លោក Xi Jinping ប្រធានរដ្ឋចិនថ្លែងការជូនពរដ៏ល្អបវរចំពោះស្ត្រីគ្រប់ជនជាតិនិងគ្រប់មជ្ឈដ្ឋានទូទាំងប្រទេសចិនសូមឱ្យរីករាយក្នុងថ្ងៃបុណ្យទិវានារីអន្តរជាតិ
រសៀលថ្ងៃទី៦ខែមីនា លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញសួរសុខទុក្ខសមាជិកនៃបក្សសម្ព័ន្ធប្រជាធិបតេ្យ បក្សវឌ្ឍនភាពប្រជាធិបតេយ្យនិងសមាជិកមកពីមជ្ឈដ្ឋានអប់រំដែលចូលរួមមហាសន្និបាតលើកទី៣នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៤ ។ បន្ទាប់មក លោកបានអញ្ជើញចូលរួមកិច្ចប្រជុំរួម ដើម្បីស្តាប់មតិយោបល់និងសំណើ ។
ក្នុងឱកាសដែលទិវានារីអន្តរជាតិ៨មីនាជិតចូលមកដល់ លោក Xi Jinping បានតាងនាមឱ្យគណៈកម្មាធិការមជ្ឈិមបក្សកុម្មុយនីស្តចិន សម្តែងការជូនពរដ៏ល្អបវរចំពោះតំណាងស្ត្រី សមាជិកស្ត្រី បុគ្គលិកស្ត្រី ដែលចូលរួមមហាសន្និបាតនៃសភាទាំងពីរ ព្រមទាំងស្ត្រីគ្រប់ជនជាតិនិងគ្រប់មជ្ឈដ្ឋានទូទាំងប្រទេស ក៏ដូចជាជនរួមជាតិស្ត្រីនៅតំបន់រដ្ឋបាលពិសេសហុងកុង ម៉ាកាវនិងតំបន់តៃវ៉ាន់ និងអាណិកជនចិនស្ត្រីនៅបរទេស ៕