ລັດຖະມົນຕີກະຊວງການຕ່າງປະເທດຊູແອດຈະຢ້ຽມຢາມຈີນ
ວັນທີ 14 ຕຸລານີ້, ທ່ານ ລີນຈ້ຽນ ໂຄສົກກະຊວງການຕ່າງປະເທດຈີນ ໄດ້ຈັດກອງປະຊຸມຖະແຫຼງຂ່າວປະຈຳ, ໂດຍປະກາດວ່າ: ໂດຍຕອບສະໜອງຕາມການເຊື້ອເຊີນຂອງທ່ານ ຫວາງຢີ້ ກຳມະການກົມການເມືອງສູນກາງພັກຄອມມູນິດຈີນ, ລັດຖະມົນຕີກະຊວງການຕ່າງປະເທດຈີນ, ທ່ານນາງ ມາເຣຍ ມາວເມີ ສະເທເນບາກ ລັດຖະມົນຕີກະຊວງການຕ່າງປະເທດຊູແອດ ຈະຢ້ຽມຢາມຈີນຢ່າງເປັນທາງການໃນລະຫວ່າງວັນທີ 16-17 ຕຸລານີ້.
ທ່ານ ລີນຈ້ຽນ ກ່າວວ່າ: ຈີນຍິນດີຮ່ວມກັນກັບຊູແອດ, ຖືການຢ້ຽມຢາມເທື່ອນີ້ເປັນໂອກາດ, ເພື່ອປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນຂອງປະມຸກລັດສອງປະເທດ, ເພີ່ມທະວີການແລກປ່ຽນກັນ, ເສີມສ້າງຄວາມໄວ້ເນື້ອເຊື່ອໃຈກັນ, ລົງເລິກການຮ່ວມມື ບົນພື້ນຖານເຄົາລົບນັບຖືເຊິ່ງກັນແລະກັນ, ສະເໝີພາບກັນແລະຕ່າງຝ່າຍຕ່າງໄດ້ຮັບຜົນປະໂຫຍດ, ຮັບປະກັນໃຫ້ການພົວພັນສອງຝ່າຍກ້າວໄປຂ້າງໜ້າຢ່າງໝັ້ນທ່ຽງ.