ທ່ານ ສົມພອນ ສີຈະເລີນ ກ່າວວ່າ: ການພັດທະນາຂອງຈີນເປັນແຮງຂັບເຄື່ອນ ແລະ ມີຄວາມໝາຍສຳຄັນໃຫ້ແກ່ໂລກ
ເນື່ອງໃນໂອກາດວັນສະຖາປະນາ ສປປ ລາວຄົບຮອບ 50 ປີ, ວິທະຍຸໂທລະພາບສູນກາງຈີນ ຫຼື CMG ໄດ້ສຳພາດທ່ານ ສົມພອນ ສີຈະເສີນ ເອກອັກຄະລັດຖະທູດແຫ່ງ ສປປ ລາວ ປະຈຳ ສປ ຈີນ. ທ່ານໄດ້ຕີລາຄາຢ່າງສູງຕໍ່ໝາກຜົນຂອງລາວ ແລະການຮ່ວມມືຮອບດ້ານລະຫວ່າງຈີນ-ລາວໃນຕະຫຼອດໄລຍະ 50 ປີມານີ້.
ທ່ານ ສົມພອນ ສີຈະເລີນ ກ່າວວ່າ: ໃນເຄິ່ງສະຕະວັດຜ່ານມາ, ສປປ ລາວ ພວກເຮົາໄດ້ສ້າງພື້ນຖານອັນໜັກແໜ້ນຫຼາຍດ້ານທີ່ມີລັກສະນະພົ້ນເດັ່ນ, ປະຊາຊົນລາວບັນດາເຜົ່າ ມີສິດເສລີພາບທີ່ແທ້ຈິງ, ເສດຖະກິດ-ສັງຄົມໄດ້ຮັບການພັດທະນາຢ່າງຕໍ່ເນື່ອງ, ສັງຄົມມີຄວາມສະຫງົບມີຄວາມສາມັກຄີປຸ້ມລຸມປອງດອງ, ວັດທະນະທຳສັງຄົມຂອງຊາດໄດ້ຮັບການຟື້ນຟູ, ໂສມໜ້າຂອງປະເທດຊາດມີການປ່ຽນແປງໃຫຍ່ຫຼວງຮອບດ້ານ. ພ້ອມດຽວກັນນັ້ນ, ຖານະບົດບາດຂອງ ສປປ ລາວ ໃນເວທີພາກພື້ນ ແລະສາກົນກໍໄດ້ຮັບການຍົກສູງຂຶ້ນ, ປັດຈຸບັນ, ສປປ ລາວໄດ້ມີການພົວພັນທາງການທູດກັບ 151 ປະເທດ ແລະເປັນສະມາຊິກຂອງອົງການຈັດຕັ້ງສາກົນຫຼາຍກວ່າ 40 ອົງການ.
ທ່ານ ສົມພອນ ສີຈະເລີນ ກ່າວຕື່ມວ່າ: ລາວ ແລະຈີນ ມີການພົວພັນຮ່ວມມືມິດຕະພາບນຳກັນມາຍາວນານ ແລະໄດ້ຮັບການເພີ່ມພູນຄູນສ້າງນັບມື້ນັບເຂົ້າສູ່ລວງເລິກ, ສອງປະເທດໄດ້ກາຍເປັນຄູ່ຮ່ວມຊາຕາກຳໃນປີ 2019, ເຊື່ອໝັ້ນວ່າ: ການຮ່ວມມືລະຫວ່າງສອງປະເທດ ຈະນຳເອົາຜົນປະໂຫຍດນັບມື້ນັບຫຼາຍຂຶ້ນມາສູ່ປະຊາຊົນສອງຊາດ ແລະພາລະກິດການສ້າງສາພັດທະນາຢູ່ໃນສອງປະເທດພວກເຮົາ.
ທີ່ມາ: CGTN