ការនាំចេញស្បែកជើងរបស់កម្ពុជាមាននិន្នាការកើនឡើង ហើយយុទ្ធសាស្ត្រទីផ្សារពិពិធកម្មបង្ហាញលទ្ធផលគួរឱ្យកត់សម្គាល់!

អ្នកឧកញ៉ា លី ឃុនថៃ  ប្រធានសមាគមស្បែកជើងកម្ពុជា បាននិយាយកាលពីពេលថ្មីៗនេះថា ជាង ៩០% នៃអ្នកវិនិយោគស្បែកជើងនៅកម្ពុជាគឺមកពីប្រទេសចិន ម៉ាឡេស៊ី និងកូរ៉េខាងត្បូង។ ការវិនិយោគិនទាំងនេះ ជាមួយនឹងបទពិសោធន៍ឧស្សាហកម្មដ៏សម្បូរបែប និងបច្ចេកវិជ្ជាជឿនលឿន គឺចាត់ទុកប្រទេសកម្ពុជាជាមូលដ្ឋានផលិតកម្មដ៏សំខាន់នៅក្នុងតំបន់អាស៊ាន។

អ្នកឧកញ៉ា លី ឃុនថៃបាននិយាយនៅក្នុងបទសម្ភាសន៍ជាមួយអ្នកសារព័ត៌មានថា ទោះបីជាមានភាពមិនច្បាស់លាស់ខ្ពស់នៃស្ថានភាពនយោបាយ និងសេដ្ឋកិច្ចពិភពលោកបច្ចុប្បន្ន ដែលជះឥទ្ធិពលអវិជ្ជមានដល់ពាណិជ្ជកម្មអន្តរជាតិក៏ដោយ ក៏ប៉ុន្តែការនាំចេញស្បែកជើងរបស់កម្ពុជានៅតែរក្សាបាននូវកំណើនគួរឱ្យកត់សម្គាល់។ ក្នុងឆមាសទីមួយនៃឆ្នាំ ២០២៥ ការនាំចេញស្បែកជើងរបស់កម្ពុជាមានទំហំលើសពី ១ ពាន់លានដុល្លារអាមេរិក កើនឡើងជាង ៣០% ធៀបនឹងរយៈពេលដូចគ្នាក្នុងឆ្នាំ២០២៤។ កត្តាជំរុញសំខាន់ៗរួមមាន ការគាំទ្រគោលនយោបាយរបស់រាជរដ្ឋាភិបាល ការបង្កើនទំនុកចិត្តវិនិយោគិន និងគុណភាពផលិតផលស្របតាមស្តង់ដារអន្តរជាតិ៕

អ្នកបកប្រែ៖Shen Yan(កល្យាណ)