ທ່ານ​ສີ​ຈິ້ນ​ຜິງເຄື່ອນ​ໄຫວຢ້ຽມ​ຢາມ​ປະ​ຊາ​ຊົນ​ທີ່​ປະ​ສົບ​ໄພ​ຢູ່ນະ​ຄອນ​ຫູ​ລູ​ຕາວ​ແຂວງຫຼຽວ​ໜິງ

ຕອນ​ບ່​າຍ​ວັນ​ທີ 22 ມັງ​ກອ​ນ​ນີ້, ​ທ່າມ​ກາງອາ​ກາດ​​ທີ່ໜາວ​ຈັດ, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ຄອມ​ມູ​ນິດ​ຈີນ​ໄດ້​ເດີນທາງ​ໄປ​ບ້ານ​ຈູ້​ເຈ່ຍ​ໂກ່​ຕາແສງ​ເຜົ່າ​ແມນ​ຈູໝິງ​ສຸ້ຍ​ເມືອງ​​ສຸຍ​ຈົ່ງ​ນະ​ຄອນ​ຫູ​ລູ​ຕາວ​ແຂວງຫຼຽວ​ໜິງ​ທາງ​ພາກ​ຕາ​ເວັນ​ອອກ​ສຽງ​ເໜືອ​ຂອງ​ຈີນ ເພື່ອ​ຢ້ຽມ​ຢາມ​ປະ​ຊາ​ຊົນ​ທີ່​ປະ​ສົບ​ໄພ​​ນ້ຳ​ຖ້ວມໃນ​ປີ​ກາຍ. ທ່ານ​ສີ​ຈິ້ນ​ຜິງ​ໄດ້​ໄປ​ສຳຫຼວດກວດ​ເບິ່ງ​ສະ​ພາບ​ການ​ສ້າງ​ສາ​ຄືນ​ໃໝ່​ຫຼັງ​ໄພ​ພິ​ບັດຂອງ​ທ້ອງ​ຖິ່ນ, ໄດ້​ຍ່າງ​ເຂົ້າ​ເຮືອນ​​ໃໝ່ຂອງ​ຊາວ​ບ້ານ​ທີ່​ຍ້າຍ​​ມາ​ຢູ່​ກ່ອນ​ລະ​ດູ​ໜາວ​ມາ​ເຖິງ ເພື່ອ​ຮັບ​ຮູ້​ຄຸນ​ນະ​ພາບ​ຂອງ​ເຮືອນ​ທີ່​ສ້າງ​ໃໝ່, ການ​ຮັບ​ປະ​ກັນ​ດ້ານ​ຊີ​ວິດ​ປະ​ຈຳ​ວັນ ແລະ ສະ​ພາບ​ອື່ນໆ.