ផ្កាយពីររះទន្ទឹមគ្នា
នៅពេលយប់ នៅអាកាសយានដ្ឋានអន្តរជាតិសៀមរាបអង្គរនៃសកម្ពុជា ពន្លឺចែងចាំងយ៉ាងស្រទន់នៅលើច្រករបៀងវប្បធម៌កម្ពុជា-ចិន។ លោក មួន សុភាព ប្រធានមន្ទីរវប្បធម៌ និងសិល្បៈខេត្តសៀមរាប បានអោនចុះដើម្បីតម្រង់សម្លៀកបំពាក់ប្រពៃណីខ្មែរដ៏ប្រណិត។ នៅក្បែរនោះ រូបភាពរាប់រយដែលបង្ហាញពីបេតិកភណ្ឌវប្បធម៌អរូបីនៃខេត្តយូណាន ប្រទេសចិន និងប្រទេសកម្ពុជា។ នៅចំពោះមុខគាត់ ចម្លាក់ថ្មអង្គរដ៏ប្រណិតសម្លៀកបំពាក់ប្រពៃណីខ្មែរ និងផលិតផលប៉ាក់ជនចាតិយីខេត្តយូណាន ត្រូវបង្ហាញក្បែរគ្នា ហាក់បីដូចជាកំពុងធ្វើកិច្ចសន្ទនាដ៏ស្ងៀមស្ងាត់។ ជាការពិត នេះជាការដំឡើងសម្រាប់កម្មវិធីតែ និងពិភពលោក៖ ភាពសុខដុមរមនាសាកល និងទិវាបេតិកភណ្ឌវប្បធម៌អរូបី "ផ្លូវសូត្រដ៏ត្រចះត្រចង់៖ វត្ថុសិប្បកម្មតម្បាញ" កម្ពុជា-ចិន លោក មួន សុភាព បានដឹកនាំក្រុមរបស់ខ្លួនក្នុងការត្រៀមខ្លួនជាលើកចុងក្រោយសម្រាប់ព្រឹត្តិការណ៍ធំនៅថ្ងៃទី ២៧ ខែកញ្ញា។
ពេលវេលាត្រលប់ទៅមួយឆ្នាំមុន នៅថ្ងៃទី ៦ ខែសីហា ឆ្នាំ ២០២៤ ច្រករបៀងវប្បធម៌កម្ពុជា-ចិន បានបើកសម្ពោធជាផ្លូវការនៅអាកាសយានដ្ឋានអន្តរជាតិសៀមរាបអង្គរ។ ពាក្យស្លោក "ដើរកម្សាន្តនៅយូណាន ទៅទស្សនានៅអង្គរ" បានបន្លឺឡើងដូចខ្យល់និទាឃរដូវ ធ្វើឱ្យអ្នកធ្វើដំណើរមកពីជុំវិញពិភពលោកមានចំណាប់អារម្មណ៍។ ក្នុងនាមជាកម្លាំងជំរុញមួយនៅពីក្រោយគំនិតផ្តួចផ្តើមនេះ លោក មួន សុភាព យល់ឃើញថា នេះមិនត្រឹមតែជាពាក្យស្លោកទេសចរណ៍ប៉ុណ្ណោះទេ ប៉ុន្តែក៏ជាការប្តេជ្ញាចិត្តវប្បធម៌ដ៏មានទម្ងន់ផងដែរ។
លោកបាននិយាយថា ខេត្តសៀមរាប និងខេត្តយូណានប្រៀបដូចផ្កាយពីរ ដែលបំភ្លឺគ្នាទៅវិញទៅមក។ នៅក្នុងក្រសែភ្នែករបស់លោក តារាទាំងពីរនៅមិនឆ្ងាយប៉ុន្មានទេ សម្រាប់រាល់ការតាំងពិព័រណ៍ រាល់ព្រឹត្តិការណ៍ និងរាល់ការជួបជាមួយការតាំងពិព័រណ៍ ធ្វើឱ្យរស្មីរបស់ពួកគេកាន់តែច្បាស់ និងគួរឱ្យចាប់អារម្មណ៍។
នាថ្ងៃទី ២៧ ខែកញ្ញា កម្មវិធីតែ និងពិភពលោក៖ ភាពសុខដុមរមនាសាកល និងទិវាបេតិកភណ្ឌវប្បធម៌អរូបី "ផ្លូវសូត្រដ៏ត្រចះត្រចង់៖ វត្ថុសិប្បកម្មតម្បាញ" កម្ពុជា-ចិន ត្រូវបានប្រារព្ធឡើងដោយជោគជ័យ។ លោក មួន សុភាពបាននិយាយដោយឈរនៅក្នុងហ្វូងមនុស្សដោយទឹកមុខញញឹមថា នេះគឺមិនមែនគ្រាន់តែជាការតាំងពិព័រណ៍នោះទេ វាជាការជួបគ្នានៃដួងព្រលឹង។ គាត់បានមើលពេលដែលអ្នកទស្សនាឈប់នៅស្តង់ សួរសំណួរ ឬថតក្បាច់រាំដ៏គួរសមរបស់អ្នកសម្តែងដោយកាមេរ៉ារបស់ពួកគេ ហើយអារម្មណ៍កក់ក្តៅបានដក់ជាប់ក្នុងចិត្តរបស់គាត់។ ខេត្តសៀមរាប និងខេត្តយូណានកំពុងខិតខំតភ្ជាប់ប្រជាជនដែលមានភាសា និងពណ៌ស្បែកខុសៗគ្នាតាមរយៈចំណងវប្បធម៌។
ចាប់តាំងពីបើកដំណើរការច្រករបៀងវប្បធម៌ចិន-កម្ពុជាបានបើកជាផកលូវការមក វាបានទាក់ទាញការចាប់អារម្មណ៍ និងការចូលរួមពីភ្ញៀវទេសចរអន្តរជាតិជាងមួយលាននាក់។ ពីប្រារព្ធឡើងជាបន្តបន្ទាប់នូវពិព័រណ៍ប្រធានបទ"ជំនួបបេតិកភណ្ឌពិភពលោក ពួតដៃអរិយធម៌ក្នុងការសិក្សាពីគ្នាទៅវិញទៅមក" និង"សត្វគោជួបនឹងពស់៖ ពិព័រណ៍វត្ថុបុរាណអច្ឆរិយៈប្រទេសកម្ពុជា-ខេត្តយូណាន（ប្រទេសចិន）"ទៅដល់រៀបចំផ្សារច្នៃប្រឌិតគុនមីង ១៩០៣ ព្រឹត្តិការណ៍នីមួយៗបានដូចដុំគ្រួសទម្លាក់ចូលទៅក្នុងបឹង និងបង្កើតជារលកឥតឈប់ឈរ។
"ដើរកម្សាន្តនៅយូណាន ទៅទស្សនានៅអង្គរ" បានឆ្លងកាត់ការផ្សព្វផ្សាយទីផ្សារទេសចរណ៍តាមលក្ខខណ្ឌធម្មតា។ នៅក្នុងចិត្តរបស់លោក មួន សុភាព ទាំងនេះគឺបានក្លាយជាជំនឿមួយថា វប្បធម៌គ្មានព្រំដែន ហើយមានតែតាមរយៈការស្តាប់ និងការយោគយល់គ្នាទៅវិញទៅមក ទើបអាចឱ្យអរិយធម៌បុរាណមានការរីកចំរើនក្នុងយុគសម័យថ្មី។ ខេត្តយូណាន ប្រៀបបាននឹងផ្កាយដែលចែងចាំងពន្លឺអមជាមួយខេត្តសៀមរាប ទោះបីនៅដាច់ពីគ្នាដោយភ្នំ និងសមុទ្រក៏ដោយ ក៏កន្លែងទាំងពីរនេះចាំងជះពន្លឺមកលើមេឃពេលរាត្រីនៃអរិយធម៌ បំភ្លឺគ្នាទៅវិញទៅមក៕
អ្នកយកព័ត៌មាន៖ Li Zha, Zhang Ruogu
អ្នកបកប្រែ៖Shen Yan(កល្យាណ)