ຈັດງານແລກປ່ຽນລະບຽງວັດທະນະທຳ​ຈີນ-ກຳປູເຈຍ ​ຢູ່ພະນົມເປັນປະເທດກຳປູເຈຍ

ວັນທີ 22 ເມສານີ້, ງານການແລກປ່ຽນລະບຽງວັດທະນະທຳ​ຈີນ-ກຳປູເຈຍ ພາຍໃຕ້ຫົວຂໍ້ “ຖອດຖອນບົດຮຽນເຊິ່ງກັນແລະກັນ --- ສໍາຜັດອາລະຍະທໍາ”​ໄດ້ຈັດຂຶ້ນຢູ່ນະຄອນຫຼວງພະນົມເປັນ ປະເທດ​ກຳປູເຈຍ, ເຊິ່ງຈັດຂຶ້ນຮ່ວມກັນໂດຍສູນການສື່ສານສາກົນພາກພື້ນອາຊີໃຕ້-ອາຊີຕາເວັນອອກສຽງໃຕ້ແຂວງຢຸນນານ ແລະ ກະຊວງວັດທະນະທໍາສິລະປະກໍາປູເຈຍ.

ໃນພິທີເປີດງານດັ່ງກ່າວ, ນັກສະແດງຂອງທັງສອງປະເທດ​ໄດ້ສະແດງການຟ້ອນ​ລໍາອວຍພອນແບບກຳປູເຈຍ, ​ການຟ້ອນແອວລາຍຢຸນນານ ຈີນ,​ ລວມທັງໄດ້ຈັດການເດີນແບບທີ່ນຸ່ງຊຸດອາພອນປະເພນີຂອງສອງປະເທດ. ​ໃນງານຍັງໄດ້ວາງສະແດງຜະລິດຕະພັນວັດທະນະທຳ ​ແລະ ກິດຈະກໍາສໍາຜັດການຂຽນໜັງສືໃບລານ, ການຂຽນຕົວອັກສອນດ້ວຍພູ່ກັນ ​ແລະ ການຫຼິ້ນເຄື່ອງດົນຕີພື້ນເມືອງ ເປັນຕົ້ນ.

ນັບຕັ້ງແຕ່ເປີດຕົວໃນເດືອນສິງຫາ 2024 ເປັນຕົ້ນມາ, ລະບຽງວັດທະນະທໍາຈີນ-ກໍາປູເຈຍ ທີ່ສະໜາມບິນສາກົນອັງກໍວັດ ໄດ້ຈັດງານວາງສະແດງ 2 ຄັ້ງ, ເຊິ່ງໄດ້ນໍາໃຊ້ພື້ນທີ່ຕ່າງໆໃນຂອບເຂດຂາເຂົ້າ-ຂາອອກຂອງສະໜາມບິນ ເພື່ອໂຄສະນາວັດທະນະທໍາຈີນ ແລະ ກໍາປູເຈຍ ໂດຍຜ່ານຮູບພາບ ແລະ ວາງສະແດງວັດຖຸບູຮານສະຖານ, ມີນັກທ່ອງທ່ຽວຫຼາຍກວ່າ 800.000 ຄົນຈາກທົ່ວໂລກໄດ້ຍ່າງຊົມ ລະບຽງວັດທະນະທໍາຈີນ-ກໍາປູເຈຍ ແລະ ສໍາຜັດກັບວັດທະນະທໍາຈີນ ແລະ ກໍາປູເຈຍ.

ແຫຼ່ງຂໍ້ມູນ: ໜັງສືພິມລາຍວັນຢຸນນານ