ວາລະສານຈໍາປາ | 75 ປີ, ຮ່ວມກັນຈະເລີນຮຸຸ່ງເຮືອງທັງເໜືອ ແລະ ໃຕ້
ປີ 2024 ເປັນປີຄົບຮອບ 75 ປີແຫ່ງການສ້າງຕັ້ງສາທາລະນະລັດປະຊາຊົນຈີນ. ຈາກໃຕ້ຫາເໜືອ, ໃນໄລຍະ 75 ປີທີ່ຜ່ານມາ, ເລື່ອງສົດໃສໄດ້ເປີດເຜີຍຢ່າງງຽບໆໃນທົ່ວປະເທດຈີນ.
“ຖ້າທ່ານສາມາດປະດິດສ້າງໃໝ່ ໃນທຸກໆມື້ໄດ້, ທ່ານຄວນປະດິດສ້າງໃໝ່ໃນທຸກໆມື້, ແລະປະດິດສ້າງໃໝ່ຊໍ້າແລ້ວຊໍ້າອີກຢ່າງບໍ່ຂາດສາຍ.” ນີ້ແມ່ນຄໍາສັ່ງສອນຂອງບັນພະບຸລຸດບູຮານ, ເຊິ່ງໄດ້ສະທ້ອນເຖິງຄວາມປາຖະໜາອັນເປັນນິລັນຂອງປະຊາຊາດຈີນຕໍ່ກັບການປະດິດສ້າງໃໝ່. ໃນນະຄອນຫຼວງປັກກິ່ງ, ບໍລິສັດແບບວິທະຍາສາດ-ເຕັກໂນໂລຊີ ໄດ້ກໍາເນີດອອກໃນທຸກໆ 5 ນາທີ; ຢູ່ນະຄອນຊາງໂຈ່ວ (Changzhou), ລົດພະລັງງານໃໝ່ແຕ່ລະ 10 ຄັນໃນໂລກ ກໍຈະມີ 1 ຄັນປະກອບຕິດຕັ້ງໝໍ້ໄຟພະລັງງານທີ່ຜະລິດຈາກບ່ອນນີ້; ຢູ່ແຂວງສ້ານສີ (Shaanxi), ມູນຄ່າການຊື້ຂາຍຂອງສັນຍາເຕັກໂນໂລຊີປະຈໍາປີ ໄດ້ບັນລຸເຖິງ 412,07 ຕື້ຢວນ, ເຊິ່ງຖືວ່າເປັນຜົນສຳເລັດທີ່ໜ້າປະທັບໃຈ... 75 ປີມານີ້, ການປະດິດສ້າງໃໝ່ເປັນແຮງຂັບເຄື່ອນທີ່ບໍ່ຂາດສາຍໃນການຊຸກຍູ້ຄວາມກ້າວໜ້າຂອງຈີນຢ່າງສະເໝີຕົ້ນສະເໝີປາຍ.ດອກໄມ້ຊໍ່ໜຶ່ງ, ບັນຈຸຂຶ້ນລົດໄຟໃນຕອນກາງຄືນ, ສາມາດສົ່ງໄປເຖິງນະຄອນຫຼວງວຽງຈັນໃນມື້ຕໍ່ມາໄດ້; ການຜະລິດປາຍປາກກາອັນໜຶ່ງອອກມາ, ຕ້ອງຜ່ານຂັ້ນຕອນການຜະລິດຫຼາຍກວ່າ 30 ຂັ້ນຕອນ, (ການໃຊ້ປາກກາ) “ເລີ່ມຕົ້ນຂຽນ, ຢຸດ, ເສັ້ນຂຽນເນີ້ງຊ້າຍ, ເສັ້ນຂຽນເນີ້ງຂວາ” ແມ່ນໄດ້ສະແດງທໍານອງອັນມີຊີວິດຊີວາຢ່າງເຕັມສ່ວນ. ແກ້ວແຜ່ນໜຶ່ງ, ສາມາດໃຊ້ເປັນມ່ານບັງແດດ, ພາວເວີແບງແບບພົກພາ, ຊ່ອງສຽບບັດETC ... 75 ປີຜ່ານມາ, ມີຕົວຢ່າງຈໍານວນນັບບໍ່ຖ້ວນ ທີ່ສິນຄ້າຂະໜາດນ້ອຍຂອງຈີນຖືກພັດທະນາເປັນຕະຫຼາດໃຫຍ່ ແລະ ກາຍເປັນອຸດສາຫະກຳໃຫຍ່ ແລະ ເລື່ອງຍີ່ຫໍ້ທີ່ກໍາເນີດຈາກສິ່ງດັ່ງກ່າວກໍມີຈໍານວນຫຼວງຫຼາຍ.
ຢູ່ໂຮງງານຜະລິດລົດພະລັງງານໃໝ່ໃນແຂວງເຫີໜານ (Henan) ຂອງຈີນ, ຊາຍຊາວມາເລເຊຍຄົນໜຶ່ງໄດ້ທົດລອງຂັບລົດພະລັງງານໃໝ່. ທ່ານກ່າວວ່າ, ຢູ່ກົວລາລຳເປີ, ແມ່ນເຫັນລົດພະລັງງານໃໝ່ຂອງຈີນຢູ່ສະເໝີ, “ມີສຽງລົບກວນໜ້ອຍ ແລະ ການເລັ່ງຄວາມໄວໄດ້ດີ , ນີ້ຈະເປັນທາງເລືອກທຳອິດຂອງຂ້າພະເຈົ້າໃນເວລາຊື້ລົດໃນອະນາຄົດ.” ບໍ່ພຽງແຕ່ເທົ່ານັ້ນ, ການເປີດປະຕູສູ່ພາຍນອກຍັງເຮັດໃຫ້ຈີນຮ່ວມໃຊ້ໂອກາດກັບໂລກ. ຫວ່າງມໍ່ໆມານີ້, ບໍລິສັດ Novo Nordisk ໄດ້ລົງທຶນ 4 ຕື້ຢວນ ເພື່ອເປີດຕົວໂຄງການຂະຫຍາຍການຜະລິດນໍ້າຢາປອດເຊື້ອຢູ່ນະຄອນທຽນສິນ (Tianjin); ບໍລິສັດໂຟກສະວາເກນ(Volkswagen) ຂອງເຢຍລະມັນປະກາດວ່າ ຈະລົງທຶນ 2,5 ຕື້ເອີໂຣເພື່ອຂະຫຍາຍກໍ່ສ້າງສູນການຜະລິດ ແລະ ນະວັດຕະກໍາຢູ່ນະຄອນເຫີເຝີຍ (Hefei)... 75 ປີມານີ້, ຜູ້ຮັບຜິດຊອບຂອງວິສາຫະກິດຕ່າງປະເທດທີ່ມີຈໍານວນບໍ່ໜ້ອຍໄດ້ເປັນສັກຂີພິຍານເຫັນກັບຕົວຈິງວ່າ ຈີນໄດ້ເປີດປະຕູສູ່ພາຍນອກ ນັບມື້ນັບກວ້າງອອກກວ່າເກົ່າ, ໃນສາຍຕາຂອງເຂົາເຈົ້າ, ການເດີນໄປກັບຈີນແມ່ນໝາຍເຖິງ ການເດີນໄປກັບໂອກາດ, ການລົງທຶນຢູ່ຈີນແມ່ນໝາຍເຖິງການລົງທຶນຕໍ່ອະນາຄົດ.
“ປະເທດຈີນໃນທຸກມື້ນີ້ແມ່ນປະເທດທີ່ເຕັມໄປດ້ວຍຄວາມມີຊີວິດຊີວາ.” ໃນເຂດປົກຄອງຕົນເອງມົງໂກນໃນ, ຄວາມມະຫັດສະຈັນຂອງການຟື້ນຟູ ແລະ ການຄຸ້ມຄອງໄດ້ເຮັດໃຫ້ຊາວກະສິກອນ ແລະ ຊາວລ້ຽງສັດສາມາດກິນ “ອາຫານນິເວດທຳມະຊາດ” ໄດ້; ຢູ່ແຂວງກຸ້ຍໂຈ່ວ, ມີກິດຈະກໍາການສະແດງລະຄອນວັດທະນະທຳຂະໜາດໃຫຍ່ຢູ່ເວທີທົ່ວປວງຊົນ; ຢູ່ແຂວງເຫີຍຫຼົງຈ່ຽງ (Heilongjiang), ພວກເຮົາໄດ້ໄປນັດພົບກັນກັບນ້ຳກ້ອນ ແລະ ຫິມະ; ຈາກໃຕ້ໄປເໜືອ, ໃນຂະນະທີ່ນະໂຍບາຍການຜ່ານແດນຍົກເວັ້ນວີຊ່າຂອງຈີນໄດ້ຮັບການປັບປຸງຢ່າງຮອບດ້ານ, “ການທ່ອງທ່ຽວຈີນ” (China Travel) ໄດ້ກາຍເປັນປ່ອງຢ້ຽມເພື່ອທໍາຄວາມເຂົ້າໃຈຈີນຂອງເພື່ອນມິດຕ່າງປະເທດ... 75 ປີມານີ້, ພະລັງຊີວິດທີ່ກໍາເນີດໃນການເຄື່ອນໄຫວ ແມ່ນເຕັມໄປດ້ວຍຄວາມມີຊີວິດຊີວາ, ແມ່ນເຊື່ອມໂຍງເຂົ້າກັນ ແລະ ຮ່ວມກັນກ້າວໜ້າ, ແມ່ນບັນຍາກາດອັນຄຶກຄື້ນຟົດຟື້ນ.
ການຫັນເປັນທັນສະໄໝຂອງຈີນ ບໍ່ພຽງແຕ່ແມ່ນຄວາມທັນສະໄໝຂອງ “ສິ່ງຂອງ” ເທົ່ານັ້ນ, ຫາກຍັງແມ່ນຄວາມທັນສະໄໝຂອງ “ຄົນ”. ເລື່ອງລາວຂອງຄົນຈີນໃນສະໄໝປັດຈຸບັນນີ້ ແມ່ນປະກອບດ້ວຍຈິດວິນຍານຂອງຍຸກສະໄໝ; ການສະແຫວງຫາຂອງຄົນທໍາມະດາໄດ້ສະແດງໃຫ້ເຫັນພະລັງແຫ່ງຄວາມຝັນຂອງຄອບຄົວ ແລະ ປະເທດຊາດ. ໃນວາລະສານສະບັບນີ້, ພວກເຮົາຢາກເລົ່າເລື່ອງເຫຼົ່ານີ້ໃຫ້ທ່ານຮັບຟັງ, ຟັງສຽງສະທ້ອນຂອງນະວັດຕະກຳ, ສຽງສະທ້ອນຮ່ວມຂອງຄວາມຕ້ອງການ, ສຽງສະທ້ອນຂອງກາລະໂອກາດ, ການສົນທະນາຂອງອະລິຍະທຳ, ແລະຮັບຟັງ “ຜູ້ທີ່ມີຄວາມມຸ້ງມາດປາຖະໜາອັນດຽວກັນຈະບໍ່ຄິດວ່າ ພູຜາ ແລະ ທະເລຈະຢູ່ໄກອີກ”.