តើអត្ថន័យនៅពីក្រោយស្លាកនេះមានអ្វីខ្លះ?

«ខ្សែក្រវាត់អនុវត្តអរិយធម៌សម័យថ្មី ដើម្បីលើកកម្ពស់ការអភិវឌ្ឍ និងតំបន់ព្រំដែនរបស់ខេត្តយូណាន» គឺជាគម្រោងសំខាន់ធំមួយដែលបានដាក់ចេញដោយខេត្តយូណាន ប្រទេសចិន ដើម្បីលើកកម្ពស់អភិបាលកិច្ចតំបន់ព្រំដែន ឯកភាពជនជាតិ និងការផ្លាស់ប្ដូរវប្បធម៌។ វាគ្របដណ្តប់លើខ្សែព្រំដែនប្រវែង ៤០៦០ គីឡូម៉ែត្ររបស់ខេត្ត និងភ្ជាប់ទៅនឹងទីក្រុង និងមណ្ឌលជាប់ព្រំដែនចំនួន ៨ ក៏ដូចជាទីក្រុងគុនមីងផងដែរ។

ឡូហ្គោរបស់គម្រោងនេះប្រើប្រាស់ខ្សែព្រំដែនប្រវែង ៤០៦០ គីឡូម៉ែត្ររបស់ខេត្តយូណានជាក្របខណ្ឌ ដោយប្រែក្លាយភូមិព្រំដែនចំនួន ៣៧៤ ទៅជាផ្កាយ ហើយគូរបន្ទាត់ចម្រុះពណ៌រវាងភូមិទាំងនោះ។ នៅក្នុងការបង្កើតនេះ លោក លាវ ស៊ីន អ្នករចនាបានប្រើពណ៌ប្រផេះខៀវដើម្បីគូររូបភាពស្រមោលរបស់ដំរី ពណ៌បៃតងត្បូងមរកតដើម្បីពណ៌នាអំពីលំនាំរោមរបស់ក្ងោក ពណ៌បៃតងចាស់ដើម្បីគូរភ្នំពណ៌បៃតង ពណ៌បៃតងខ្ចីដើម្បីគូរដើមឈើពណ៌បៃតង និងផ្កាពណ៌ក្រហមដើម្បីបន្ថែមភាពរស់រវើកដល់ភូមិនានា។

លោក លាវ ស៊ីន បានថ្លែងថា ការរួមរស់ជាមួយគ្នាដោយសុខដុមរមនារវាងបរិស្ថាន និងមាតុភូមិ គឺជាខ្លឹមសារពិតនៃ "ការស្តារឡើងវិញនូវខេត្តយូណាន"។ លោកបានបញ្ចូលបទចម្រៀងដ៏រីករាយនៃវាលស្រែ និងសំណើចនៃភូមិនានាទៅក្នុងគំនិតរចនារបស់លោក ដោយបង្ហាញពីសេចក្តីប្រាថ្នារបស់អ្នករស់នៅតាមព្រំដែនសម្រាប់ជីវិតកាន់តែប្រសើរឡើង ខណៈពេលដែលក៏នាំមកជូនលោកនូវសេចក្តីរីករាយនៃការបង្កើតស្នាសៃផងដែរ។ អត្ថន័យដ៏ជ្រាលជ្រៅដែលលោក លាវ ស៊ីន ចង់បង្ហាញបំផុតគឺថា "ផ្កាយ" ចំនួន ៣៧៤ ភ្លឺចែងចាំងដោយឡែកពីគ្នា ប៉ុន្តែលាយឡំគ្នាយ៉ាងរលូន។ "គ្មានភូមិណាឯកោទេ ពួកវាបញ្ចូលគ្នា និងបំពេញគ្នាទៅវិញទៅមក។ ការរួមរស់ជាមួយគ្នារវាងបរិស្ថាន និងវប្បធម៌នេះគឺជាខ្លឹមសារនៃការរួមរស់ជាមួយគ្នាដោយសុខដុមរមនា"។

អ្នកយកព័ត៌មាន៖ Chen Chen

អ្នកបកប្រែ៖ លីហ្សា