ລາຍການພາສາມື | ບຸນຫົດນ້ຳຂອງນະຄອນມາງສື ສ້າງຄວາມກະຕືລືລົ້ນຂອງເມືອງຊາຍແດນ

ນະຄອນມາງສື ກິ່ງແຂວງປົກຄອງຕົນເອງເຜົ່າລື້-ເຜົ່າຈິງໂພ ເຕີຫົງ ແຂວງຢຸນນານ ຕັ້ງຢູ່ຕາເວັນຕົກສ່ຽງໃຕ້ຂອງຈີນ ມີຊາຍແດນຕິດກັບມຽນມາ. ແຕ່ວັນທີ 11 ຫາ​ວັນທີ 13 ເມສານີ້, ​ນະຄອນມາງສື ​ໄດ້ຈັດງານສະເຫຼີມສະຫຼອງບຸນຫົດນໍ້າ. ປະຊາຊົນບັນດາເຜົ່າ​ຄື: ເຜົ່າລື້, ເຜົ່າຈິງໂພ, ເຜົ່າອາຊາງ​ໄດ້ນຸ່ງຊຸດປະເພນີ ພ້ອມກັບ ນັກທ່ອງທ່ຽວຈາກທົ່ວສີ່ທັງ ໄດ້ຮ່ວມກັນ​ຈັດງານບຸນວັດທະນະທຳຊົນເຜົ່າທີ່ອາລັງການທີ່ສຸດ. ໃນສະຖານທີ່ໄດ້ຈັດກິດຈະກໍາ ຕ່າງໆ ເຊັ່ນ: ການເກັບດອກໄມ້​ເພື່ອອວຍພອນ, ຮັບປະທານອາຫານສາມັກຄີຕາມຖະໜົນ, ແຫ່ຂະບວນວັດທະນະທຳຊົນເຜົ່າ, ຫຼິ້ນນ້ຳ, ຟ້ອນລໍາ ແລະ ການແລ່ນເຄິ່ງມາຣາທອນພາຍໃຕ້ຫົວຂໍ້ບຸນຫົດນໍ້າ,​ເຮັດໃຫ້ເມືອງແຫ່ງນີ້ເຕັມໄປດ້ວຍປັນຍາກາດຝົດຟື້ນ.