លោក Xi Jinping ផ្ញើសារលិខិតអបអរការបើកការបើកសមាជលើកទី៩នៃសមាគមអ្នកច្បាប់ចិន
ព្រឹកថ្ងៃទី១០ ខែមករា សមាជលើកទី៩នៃសមាគមអ្នកច្បាប់ចិនបានបើកធ្វើនៅទីក្រុងប៉េកាំង លោក Xi Jinping អគ្គលេខាធិការនៃគណៈកមា្មធិការមជ្ឈិមបក្សកុម្មុយនីស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនបានផ្ញើសារលិខិតអបអរការបើកសមាជ។
លោក Xi Jinping បានសម្តែងការសួរសុខទុក្ខចំពោះអ្នកប្រកបការងារផ្នែកច្បាប់នៅទូទាំងប្រទេសចិន និងបានលើកឡើងពីការរំពឹងទុកចំពោះសមាគមអ្នកច្បាប់ចិន។
លោក Xi Jinping បានលើកឡើងថា ក្នុងយុគសម័យថ្មីនិងដំណើរថ្មី សមាគមអ្នកច្បាប់ចិនគ្រប់ជាន់ថ្នាក់ត្រូវបន្តប្រកាន់ខ្ជាប់មាគ៌ានីតិរដ្ឋនៃសង្គមនិយមប្រកបដោយលក្ខណៈពិសេសចិន ដើម្បីរួមចំណែកក្នុងបុព្វហេតុបក្សនិងរដ្ឋ ដើរតួនាទីជាស្ពាននិងចំណងតភ្ជាប់ឱ្យកាន់តែល្អ ដើម្បីធ្វើឱ្យបានល្អទាំងការងារស្រាវជ្រាវផ្លូវច្បាប់ ការផ្តល់សេវាខាងច្បាប់ ការឃោសនាខាងច្បាប់ និងការបណ្តុះបណ្តាលធនធានមនុស្ស។ អ្នកប្រកបការងារផ្នែកច្បាប់ត្រូវបន្តចូលរួមយ៉ាងសកម្មក្នុងការកសាងនីតិរដ្ឋដោយគ្រប់ជ្រុងជ្រោយ ដើម្បីរួមចំណែកថ្មីក្នុងការធ្វើទំនើបកម្មតាមបែបផែនចិន៕