ລາຍການພາສາມື | ເທດສະການປາສັກສິດເມືອງລຽນ

ຢູ່ເມືອງປົກຄອງຕົນເອງເຜົ່າລື້-ເຜົ່າລາຫູ ແລະ ເຜົ່າວ້າ ເມືອງລຽນ ນະຄອນຜູເອີ ແຂວງຢຸນນານ, ​ເທດສະການຫາປາບ້ານນາວົງ ໄດ້ຮັບຄວາມສົນໃຈຈາກຜູ້ຄົນເປັນຢ່າງຍິ່ງ. ຕາມຕໍານານ​ເລົ່າຂານກັນວ່າ, “ປາສັກສິດ” ​ໄດ້ນຳເອົາອາຫານ​ ແລະ ຄວາມຫວັງ​ມາໃຫ້ບັນພະບຸລຸດປະຊາຊົນເຜົ່າລື້ໃນສະໄໝບູຮານ, ສະນັ້ນຄົນໄທລື້ຈຶ່ງໄດ້ຈັດງານບຸນນີ້ໃນລະຫວ່າງເດືອນເມສາ ຫາ ພຶດສະພາຂອງທຸກໆປີ.

ວັນທີ 3 ພຶດສະພາປີນີ້, ເທດສະການປາສັກສິດບ້ານນາວົງເມືອງລຽນຄັ້ງທີ 19 ໄດ້ເປີດສາກຢ່າງເປັນທາງການ, ໃນພິທີເປີດງານຜູ້ຄົນມາຈາກທົ່ວທຸກສາລະທິດໄດ້ນຸ່ງຊຸດ​ປະເພນີ ແຫ່ຂະບວນຮອດສະໜາມນາວົງ, ພ້ອມທັງຮ້ອງເພງ ແລະ ເຕັ້ນລຳ. ຈາກນັ້ນ​ໄດ້​ຈັດ​ພິທີໄຫວ້ ຖວາຍເຄື່ອງບູຊາ, ​ເພື່ອຂໍໃຫ້ປາໃນແມ່ນ້ຳເພາະພັນຫຼາຍຂຶ້ນ ​ແລະ ​ມີຟ້າຝົນລົມດີ.