កម្មវិធីតូចត្រូវបានបង្កើតឡើងដើម្បីគាំទ្រភូមិនៅតាមព្រំដែនខេត្តយូណាន ផ្សព្វផ្សាយសម្រស់នៃស្រុកកំណើតរបស់ពួកគេ

នៅថ្ងៃទី៤ ខែវិច្ឆិកា កម្មវិធីតូចក្នុង WeChat "ពពកសុភមង្គលដើម្បីលើកកម្ពស់ការអភិវឌ្ឍ និងតំបន់ព្រំដែនរបស់ខេត្តយូណាន" ត្រូវបានបង្កើតឡើងជាផ្លូវការ។ នៅតាមបណ្តោយព្រំដែនប្រវែង ៤០៦០ គីឡូម៉ែត្រនៃខេត្តយូណាន ប្រទេសចិន មានភូមិតាមព្រំដែនចំនួន ៣៧៤។ កម្មវិធីតូចនេះនឹងផ្តល់សេវាកម្មផ្សព្វផ្សាយព័ត៌មានសម្រាប់អ្នកភូមិក្នុងតំបន់។

អ្នកភូមិបានស្នើគំនិតផ្តួចផ្តើមជាច្រើន៖ ការបង្កើតការផ្សាយព័ត៌មានភូមិមួយ ដើម្បីឱ្យពួកគេចែករំលែករឿងរ៉ាវក្នុងស្រុកជាភាសាកំណើតរបស់ពួកគេ ដោយបង្ហាញពីតំបន់ព្រំដែនពិតប្រាកដ។ រៀបចំការប្រកួតវីដេអូខ្លីមួយ ដើម្បីថតរឿងរ៉ាវដ៏កក់ក្តៅនៃការអភិរក្សបេតិកភណ្ឌវប្បធម៌អរូបី សេដ្ឋកិច្ចទីធ្លា និងគ្រួសារគំរូជាដើម។ ការបង្ហាញ និងលក់ផលិតផលកសិកម្ម និងសិប្បកម្ម ភ្ជាប់ជាមួយធនធានពាណិជ្ជកម្មអេឡិចត្រូនិច ដើម្បីគាំទ្រដល់ការស្តារឡើងវិញនៅជនបទ។ ការផ្សព្វផ្សាយម្ហូបអាហារ ទេសភាព បេតិកភណ្ឌវប្បធម៌អរូបី និងផលិតផលពិសេសៗក្នុងស្រុក ដើម្បីផ្សព្វផ្សាយសម្រស់ស្រស់ស្អាតនៃតំបន់របស់ពួកគេឱ្យកាន់តែឆ្ងាយ។ ការបង្កើតមុខងារ "ទទួលការបញ្ជាទិញ" ដើម្បីឱ្យប្រជាពលរដ្ឋអាចដាក់ស្នើតម្រូវការរបស់ពួកគេ ហើយអ្នកស្ម័គ្រចិត្តអាចបំពេញតម្រូវការទាំងនោះ និងការបង្កើតការផ្លាស់ប្តូរដូចជា "ថតរូប និងចែករំលែក" និង "ជញ្ជាំងបេះដូងស្នេហា" ដើម្បីលើកទឹកចិត្តអ្នកគ្រប់គ្នាឱ្យចូលរួមក្នុងការអនុវត្តអរិយធម៌។

នាពេលអនាគត កម្មវិធីតូចនេះនឹងបន្តបើកដំណើរការសកម្មភាពអនឡាញ និងក្រៅបណ្តាញតូចៗនិងល្អៗមួយចំនួន ដើម្បីប្រមូលសំឡេងយ៉ាងទូលំទូលាយពីតំបន់ព្រំដែន លើកទឹកចិត្តការចូលរួមរបស់អ្នកភូមិ និងជួយផ្សព្វផ្សាយការអនុវត្តល្អបំផុត៕

អ្នកយកព័ត៌មាន៖ Guo Yao

អ្នកបកប្រែ៖ លីហ្សា