ວາລະສານຈໍາປາ | ເລື່ອງລາວຜູ້ທີ່ສະແຫວງຫາ "ສິ່ງໃໝ່"
“ຂ້ອຍໄດ້ເຕີມນໍ້າມັນລົດຖັງໜຶ່ງ, ແຕ່ໃຊ້ມາເກີນເຄິ່ງປີແລ້ວ, ຍັງໃຊ້ບໍ່ໝົດ, ມັນຈະໝົດອາຍຸບໍ່? ” ທ່ານ ຫວງໝິ່ນ (Huang Min) ຜູ້ອໍານວຍການຝ່າຍເຕັກນິກພະລັງງານໃໝ່ ຂອງບໍລິສັດເຕັກໂນໂລຊີລົດຍົນ ລານຖູ (VOYAH), ກໍາລັງຖ່າຍທອດສົດ, ເມື່ອເຫັນຄໍາຄິດເຫັນນີ້ ລາວຮູ້ສຶກຕົກຕະລຶງ. “ອາຍຸການເກັບຮັກສາຜະລິດຕະພັນນໍ້າມັນຂອງປະເທດເຮົາແມ່ນ 3-6 ເດືອນ, ດັ່ງນັ້ນຈຶ່ງແນະນໍາໃຫ້ໃຊ້ພວກມັນໄວເທົ່າທີ່ຈະໄວໄດ້.” ພະນັກງານວິຊາການເຮັດການຖ່າຍທອດສົດເພື່ອຊ່ວຍໃຫ້ຜູ້ໃຊ້ເຂົ້າໃຈຍານພາຫະນະພະລັງງານໃໝ່ ແລະ ເກັບກໍາຄວາມຄິດເຫັນ ແລະຄໍາແນະນໍາຂອງຜູ້ໃຊ້, ເຊິ່ງໄດ້ກາຍເປັນເນື້ອໃນໃໝ່ຂອງວຽກຂອງທ່ານ ຫວງໝິ່ນ.
“ແບດເຕີຣີລົດຍົນ (ໝໍ້ໄຟ) ທີ່ໃຊ້ພະລັງງານປະສົມຂອງພວກເຮົາ, ໄລຍະຍາວທີ່ແລ່ນໄດ້ ແລະ ສາກໄຟໄດ້ໄວ, ການໃຊ້ນໍ້າມັນເຊື້ອໄຟຖັງໜຶ່ງພາຍໃນໄລຍະເວລາເຄິ່ງປີ ເປັນເລື່ອງຫຍຸ້ງຍາກຫຼາຍ.” ຫຼັງການຖ່າຍທອດສົດ, ທ່ານ ຫວງໝິ່ນ ໄດ້ອະທິບາຍດ້ວຍຮອຍຍິ້ມ.
ຫຼັງຈາກຮຽນຈົບປະລິນຍາເອກສາຂາວິຊາວິສະວະກຳຍານຍົນຈາກມະຫາວິທະຍາໄລການບິນ ແລະ ການເດີນອາວະກາດ ປັກກິ່ງ, ທ່ານ ຫວງໝິ່ນ ໄດ້ເຮັດວຽກຢູ່ບໍລິສັດລົດຍົນຮ່ວມທຶນ ພາຍໃນກັບຕ່າງປະເທດ, ລາວຮັບຜິດຊອບການພັດທະນາລະບົບພະລັງງານໃໝ່. ໃນປີ 2017, ລາວເລືອກກັບຄືນສູ່ນະຄອນອູຮັ້ນ ແລະ ເຮັດວຽກຢູ່ບໍລິສັດ Dongfeng.
ເມື່ອບໍ່ດົນຜ່ານມານີ້, ທ່ານ ຫວງໝິ່ນ ໄດ້ໂພສຂໍ້ຄວາມລົງໃນ WeChat Moments ວ່າ: “ Voyah FREE 318 ລຸ້ນໃໝ່ຈະເປີດຕົວໃນໄວໆນີ້, ບໍ່ພຽງແຕ່ໃຊ້ພະລັງງານໄຟຟ້າເທົ່ານັ້ນກໍສາມາດແລ່ນໄດ້ 318 ກິໂລແມັດ.” ໝູ່ເພື່ອນຄົນໜຶ່ງເຫັນແລ້ວກໍຫົວເຍາະເຍີ້ຍລາວວ່າ: “ພຽງແລ່ນໄດ້ 318 ກິໂລແມັດ,ໂຕອວດອ້າງອີ່ຫຍັງ?”
“ລາວບໍ່ຮູ້ວ່ານີ້ແມ່ນ SUV ທີ່ໃຊ້ພະລັງງານປະສົມ. ພວກເຮົາເປັນຜູ້ລິເລີ່ມທີ່ພຽງໃຊ້ພະລັງງານໄຟຟ້າເທົ່ານັ້ນກໍສາມາດແລ່ນໄດ້ 318 ກິໂລແມັດ.” ທ່ານ ຫວງໝິ່ນ ເຕັມໄປດ້ວຍຄວາມພາກພູມໃຈ. ເບື້ອງຫຼັງການກ້າວກະໂດດຂັ້ຂອງໄລຍະທາງການແລ່ນລົດ, ແມ່ນການສະແຫວງຫາທີ່ສຸດຕໍ່ກັບການຍົກສູງປະສິດທິພາບຂອງແບດເຕີຣີ. ລະບົບພະລັງຂັບເຄື່ອນ ລານໄຫ ລຸ້ນຫຼ້າສຸດທີ່ພວກເຮົາພັດທະນາຂຶ້ນດ້ວຍຕົນເອງ ແມ່ນນໍາໜ້າໃນຂະແໜງການຜະລິດລົດຍົນໃນດ້ານພະລັງຂັບເຄື່ອນ ແລະ ການໃຊ້ພະລັງງານ; ເຕັກໂນໂລຊີສາກໄຟໄວທີ່ສຸດ 5C, ສາກໄຟພຽງ 10 ນາທີສາມາດເພີ່ມໄລຍະການຂັບຂີ່ໄດ້ 450 ກິໂລແມັດ; ລິເລີ່ມການສ້າງລະບົບການຈັດການພະລັງງານ AI, ສາມາດຄາດເດົາໄດ້ວ່າແບດເຕີຮີຕ້ອງໄດ້ຮັບການເພີ່ມຄວາມຮ້ອນຫຼືບໍ່ໃນການເດີນທາງໂດຍອີງໃສ່ຄວາມຄຸ້ນເຄີຍການຂັບຂີ່. ເຕັກໂນໂລຊີນະວັດຕະກໍາໄດ້ຖືກພັດທະນາອອກມາຢ່າງລຽນຕິດກັນ, ໄດ້ກາຍເປັນພື້ນຖານສໍາລັບພວກເຂົາທີ່ຈະເປີດຕົວລົດຍົນລຸ້ນໃໝ່ໄດ້ 3 ລຸ້ນພາຍໃນ 3 ປີ ແລະ ຍົກລະດັບລົດລຸ້ນຕ່າງໆ ໄດ້ 3 ຄັ້ງຕໍ່ປີ.
ແບດເຕີຣີແມ່ນ “ໝາກຫົວໃຈ” ຂອງລົດຍົນພະລັງງານໃໝ່. ໃນດ້ານຄວາມປອດໄພ, ຮຽກຮ້ອງໃຫ້ມີຄຸນນະພາບທີ່ດີທີສຸດ, ທ່ານ ຫວງໝິ່ນ ກ່າວຢ່າງກົງໄປກົງມາວ່າ: “ເປັນການຍາກຫຼາຍ.” ເຕັກໂນໂລຊີລະບົບແບດເຕີຣີ 2 ລາຍທີ່ພັດທະນາໂດຍທີມງານຂອງເຂົາເຈົ້າ ຄື: “Amber” ແລະ “Mica”, ໄດ້ແກ້ໄຂບັນຫາຂອງ “ການເສຍການຄວບຄຸມຕໍ່ຄວາມຮ້ອນ”. ໃນສະຖານະການທີ່ຮຸນແຮງເຊັ່ນ ລົດຍົນຕໍາກັນ, ມັນສາມາດບັນລຸໄດ້ວ່າ “ບໍ່ມີຄວັນໄຟ, ບໍ່ຮົ່ວໄຫຼ, ບໍ່ເກີດໄຟໄໝ້, ບໍ່ລະເບີດ ແລະ ບໍ່ມີການແຜ່ກະຈາຍຄວາມຮ້ອນ”. ບໍ່ພຽງແຕ່ເທົ່ານັ້ນ, ການຫຼຸດໄລຍະທາງການຂັບຂີ່ຂອງແບດເຕີຣີ Amber ຕໍ່ລ້ານກິໂລແມັດແມ່ນສູງກວ່າມາດຕະຖານແຫ່ງຊາດເຖິງ 7 ເທົ່າ,ເຮັດໃຫ້ຜູ້ໃຊ້ສາມາດລົບລ້າງຄວາມກັງວົນຂອງເຂົາເຈົ້າກ່ຽວກັບ “ການໃຊ້ໄຟຟ້າບໍ່ພຽງພໍ”.
“ໃຫ້ລົດຍົນສົ່ງເສີມຄວາມຝັນ ແລະ ເສີມພະລັງໃຫ້ຊີວິດທີ່ສົດໃສງົດງາມ.” ທ່ານ ຫວງໝິ່ນ ແລະ ວິສະວະກອນຂອງທີມງານລາວ ແມ່ນບໍ່ໄດ້ຢຸດການກ້າວເດີນຂອງຕົນ ແລະ ສືບຕໍ່ແລ່ນຢູ່ໃນເສັ້ນທາງການທົດສອບການຂັບຂີ່ໃນໄລຍະທາງໄກ.