ရှီကျင့်ဖိန်သည် ထိုင်းဘုရင့်မယ်တော် မိဖုရား သီရိခေတ် ကွယ်လွန်ခြင်းအတွက် ထိုင်းဘုရင် မဟာဝဇီရာ လောင်ကွန်းထံ ဝမ်းနည်းကြောင်း သဝဏ်လွှာ ပေးပို့

အောက်တိုဘာလ ၂၆ ရက်နေ့တွင် တရုတ်နိုင်ငံသမ္မတ ရှီကျင့်ဖိန်သည် ထိုင်း ဘုရင့်မယ်တော် မိဖုရား သီရိခေတ် ကွယ်လွန်ခြင်းအတွက် ထိုင်းဘုရင် မဟာဝဇီရာလောင်ကွန်းထံ ဝမ်းနည်းကြောင်း သဝဏ်လွှာ ပေးပို့ခဲ့ပါသည်။ ရှီကျင့်ဖိန်သည် တရုတ်အစိုးရနှင့် တရုတ်ပြည်သူများ၏ ကိုယ်စား လေးနက်သော ဝမ်းနည်းကြောင်းကို ဖော်ပြခဲ့ပြီး ထိုင်းတော်ဝင်မိသားစု၊ အစိုးရနှင့် ပြည်သူများအား စိတ်ရင်း စေတနာကောင်းဖြင့် နှစ်သိမ့် အားပေးကြောင်း ဖော်ပြခဲ့ပါသည်။

ရှီကျင့်ဖိန်က မိဖုရား သီရိခေတ်သည် ထိုင်းတော်ဝင်မိသားစုနှင့် ပြည်သူများ၏ နှလုံးသားထဲတွင် မြင့်မားသော ဂုဏ်သိက္ခာကို ရရှိထားကြောင်း၊ သူသည် တရုတ်-ထိုင်း ချစ်ကြည်ရင်းနှီးမှုအတွက် အလွန် ဂရုစိုက်ခဲ့ပြီး ဘုရင် ဘူမိဘော အဒူလျာဒက် ကိုယ်စား တရုတ်နိုင်ငံသို့ လာရောက်လည်ပတ်ကာ "တရုတ်နှင့် ထိုင်းနိုင်ငံသည် မိသားစုတစ်ခုတည်းဖြစ်ခြင်း" ဟူသော အထူးနှောင်ကြိုးကို တွန်းအားပေးရေး အတွက် အရေးကြီးသော အကျိုးပြုစွမ်းဆောင်မှုများကို ပြုလုပ်ခဲ့ကြောင်း၊ ကျွန်ုပ်တို့သည် သူ၏ အမှတ်တရများကို အမြဲတန်ဖိုးထားမည်ဖြစ်ကြောင်း ဖော်ပြထားပါသည်။