"ព្រះចន្ទតំណាងឱ្យបេះដូងរបស់យើង"
ឆ្នាំ ២០២៥ គឺជា "ឆ្នាំទេសចរណ៍ចិន-កម្ពុជា"។ ជាមួយនឹងបុណ្យសែនព្រះខែខិតជិតមកដល់ "ពពកឥន្ទនូចែចូវព្រះចន្ទ មិត្តជិតខាងកាន់តែជិតស្និទ្ធ"រាត្រីបុណ្យសែនព្រះខែមិត្តភាពកម្ពុជា-ចិន ឆ្នាំ២០២៥ និងព្រឹត្តិការណ៍ពាក់ព័ន្ធបានរៀបចំនៅប្រទេសកម្ពុជា។ ក្នុងឱកាសអបអរសាទរពិធីបុណ្យសែនព្រះខែ មិត្តកម្ពុជាបានសម្តែងនូវក្តីប្រាថ្នា និងការរំពឹងទុកដ៏ល្អជាច្រើនសម្រាប់ទំនាក់ទំនងកម្ពុជា-ចិន និងកិច្ចសហប្រតិបត្តិការនាពេលអនាគត។ តោះ យើងទៅទស្សនាជាមួយគ្នា។
ឯកឧត្តមឯកសំអុលឧត្តមប្រឹក្សាព្រះមហាក្សត្រនៃព្រះរាជាណាចក្រកម្ពុជាទីប្រឹក្សារាជរដ្ឋាភិបាលកម្ពុជាអាណត្តិទី៧និងជាប្រធានសមាគមមិត្តភាពកម្ពុជា-ចិន៖
ក្នុងនាមជាមិត្តដែកថែបរបស់ប្រទេសចិន កម្ពុជាបានចូលរួមយ៉ាងសកម្មក្នុងការកសាងសហគមន៍វាសនារួមកម្ពុជា-ចិនគ្រប់រដូវកាលក្នុងយុគសម័យថ្មី។ ភាគីទាំងពីរបានបន្តលើកកម្ពស់ការជឿទុកចិត្តគ្នាផ្នែកនយោបាយ ពន្លឿនកិច្ចសហប្រតិបត្តិការជាក់ស្តែង និងការជំរុញការផ្លាស់ប្តូររវាងប្រជាជន និងប្រជាជន ដែលនាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។
ចាប់តាំងពីឆ្នាំ ២០១៣ មក សមាគមមិត្តភាពកម្ពុជា-ចិនបានគាំទ្រ និងសហការជាមួយប្រទេសចិនលើគម្រោង "ដំណើរកម្សាន្តពន្លឺ" នៅរាជធានីភ្នំពេញ និងតាមបណ្តាខេត្តមួយចំនួន។ គិតដល់ឆ្នាំ ២០២៥ គម្រោងនេះបានពង្រីកដល់ទូទាំងប្រទេសកម្ពុជា។
"ពពកឥន្ទនូចែចូវព្រះចន្ទ មិត្តជិតខាងកាន់តែជិតស្និទ្ធ"មិនត្រឹមតែជាប្រធានបទនៃរាត្រីបុណ្យសែនព្រះខែមិត្តភាពកម្ពុជា-ចិន ឆ្នាំ២០២៥ ប៉ុណ្ណោះទេ ប៉ុន្តែវាក៏ជាការឆ្លុះបញ្ចាំងយ៉ាងរស់រវើកនៃការផ្លាស់ប្តូរវប្បធម៌ និងការផ្លាស់ប្តូរមិត្តភាពរវាងប្រជាជន និងប្រជាជនរវាងកម្ពុជា និងចិន ជាពិសេសរវាងកម្ពុជា និងខេត្តយូណាន។
លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា៖
អក្សរតុងប៉ារបស់ជនជាតិណាស៊ីគួរឱ្យចាប់អារម្មណ៍ណាស់ តួអង្គនីមួយៗគឺដូចជាគំនូរ! ប្រសិនបើខ្ញុំមានឱកាស ខ្ញុំត្រូវតែទៅទស្សនាកម្សាន្តខេត្តយូណាន ដើម្បីស្វែងយល់ពីរឿងរ៉ាវនៅពីក្រោយតួអង្គបុរាណនិងអាថ៌កំបាំងទាំងនេះ និងជីវិតរបស់ជនជាតិណាស៊ី ដែលប្រើប្រាស់វា។
ខ្ញុំនឹងដាក់សញ្ញាសរសេរអក្សរផ្ចង់តុងប៉ានេះដែលសរសេរ "សុខភាពល្អ" ចារនៅលើវានៅកន្លែងដ៏លេចធ្លោមួយនៅលើតុរបស់ខ្ញុំ។ ខ្ញុំជឿជាក់ថា យើងទាំងអស់គ្នាមានក្តីប្រាថ្នាចង់បានភាពស្រស់ស្អាត ហើយបំណងប្រាថ្នា និងសេចក្តីប្រាថ្នាល្អអាចឆ្លងកាត់ព្រំដែន ជាតិសាសន៍ និងវប្បធម៌ ហើយចូលទៅជ្រៅទៅក្នុងចិត្តរបស់មនុស្សទាំងអស់។
លោក ដូ ស៊ូសមាជិកគណៈកម្មការសមាគមទេសចរណ៍កម្ពុជា៖
ខ្ញុំសង្ឃឹមថាប្រជាជនកម្ពុជា និងចិន ជាពិសេសយុវជនអាចយល់កាន់តែស៊ីជម្រៅអំពីវប្បធម៌របស់គ្នាទៅវិញទៅមកតាមរយៈពិធីបុណ្យសែនព្រះខែ។ ខ្ញុំក៏សង្ឃឹមថា ព្រឹត្តិការណ៍ដូចជាទីផ្សារច្នៃប្រឌិតពិធីបុណ្យសែនព្រះខែយូណា-កម្ពុជានឹងបន្តរៀបចំ និងចាក់ឫសនៅកម្ពុជា ហើយលើកទឹកចិត្តក្រុមសិល្បៈ និងអ្នកប្រាជ្ញវប្បធម៌នៃប្រទេសទាំងពីរនឹងមកទស្សនាគ្នាទៅវិញទៅមកក្នុងអំឡុងពិធីបុណ្យ ដើម្បីសម្តែងរបាំប្រពៃណី និងតន្ត្រី ដែលអនុញ្ញាតឱ្យការផ្លាស់ប្តូរវប្បធម៌ក្នុងបរិយាកាសរីករាយនៃពិធីបុណ្យចាក់ឫសក្នុងបេះដូងប្រជាជន។
លោក លី ស៊ុនឡេង មគ្គុទ្ទេសក៍ទេសចរណ៍ភាសាចិនកម្ពុជា៖
ខ្ញុំរីករាយណាស់ដែលបានផឹកតែភូអឺយូណានម្តងទៀតនៅទីនេះ។ វាមានក្លិនក្រអូប និងរសជាតិបន្ធូរអារម្មណ៍។ រឹតតែសប្បាយចិត្តគឺបានជួបមិត្តចាស់ពីខេត្តយូណាន។ កាលពីខែមិថុនាកន្លងទៅ ខ្ញុំបានធ្វើដំណើរទៅខេត្តយូណាន ដើម្បីចូលរួមក្នុងសកម្មភាពសំឡេងទីតាំងបេតិកភណ្ឌ "ដើរកម្សាន្តនៅយូណាន ទៅទស្សនានៅអង្គរ" នៃប្រទេសចិន(ខេត្តយូណាន)-ព្រះរាជាណាចក្រកម្ពុជា។ ផ្កាដ៏ស្រស់ស្អាតនៃទីក្រុងគុនមីង និងភ្នំដែលគ្របដណ្ដប់ដោយព្រិលនៃលីជាំង នៅតែរស់រវើកក្នុងចិត្តរបស់ខ្ញុំ។ លើកក្រោយ ខ្ញុំនឹងនាំក្រុមគ្រួសារ និងមិត្តភក្តិរបស់ខ្ញុំទៅលេងខេត្តយូណានម្តងទៀត។
ដោយសារមិត្តភក្តិមានទំនាក់ទំនងគ្នាដោយបេះដូង និងដោយក្តីស្រឡាញ់ ពួកយើងឆ្លងកាត់ភ្នំ និងសមុទ្រដើម្បីអាចជួបគ្នាជាញឹកញាប់។
លោកស្រី ហង់ ផល្លីន អាជីវករចម្លាក់ឈើនៅផ្សារទួលទំពូង៖
ខ្ញុំសង្ឃឹមថា ព្រឹត្តិការណ៍ផ្លាស់ប្តូរវប្បធម៌កម្ពុជា-ចិនកាន់តែច្រើននឹងរៀបចំឡើងនៅរាជធានីភ្នំពេញនាពេលខាងមុខ ដែលអនុញ្ញាតឱ្យប្រជាជនកម្ពុជាកាន់តែច្រើន ជាពិសេសយុវជន ទទួលបានបទពិសោធន៍ពីបេតិកភណ្ឌវប្បធម៌អរូបីរបស់ចិនដោយផ្ទាល់បន្ថែមទៀត។ ខ្ញុំក៏សង្ឃឹមថា សិប្បកម្មកម្ពុជានឹងត្រូវបានស្វែងយល់ និងទទួលបានការពេញនិយមពីមិត្តប្រទេសចិន៕
អ្នកយកព័ត៌មាន៖ Shen Yan(កល្យាណ)
អ្នកបកប្រែ៖Shen Yan(កល្យាណ)