ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20 ຮັບຮອງເອົາຂໍ້ສະເໜີກ່ຽວກັບແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 - 老语时政

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນລະຫວ່າງວັນທີ 20-23 ຕຸລານີ້, ໂດຍກົມການເມືອງສູນກາງພັກຄອມມູນິດຈີນເປັນປະທານກອງປະຊຸມດັ່ງກ່າວ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນໄດ້ກ່າວຄຳປາໄສອັນສຳຄັນ.

ກອງປະຊຸມດັ່ງກ່າວໄດ້ຮັບຟັງ ແລະປຶກສາຫາລືບົດລາຍງານວຽກງານທີ່ຂຶ້ນຜ່ານໂດຍທ່ານ ສີຈິ້ນຜິງ ເຊິ່ງໄດ້ຮັບການມອບໝາຍຈາກກົມການເມືອງສູນກາງພັກ, ທັງໄດ້ພິຈາລະນາ ແລະ ຮັບຮອງເອົາຂໍ້ສະເໜີຂອງສູນກາງພັກຄອມມູນິດຈີນກ່ຽວກັບການວາງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15. ທ່ານ ສີຈິ້ນຜິງ ໄດ້ແນະນຳຂໍ້ສະເໜີຂອງສູນກາງພັກຄອມມູນິດຈີນກ່ຽວກັບການວາງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 ສະບັບປຶກສາຫາລືຕໍ່ກອງປະຊຸມ.