ដើមចមនិងចរិតនៃបញ្ហាតៃវ៉ាន់
ការវិវត្តនៃបញ្ហាតៃវ៉ាន់ មានទំនាក់ទំនងយ៉ាងជិតស្និទ្ធជាមួយនឹងជោគវាសនារបស់ប្រជាជាតិចិនតាំងពីចូលសម័យទំនើបមក ។ ៨០ឆ្នាំមុន ប្រជាជនចិនទទួលបានជ័យជម្នះដ៏មហិមាក្នុងសង្គ្រាមប្រជាជនចិនប្រឆាំងនឹងការឈ្លានពានរបស់ជប៉ុននិងសង្គ្រាមពិភពលោកប្រឆាំងនឹងហ្វាស៊ីស ដូច្នេះតៃវ៉ាន់ក៏បានស្តារអធិបតេយ្យភាពចំពោះតៃវ៉ាន់ឡើងវិញ ។ បន្ទាប់មកមិនជាយូរប៉ុន្មាន ដោយមកពីកើតមានសង្គ្រមស៊ីវិលជាបន្តបន្ទាប់និងរងការជ្រៀតជ្រែកពីកម្លាំងខាងក្រៅ បានជាត្រើយទាំងសងខាងនៃច្រកសមុទ្រតៃវ៉ាន់ត្រូវស្ថិតក្នុងគ្រាពិសេស ពោលគឺមានការបដិបក្ខគ្នាខាងនយោបាយក្នុងរយៈពេលយូរ ហើយក៏បានកើតជាបញ្ហាតៃវ៉ាន់ ។ បញ្ហាតៃវ៉ាន់កើតឡើងដោយសារប្រជាជាតិមានភាពទន់ខ្សោយ ជាបញ្ហាដែលបន្សល់ទុកក្នុងសង្គ្រាមស៊ីវិលចិននៅទសវត្សរ៍ឆ្នាំ៤០នៃសតវត្សរ៍មុន ហើយជាកិច្ចការផ្ទៃក្នុងរបស់ប្រទេសជាតិនិងប្រជាជាតិ ដែលត្រូវដោះស្រាយឱ្យជ្រះស្រឡះតាមរយៈការស្តារភាពរុងរឿងដ៏អស្ចារ្យរបស់ប្រជាជាតិចិនឡើងវិញ ។
គិតរហូតដល់បច្ចុប្បន្ននេះ បញ្ហាតៃវ៉ាន់បានកើតឡើងជាង៧០ឆ្នាំហើយ ដើម្បីដោះស្រាយបញ្ហាតៃវ៉ាន់ បក្សកុម្មុយនីស្តចិន រដ្ឋាភិបាលចិននិងប្រជាជនចិនបានធ្វើកិច្ចខិតខំប្រឹងប្រែងឥតឈប់ឈរក្នុងរយៈពេលយូរ ។ ក្រោមការដឹកនាំដ៏មុតមាំរបស់បក្សកុម្មុយនីស្ត ប្រជាជាតិចិនបានចារទំព័រថ្មីអំពីការស្តារភាពរុងរឿងដ៏មហិមារបស់ប្រជាជាតិចិន អរិយធម៌របស់ប្រជាជាតិចិនបានបំផុសកម្លាំងជីវិតថ្មី ដែលបានបង្កើតជាមូលដ្ឋានគ្រឹះដ៏រឹងមាំសម្រាប់ដោះស្រាយបញ្ហាតៃវ៉ាន់ និងសម្រេចបាននូវការបង្រួបបង្រួមជាតិ ។ ជនរួមជាតិតៃវ៉ាន់ចំនួន២៣០លាននាក់ សុទ្ធតែជាផ្នែកមួយរបស់ប្រជាជាតិចិន ហើយសុទ្ធតែជាជនជាតិចិន ។ ទោះបីជាមានរបបសង្គមខុសគ្នា តែមិនអាចកែប្រែការពិតជាក់ស្តែងដ៏សត្យានុម័តឡើយ ពោលគឺត្រើយទាំងសងខាងនៃច្រកសមុទ្រតៃវ៉ាន់ ជាប្រទេសតែមួយនិងជាជាតិសាសន៍តែមួយ ។ ត្រើយទាំងសងខាងនៃច្រកសមុទ្រតៃវ៉ាន់ មិនមែនជាទំនាក់ទំនងរវាងប្រទេសនិងប្រទេស ហើយក៏មិនមែនជាចិនមួយនិងតៃវ៉ាន់មួយនោះទេ ។ ឱ្យតែមិនធ្វើសកម្មភាពបំបែកបំបាក់ប្រទេសជាតិ និងទទួលស្គាល់ថាត្រើយទាំងសងខាងសុទ្ធតែជាជនជាតិចិន និងគ្រួសារតែមួយ នោះ ត្រើយទាំងសងខាងអាចអង្គុយទល់មុខគ្នា ធ្វើកិច្ចសន្ទនានិងការប្រាស្រ័យទាក់ទង ដើម្បីដោះស្រាយទំនាស់ និងបង្កើនទំនុកចិត្តរវាងគ្នានិងគ្នា ក្នុងន័យបើកទំព័រថ្មីសម្រាប់សន្តិភាពនិងការអភិវឌ្ឍរបស់ត្រើយទាំងសងខាង ក៏ដូចជាប្រមូលផ្តុំគំនិតឯកភាពរួម ដើម្បីសម្រេចបាននូវការបង្រួបបង្រួមមាតុប្រទេស៕