លោក Xi Jinping អញ្ជើញជាអធិបតីក្នុងកិច្ចប្រជុំលើកទី៦នៃគណៈកម្មាធិការសេដ្ឋកិច្ចនិងពាណិជ្ជកម្មនៃមជ្ឈិមចិន
ព្រឹកថ្ងៃទី ១ ខែកក្កដា លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិន ប្រធានគណៈកម្មាធិការយោធាមជ្ឈិមចិននិងជាប្រធានគណៈកម្មាធិការសេដ្ឋកិច្ចនិងពាណិជ្ជកម្មនៃមជ្ឈិមចិនបានអញ្ជើញជាអធិបតីក្នុងកិច្ចប្រជុំលើកទី៦នៃគណៈកម្មាធិការសេដ្ឋកិច្ចនិងពាណិជ្ជកម្មនៃមជ្ឈិមចិន ដើម្បីសិក្សាស្រាវជ្រាវអំពីបញ្ហាដូចជាការជំរុញការកសាងទីផ្សារជាតិបម្រួបបង្រួមឱ្យបានស៊ីជម្រៅ និងការអភិវឌ្ឍសេដ្ឋកិច្ចសមុទ្រប្រកបដោយគុណភាពខ្ពស់ជាដើម ។ លោកXi Jinping បានថ្លែងសុន្ទរកថាគន្លឹះក្នុងកិច្ចប្រជុំដោយសង្កត់ធ្ងន់ថា ការកសាងទីផ្សារជាតិបម្រួបបង្រួមជាតម្រូវការសម្រាប់បង្កើតនិម្មាបនកម្មអភិវឌ្ឍន៍ថ្មី និងជំរុញការអភិវឌ្ឍប្រកបដោយគុណភាពខ្ពស់ យើងត្រូវអនុវត្តយ៉ាងផ្ចិតផ្ចង់នូវការរៀបចំចាត់ចែងរបស់មជ្ឈិមបក្ស បង្កើនកិច្ចសម្រួបសម្រួលនិងសហការគ្នា ដើម្បីបង្កើតជាកម្លាំងរួម ។ ការជំរុញទំនើបកម្មតាមបែបផែនចិន ចាំបាច់ត្រូវជំរុញការអភិវឌ្ឍសេដ្ឋកិច្ចសមុទ្រប្រកបដោយគុណភាពខ្ពស់ ដើម្បីស្វែងរកផ្លូវកសាងប្រទេសខ្លាំងក្លាខាងវិស័យសមុទ្រប្រកបដោយលក្ខណៈពិសេសចិន ៕