ວາລະສານສິວຊື້ລົງພິມບົດຄວາມສຳຄັນຂອງທ່ານ ສີຈິ້ນຜິງ ທີ່ມີຫົວຂໍ້ “ພັດທະນາກຳລັງການຜະລິດໃນຄຸນນະພາບໃໝ່ຕາມທ່າແຮງຂອງທ້ອງຖິ່ນ”
ວາສະສານສິວຊື້ສະບັບທີ 22 ລົງໃນວັນທີ 16 ພະຈິກ 2025 ໄດ້ພິມບົດຄວາມສຳຄັນຂອງທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນ ປະທານປະຄະນະກຳມະການການທະຫານສູນກາງຈີນທີ່ມີຫົວຂໍ້ “ພັດທະນາກຳລັງການຜະລິດໃນຄຸນນະພາບໃໝ່ຕາມທ່າແຮງຂອງທ້ອງຖິ່ນ” ເຊິ່ງເນື້ອໃນບົດຄວາມດັ່ງກ່າວແມ່ນຄັດມາຈາກທັດສະນະສຳຄັນຂອງທ່ານ ສີຈິ້ນຜິງ ທີ່ກ່າວໃນລະຫວ່າງເດືອນກັນຍາປີ2023ຫາເດືອນເມສາປີ 2025.
ບົດຄວາມລະບຸວ່າ: ຕ້ອງເດັດດ່ຽວກຳຈັດປັດເປົ່າຂໍ້ບົກຜ່ອງດ້ານໂຄງປະກອບແລະກົນໄກທີ່ສົ່ງຜົນກະທົບ ແລະ ຈຳກັດການພັດທະນາທີ່ມີຄຸນນະພາບສູງ, ບູລະນະການພົວພັນການຜະລິດໃຫ້ສອດຄ່ອງກັບກຳລັງການຜະລິດໃນຄຸນນະພາບໃໝ່ຫຼາຍກວ່າເກົ່າ. ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ5ປີຄັ້ງທີ15, ຕ້ອງຖືເອົາການພັດທະນາກຳລັງການຜະລິດໃນຄຸນນະພາບໃໝ່ຕາມທ່າແຮງຂອງທ້ອງຖິ່ນໄວ້ຢູ່ໃນຖານະຍຸດທະສາດອັນພົ້ນເດັ່ນກວ່າເກົ່າ, ຖືເອົາການປະດິດສ້າງດ້ານວິທະຍາສາດເຕັກໂນໂລຊີເປັນທິດນຳ ແລະ ຖືເອົາເສດຖະກິດຮູບປະທຳເປັນພື້ນຖານ ເພື່ອເລັ່ງສ້າງລະບົບອຸດສາຫະກຳທັນສະໄໝ.