ລົດໄຟແຊ່ເຢັນຂະບວນທໍາອິດ “ພືດຜັກເມືອງລູ້ລຽງແຂວງຢຸນນານ” ສົ່ງອອກໄປລາວ ຜ່ານຂະບວນລົດໄຟ ລາວ-ຈີນ
ເວລາ 11 ໂມງ ວັນທີ 7 ສິງຫານີ້, ຂະບວນລົດໄຟຂົນສົ່ງສິນຄ້າລະບົບແຊ່ເຢັນທີ່ບັນຈຸຜັກຜະລິດຈາກເມືອງລູ້ລຽງ ແຂວງຢຸນນານ ຈໍານວນ 10 ຕູ້ ຄອນເທັນເນີ, ມີນໍ້າໜັກປະມານ 260 ໂຕນ ຊື່ວ່າ “ໝາຍເລກພືດຜັກລູ້ລຽງ” ໄດ້ອອກເດີນທາງຈາກສະຖານີລົດໄຟລູ້ລຽງ ເມືອງລູ້ລຽງ ນະຄອນຊູຈິ້ງ ແຂວງຢຸນນານ. ພາຍຫຼັງມາຮອດສະຖານີລົດໄຟວຽງຈັນໃຕ້ປະເທດລາວຕາມທາງລົດໄຟລາວ-ຈີນ, ຜັກດັ່ງກ່າວຈະຂົນສົ່ງໄປບາງກອກປະເທດໄທ. ຫຼັງຈາກນັ້ນຈະຂົນສົ່ງໝາກຖົ່ວລຽນແລະຜະລິດຕະພັນສົດອື່ນໆເຂົ້າມາຕະຫຼາດຈີນໃນຖ້ຽວກັບຄືນ. ໂດຍນຳໃຊ້ທາງລົດໄຟລາວ-ຈີນ ຂະບວນລົດໄຟແຊ່ເຢັນ "ໝາຍເລກ ພືດຜັກລູ້ລຽງ", ໄດ້ເຮັດໃຫ້ຕາໜ່າງການຂົນສົ່ງຂອງແຂວງຢຸນນານທີ່ເຊື່ອມຕໍ່ກັບອາຊີຕາເວັນອອກສ່ຽງໃຕ້ສົມບູນຍິ່ງຂຶ້ນ, ພ້ອມທັງສ້າງເສັ້ນທາງຄົມມະນາຄົມຂົນສົ່ງຜັກແລະໝາກໄມ້ສອງສົ້ນ, ໄດ້ສ້າງພະລັງໃໝ່ໃຫ້ແກ່ການຮ່ວມມືທາງດ້ານເສດຖະກິດ ແລະ ການແລກປ່ຽນທາງການຄ້າຂອງພາກພື້ນ.
ຂໍ້ມູນຈາກ: ຂ່າວສານຊິນຮວາ