ມີຫຍັງແດ່ໃນພິທີເປີດການແຂ່ງຂັນບານເຕະລະດັບເມືອງຂອງແຂວງຢຸນນານ

ພິທີເປີດແລະການແຂ່ງຂັນນັດເປີດສະໜາມບານເຕະລະດັບເມືອງຂອງແຂວງຢຸນນານຈະຈັດຂຶ້ນໃນຕອນຄ່ຳວັນທີ 29 ພະຈິກນີ້ຢູ່ສະໜາມກິລາຫຼັກຂອງສູນກິລາເຂດພູພຽງຢູຊີຢຸນນານ.

ປັດຈຸບັນ, ເມືອງຢູຊີກຳລັງກະກຽມຄວາມພ້ອມຢ່າງຫ້າວຫັນສຳລັບການສະແດງພິທີເປີດ. ນັກຂ່າວໄດ້ຮູ້ມາວ່າ, ພິທີເປີດງານໃນມື້ນັ້ນແບ່ງອອກເປັນ 3 ພາກຄື: ການສະແດງອຸ່ນເຄື່ອງ, ການສະແດງສິລະປະຕາມຫົວຂໍ້, ແລະ ພິທີເປີດເຂົ້າສະໜາມກິລາ. ໃນນັ້ນ, ການສະແດງອຸ່ນເຄື່ອງຈະດຳເນີນໂດຍນັກກິລາບານເຕະໜຸ່ມ, ນັກສະແດງ ແລະ ມາສຄອດ; ສ່ວນການສະແດງສິລະປະຕາມຫົວຂໍ້ແບ່ງອອກເປັນ 2 ລາຍການ, ສະແດງໃຫ້ເຫັນວັດທະນະທຳຂອງເມືອງຢູຊີ, ຄວາມມີຊີວິດຊີວາ ແລະ ຈິດວິນຍານແຫ່ງການປະຕິວັດ, ຄວາມສາມັກຄີຂອງຊົນຊາດຊົນເຜົ່າ ແລະ ຫົວຂໍ້ອື່ນໆຂອງເມືອງຢູຊີ, ພິທີເປີດເຂົ້າສະໜາມກິລາແມ່ນຮູບແບບການປະສົມປະສານຂອງ"ນັກກິລາ+ນັກສະແດງ"ເພື່ອປະຕິບັດການເປີດເຂົ້າສະໜາມກິລາຮ່ວມກັນ. ນອກຈາກນີ້ ໃນໄລຍະການສະແດງສິລະປະຕາມຫົວຂໍ້, ຍັງມີການສະແດງເລເຊີຂະໜາດໃຫຍ່ອີກດ້ວຍ.

ນອກຈາກພິທີເປີດແລ້ວ,ຍັງມີການແຂ່ງຂັນນັດເປີດສະໜາມລະຫວ່າງເມືອງຢູຊີ ແລະ ກິ່ງແຂວງປົກຄອງຕົນເອງຊົນເຜົ່າລີຊູນູຈ່ຽງ, ນອກຈາກນີ້ຍັງມີ ການຈັບສະຫລາກຖືກລາງວັນ ແລະ ການຮ້ອງເພງໄດ້ຈັດຂຶ້ນຢູ່ສະຖານທີ່ດັ່ງກ່າວ, ແລະ ຜູ້ຊົມສາມາດປ່ອຍພະລັງຄວາມກະຕືລືລົ້ນຂອງຕົນອອກມາພາຍໃຕ້ການນຳພາຂອງ DJ.