ່ງໜອງນໍ້າ, ເມືອງແຫ່ງດອກໄມ້ ແລະ ພູຜາ" ຄຳຂວັນແມ່ນ “ກາເຟມາລວມກັນຢູ່ໜອງຕຽນສື ສັບພະສິ່ງຮຸ່ງເຮືອງ”. ຜູ້ຈັດງານແມ່ນກຸ່ມບໍລິສັດວັດທະນະທຳ ແລະ ທ່ອງທ່ຽວນະຄອນຄຸນໝິງ, ແລະ ໄດ້ຮັບການສະໜັບສະໜູນຢ່າງແຂງແຮງຈາກຫຼາຍພະແນກຂອງອົງການປົກຄອງເມືອງ. ຂໍເຊີນຊວນເພື່ອນມິດຈາກທົ່ວໂລກ, ມາສໍາຜັດກັບແສງແດດອັນອົບອຸ່ນ ແລະ ກິ່ນ
ຫອມຂອງກາເຟຂອງຄຸນໝິງ ຢູ່ແຄມໜອງຕຽນສື!
