បំណងប្រាថ្នាដ៏ធំបំផុតរបស់ប្រទេសចិន គឺចង់ឃើញសន្តិភាពក្នុងតំបន់

កិច្ចប្រជុំរដ្ឋមន្ត្រីការពារជាតិអាស៊ានបូកលើកទី១២ ត្រូវបានប្រារព្ធឡើងនៅទីក្រុងកូឡាឡាំពួរ ប្រទេសម៉ាឡេស៊ី នាព្រឹកថ្ងៃទី១ ខែវិច្ឆិកា។ រដ្ឋមន្ត្រីការពារជាតិចិន ឯកឧត្តម ដុង ជុន ត្រូវបានអញ្ជើញឱ្យចូលរួម និងថ្លែងសុន្ទរកថា ដោយបញ្ជាក់ថា ប្រទេសចិន និងអាស៊ាន គឺជាអ្នកជិតខាង ហើយប្រទេសចិនជាប្រទេសដែលចង់ឃើញសន្តិភាពក្នុងតំបន់បំផុតមួយ ហើយនឹងដើរតួនាទីយ៉ាងសំខាន់ក្នុងរឿងនេះ។

ឯកឧត្តម ដុង ជុន បានថ្លែងថា ឆ្នាំនេះគឺជាខួបលើកទី ១៥ នៃការបង្កើតយន្តការកិច្ចប្រជុំរដ្ឋមន្ត្រីការពារជាតិអាស៊ានបូក ដែលភ្ជាប់គ្នាបន្ថែមទៀតនូវជោគវាសនារបស់ប្រទេសនានាក្នុងតំបន់ ការអំពាវនាវឱ្យមានសន្តិភាព និងការស្វែងរកការអភិវឌ្ឍកំពុងកាន់តែខ្លាំងឡើង ហើយកិច្ចសហប្រតិបត្តិការក្នុងតំបន់កំពុងប្រឈមមុខនឹងឱកាសកាន់តែទូលំទូលាយ។ ទោះជាយ៉ាងណាក៏ដោយ ការគំរាមកំហែង និងបញ្ហាប្រឈមថ្មីៗក៏កំពុងកើនឡើងផងដែរ។ គំនិតផ្តួចផ្តើមអភិបាលកិច្ចសកលរបស់ឯកឧត្តម ប្រធានាធិបតីចិន ស៊ី ជីនភីង ផ្តល់នូវដំណោះស្រាយរបស់ចិន ដើម្បីដោះស្រាយការផ្លាស់ប្តូរសកល និងដោះស្រាយបញ្ហាសកល ដោយសមស្របជាមួយនឹងគោលការណ៍ស្នូលនៃ“ធម្មនុញ្ញអាស៊ាន” និង“សន្ធិសញ្ញាសហប្រតិបត្តិការមិត្តភាពនៅអាស៊ីអាគ្នេយ៍”។ ប្រទេសទាំងអស់គួរតែរក្សាការប្តេជ្ញាចិត្តចំពោះសន្តិភាព និងកិច្ចសហប្រតិបត្តិការ ស្វែងរកចំណុចរួម ខណៈពេលដែលរក្សាភាពខុសគ្នា ធ្វើកិច្ចសហប្រតិបត្តិការជាមួយគ្នា និងរួមគ្នាបន្តការអភិវឌ្ឍ និងចែករំលែកសន្តិភាព។

ឯកឧត្តម ដុង ជុន បានបញ្ជាក់ថា យើងគាំទ្រយ៉ាងមុតមាំចំពោះតួនាទីស្នូលរបស់អាស៊ានដែលជាគ្រោងឆ្អឹងក្នុងតំបន់ ហើយមានឆន្ទៈក្នុងការធ្វើការជាមួយប្រទេសនានាក្នុងតំបន់ ដើម្បីទទួលខុសត្រូវយ៉ាងសកម្មក្នុងការរក្សាសន្តិភាពក្នុងតំបន់ តភ្ជាប់ភាពខុសគ្នាតាមរយៈការសន្ទនា និងការពិគ្រោះយោបល់ បង្កើនកម្រិតនៃការបើកចំហ និងកិច្ចសហប្រតិបត្តិការរួមគ្នា ដែលដើរតួយ៉ាងរឹងមាំជាកម្លាំងស្ថិរភាពដែលអាចព្យាករណ៍បាន ចូលរួមចំណែកដល់កិច្ចសហប្រតិបត្តិការសន្តិសុខនៅក្នុងកិច្ចប្រជុំរដ្ឋមន្ត្រីការពារជាតិអាស៊ានបូក កសាង សហគមន៍ជោគវាសនារួមរវាងចិន-អាស៊ាន ឱ្យកាន់តែជិតស្និទ្ធ រួមគ្នាការពារសន្តិភាព និងស្ថិរភាពនៃអន្តរជាតិ និងតំបន់៕

អ្នកយកព័ត៌មាន៖ Wang Jiawei

អ្នកបកប្រែ៖លីហ្សា