ກົມຄຸ້ມຄອງລິຂະສິດແຫ່ງຊາດຈີນ ແລະ ອົງການຊັບສິນທາງປັນຍາອັງກິດໄດ້ປັບປຸງ ແລະ ລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືໃນຂົງເຂດລິຂະສິດແລະສິດທິທີ່ກ່ຽວຂ້ອງ

ເມື່ອບໍ່ດົນມານີ້, ກົມຄຸ້ມຄອງລິຂະສິດແຫ່ງຊາດຈີນ ແລະ ອົງການຊັບສິນທາງປັນຍາອັງກິດໄດ້ປັບປຸງ ແລະ ລົງນາມໃນ ບົດບັນທຶກຄວາມເຂົ້າໃຈກ່ຽວກັບການເພີ່ມທະວີການຮ່ວມມືສອງຝ່າຍລະຫວ່າງ ກົມຄຸ້ມຄອງລິຂະສິດແຫ່ງຊາດຈີນ ສປ ຈີນ ກັບ ອົງການຊັບສິນທາງປັນຍາອັງກິດ.

ບົດບັນທຶກຄວາມເຂົ້າໃຈສະບັບນີ້ ແມ່ນການປັບປຸງບົດບັນທຶກຄວາມເຂົ້າໃຈກ່ຽວກັບການຮ່ວມມືຍຸດທະສາດລິຂະສິດຈີນ-ອັງກິດ ທີ່ສອງສຳນັກງານໄດ້ລົງນາມໃນປີ 2010. ຕາມບົດບັນທຶກຄວາມເຂົ້າໃຈສະບັບນີ້, ສອງຝ່າຍຈະລົງເລິກການແລກປ່ຽນ ແລະ ຮ່ວມມືດ້ານລິຂະສິດຕື່ມອີກ, ແລກປ່ຽນຂໍ້ມູນຂ່າວສານດ້ານກົດໝາຍ ແລະ ເຕັກນິກໃນຂົງເຂດລິຂະສິດ ແລະ ສິດທິທີ່ກ່ຽວຂ້ອງເປັນປະຈຳ, ຊຸກຍູ້ໃຫ້ຜູ້ຄຸ້ມຄອງລິຂະສິດ ແລະ ຜູ້ປະຕິບັດທີ່ກ່ຽວຂ້ອງຂອງສອງປະເທດ ດໍາເນີນການແລກປ່ຽນກັນໂດຍຜ່ານ ການຢ້ຽມຢາມ ແລະ ຝຶກອົບຮົມ ແລະ ຮູບແບບຕ່າງໆ, ແລະສົ່ງເສີມການຮ່ວມມືລະຫວ່າງອົງການຈັດຕັ້ງການຄຸ້ມຄອງການລວບລວມລິຂະສິດ. ທີ່ມາ: ສຳນັກຂ່າວສານຊິນຮວາ