ການຄົ້ນພົບທາງບູຮານຄະດີ 10 ອັນດັບເລກຂອງຈີນໃນປີ 2024: ສະຖານບູຮານເຫີໂຜສໍ ທີ່ເຂດຈິ້ນໜິງ ແຂວງຢຸນນານ
ວັນທີ 24 ເມສານີ້, ຈີນໄດ້ປະກາດລາຍຊື່ການຄົ້ນພົບທາງບູຮານຄະດີທີ່ຄົ້ນພົບໃໝ່ 10 ອັນດັບເລກຂອງປະເທດຈີນ ໃນປີ 2024, ສະຖານບູຮານເຫີໂຜສໍທີ່ເຂດຈິ້ນໜິງ ແຂວງຢຸນນານໄດ້ຖືກຈັດເຂົ້າບັນຊີລາຍຊື່.
ສະຖານບູຮານດັ່ງກ່າວທີ່ຕັ້ງຢູ່ໃນເຂດຈິ້ນໜິງ (ທຽບເທົ່າເມືອງ) ນະຄອນຄຸນໝິງ, ເປັນທົ່ງນາຢູ່ພາກຕາເວັນອອກສຽງໃຕ້ຂອງທະເລສາບຕຽນສື, ເປັນສະຖານບູຮານຊຸມຊົມທີ່ມີຈໍານວນຄົນ ແລະ ວັດທະນະທໍາທີ່ໃຫຍ່ທີ່ສຸດ ໃນຍຸກສະໄໝລາຊະວົງຊາງ ແລະ ລາຊະວົງໂຈ່ວ ຈົນເຖິງລາຊະວົງສິນ ແລະ ລາຊະວົງຮັ້ນ, ທັງຍັງເປັນເຂດໃຈກາງຂອງວັດທະນະທໍາສືຈ້າຍຊານ (ວັດທະນະທໍາຕຽນ, ຕຽນເປັນຊື່ຫຍໍ້ຂອງແຂວງຢຸນນານ) ອີກດ້ວຍ.
ນັບຕັ້ງແຕ່ປີ 2014ເປັນຕົ້ນມາ, ວຽກງານບູຮານຄະດີໃນເຂດນີ້ໄດ້ຮັບຄວາມສໍາເລັດທີ່ສໍາຄັນ. ມາຮອດປັດຈຸບັນ, ໄດ້ຄົ້ນພົບກາສັນຍະລັກຂອງທາງການ ແລະ ເອກະຊົນຫຼາຍກວ່າ 1.900 ໜ່ວຍ ແລະ ແຜ່ນບັນທຶກດ້ວຍໄມ້ໄຜ່ 50.000 ກວ່າແຜ່ນ, ໃນນັ້ນແຜ່ນບັນທຶກດ້ວຍໄມ້ໄຜ່ທີ່ມີອັກສອນ 5.000 ກວ່າແຜ່ນ, ໄດ້ບັນທຶກເນື້ອໃນຫຼາຍຢ່າງເຊັ່ນ: ຂອບເຂດປົກຄອງການເມືອງ, ຕຳແໜ່ງລາຊະການ, ລະບົບພາສີ, ສາຍສໍາພັນຂອງປະຊາຊົນບັນດາເຜົ່າ. ສະຖານບູຮານເຫີໂຜສໍ ເປັນທັງເມືອງຫຼວງຂອງອານາຈັກຕຽນບູຮານ ແລະ ເປັນທັງເມືອງປົກຄອງ ອີ້ໂຈ່ວໃນສະໄໝບູຮານ, ເຊິ່ງເປັນພະຍານເຖິງຂະບວນການທາງປະຫວັດສາດຂອງການປ່ຽນຜ່ານຂອງຢຸນນານຈາກຫຼາຍວັດທະນະທໍາໄປສູ່ຄວາມເປັນເອກະພາບອັນຍິ່ງໃຫຍ່.