រដ្ឋបាលជាតិកម្មសិទ្ធិបញ្ញានៃប្រទេសចិន និងប្រទេសអង់គ្លេស បានចុះហត្ថលេខាជាថ្មីលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យកម្មសិទ្ធិបញ្ញា និងកម្មសិទ្ធិពាក់ពន្ធ

កាលពីពេលថ្មីៗនេះ រដ្ឋបាលកម្មសិទ្ធិបញ្ញាជាតិនៃប្រទេសចិន និងប្រទេសអង់គ្លេស បានបើកកិច្ចប្រជុំសន្ទនាការងារអន្តររដ្ឋាភិបាលកម្រិតរដ្ឋមន្ត្រីស្តីពីកម្មសិទ្ធិបញ្ញា និងបានចុះហត្ថលេខាជាថ្មីលើ “អនុស្សរណៈនៃការយោគយល់គ្នាស្តីពីការពង្រឹងកិច្ចសហប្រតិបត្តិការទ្វេភាគីបន្ថែមទៀតរវាងរដ្ឋបាលជាតិកម្មសិទ្ធិបញ្ញានៃប្រទេសចិន និងរដ្ឋបាលជាតិកម្មសិទ្ធិបញ្ញានៃប្រទេសអង់គ្លេស” កិច្ចប្រជុំនេះ និងការចុះហត្ថលេខាជាថ្មីលើអនុស្សរណៈ គឺជាវិធានការសំខាន់ដើម្បីពង្រឹងបន្ថែមទៀតនូវកិច្ចសហប្រតិបត្តិការជាក់ស្តែងរវាងភាគីទាំងពីរក្នុងវិស័យកម្មសិទ្ធិបញ្ញា។

អនុស្សរណៈនេះគឺជាការធ្វើបច្ចុប្បន្នភាពនៃអនុស្សរណៈនៃការយោគយល់អំពីកិច្ចសហប្រតិបត្តិការយុទ្ធសាស្រ្តកម្មសិទ្ធិបញ្ញាចិន-អង់គ្លេស ដែលបានចុះហត្ថលេខាដោយរដ្ឋបាលទាំងពីរក្នុងឆ្នាំ២០១០។ យោងតាមអនុស្សរណៈនេះ ប្រទេសទាំងពីរនឹងពង្រឹងកិច្ចសហប្រតិបត្តិការលើវិស័យកម្មសិទ្ធិបញ្ញា ផ្លាស់ប្តូរព័ត៌មានផ្លូវច្បាប់ និងបច្ចេកទេសក្នុងវិស័យកម្មសិទ្ធិបញ្ញា និងកម្មសិទ្ធិពាក់ព័ន្ធតាមពេលកំណត់ លើកទឹកចិត្តបុគ្គលិកគ្រប់គ្រងកម្មសិទ្ធិបញ្ញា និងអ្នកអនុវត្តពាក់ព័ន្ធនៃប្រទេសទាំងពីរឱ្យប្រាស្រ័យទាក់ទងគ្នាតាមរយៈដំណើរទស្សនកិច្ច និងការបណ្តុះបណ្តាលគ្នាទៅវិញទៅមក និងជំរុញកិច្ចសហប្រតិបត្តិការរវាងស្ថាប័នគ្រប់គ្រងសមូហភាពនៃកម្មសិទ្ធិបញ្ញា។ ភាគីទាំងពីរនឹងរួមគ្នាបង្កើត និងអនុវត្តផែនការការងារប្រចាំឆ្នាំ អនុវត្តសកម្មភាពជាក់លាក់ ដើរតួនាទីនៃអនុស្សរណៈនេះឱ្យពេញលេញ និងធ្វើការរួមចំណែកថ្មីក្នុងការធ្វើឱ្យស៊ីជម្រៅដល់អភិបាលកម្មសិទ្ធិបញ្ញាអន្តរជាតិ និងការលើកកម្ពស់ការអភិវឌ្ឍនៃកម្មសិទ្ធិនៅក្នុងប្រទេសទាំងពីរ៕