លោកXi Jinpingប្រធានរដ្ឋចិននិងលោកស្រីDroupadi Murmuប្រធានាធិបតីឥណ្ឌាផ្ញើសារលិខិតទៅវិញទៅមក ដើម្បីអបអរសាទរខួប៧៥ឆ្នាំនៃការបង្កើតទំនាក់ទំនងការទូតរវាងចិននិងឥណ្ឌា
ថ្ងៃទី១ ខែមេសា លោកXi Jinpingប្រធានរដ្ឋចិននិងលោកស្រីDroupadi Murmuប្រធានាធិបតីឥណ្ឌាបានផ្ញើសារលិខិតទៅវិញទៅមក ដើម្បីអបអរសាទរខួប៧៥ឆ្នាំនៃការបង្កើតទំនាក់ទំនងការទូតរវាងចិននិងឥណ្ឌា។
លោកXi Jinpingបានលើកឡើងថា ខ្ញុំរីករាយធ្វើការជាមួយលោកស្រីប្រធានាធិបតី ចាត់ទុកខួប៧៥ឆ្នាំនៃការបង្កើតទំនាក់ទំនងការទូតរវាងចិននិងឥណ្ឌាជាកាលានុវត្តភាពមួយ ដើម្បីបង្កើនទំនុកចិត្តផ្នែកនយោបាយទៅវិញទៅមក បង្កើនការផ្លាស់ប្តូរនិងសហប្រតិបត្តិការលើគ្រប់វិស័យ ធ្វើឱ្យកាន់តែស៊ីជម្រៅនូវការប្រាស្រ័យទាក់ទងនិងកិច្ចសម្របសម្រួលក្នុងកិច្ចការអន្តរជាតិសំខាន់ៗ ក៏ដូចជារួមគ្នាគាំពារឱ្យបានល្អនូវសន្តិភាពនិងស្ថិរភាពក្នុងតំបន់ព្រំដែនចិន-ឥណ្ឌា ដើម្បីជំរុញឱ្យទំនាក់ទំនងរវាងចិននិងឥណ្ឌាវិវឌ្ឍទៅមុខតាមមាគ៌ាដ៏រឹងមាំនិងស្ថិរភាព ក្នុងន័យរួមចំណែកសម្រាប់សន្តិភាពនិងវិបុលភាពពិភពលោក។
លោកស្រីDroupadi Murmuបានលើកឡើងក្នុងសារលិខិតថា ឥណ្ឌានិងចិនជាប្រទេសនៅធំជិតខាងគ្នា ហើយមានចំនួនប្រជាជនត្រូវជា១ភាគ៣នៃចំនួនប្រជាជនសរុបលើពិភពលោក។ទំនាក់ទំនងទ្វេភាគីដែលប្រកបដោយស្ថិរភាព អាចព្យាករណ៍បាននិងមេត្រីភាពនឹងនាំមកសុភមង្គលនិងផលប្រយោជន៍ដល់ប្រទេសទាំង២និងពិភពលោក។សូមឱ្យយើងចាត់ទុកខួប៧៥ឆ្នាំនៃការបង្កើតទំនាក់ទំនងការទូតរវាងឥណ្ឌានិងចិនជាកាលានុវត្តភាពមួយ ដើម្បីរួមគ្នាជំរុញឱ្យទំនាក់ទំនងរវាងឥណ្ឌានិងចិនវិវឌ្ឍទៅមុខប្រកបដោយភាពរឹងមាំនិងស្ថិរភាព៕