ပဉ္စမအကြိမ် လန်ချန်း-မဲခေါင် ရုပ်မြင်သံကြားရက်သတ္တပတ်လှုပ်ရှားမှုကို ကူမင်းမြို့တွင် ကျင်းပခဲ့
တရုတ်နိုင်ငံ အမျိုးသားရုပ်မြင်သံကြားဌာနချုပ်၊ ဗီယက်နမ်သတင်းဆက်သွယ်ရေးနှင့်ပြန်ကြားရေးဝန်ကြီးဌာန၊ ယူနန်ပြည်နယ်ပြည်သူ့အစိုးရတို့ ဦးစီးကျင်းပပြီး ယူနန်ပြည်နယ် ရုပ်မြင်သံကြားဌာနချုပ် လက်ခံကျင်းပသော ပဉ္စမအကြိမ် လန်ချန်း-မဲခေါင် ရုပ်မြင်သံကြားရက်သတ္တပတ်လှုပ်ရှားမှုဖွင့်ပွဲအခမ်းအနားကို ဇွန်လ ၁၇ ရက်တွင် ကူမင်းမြို့၌ ကျင်းပခဲ့သည်။
ပဉ္စမအကြိမ် လန်ချန်း-မဲခေါင် ရုပ်မြင်သံကြားရက်သတ္တပတ်လှုပ်ရှားမှုသည် “တောတောင်ရေမြေဆက်စပ်၊ ဒြပ်မဲ့ယဥ်ကျေးမှုအမွေအနှစ်များ ဆက်ခံ” ဟူသော ဆောင်ပုဒ်ဖြင့် တရုတ်နှင့် တောင်အာရှ၊ အရှေ့တောင်အာရှနိုင်ငံများ အသီးသီးတို့၏ တစ်မူထူးခြားသော ဒြပ်မဲ့ယဥ်ကျေးမှုအမွေအနှစ်များ ပြသခြင်းမှတစ်ဆင့် နိုင်ငံအသီးသီးမှ ပြည်သူပြည်သားများအကြား အပြန်အလှန် သိရှိနားလည်မှုနှင့် ယုံကြည်မှုတို့အား စဥ်ဆက်မပြတ် မြှင့်တင်ရန်လည်းကောင်း၊ နိုင်ငံအသီးသီးတို့၏ ယဥ်ကျေးမှုများ ပူးပေါင်းဆောင်ရွက်မှုတွင် အမွေဆက်ခံခြင်း၊ တီထွင် ဆန်းသစ်ခြင်းနှင့် ဖွံ့ဖြိုးတိုးတက်ခြင်း အစရှိသည်တို့ကို အကောင်အထည်ဖော် ဆောင်ရွက်ရန်လည်းကောင်း ရည်ရွယ်ထားပါသည်။ ယခုအကြိမ် ရုပ်မြင်သံကြားရက်သတ္တပတ်လှုပ်ရှားမှု ကျင်းပမည့်ကာလ (ဇွန် လ ၁၇ ရက်မှ ၂၂ ရက်အထိ) အတွင်း လက်ရာမြောက် ရုပ်မြင်သံကြားအစီအစဥ်များ ထုတ်လွှင့်ပြသခြင်း၊ တတိယအကြိမ်မြောက် လူငယ်များ ဗီဒီယိုတိုများ ဖန်တီးရိုက်ကူးရေးအဖွဲ့၊ ရုပ်မြင်သံကြားဆွေးနွေးဖလှယ်ရေးလှုပ်ရှားမှု၊ “အလှပဆုံး တရုတ်နိုင်ငံ၏ ယူနန်လို့ ခေါ်တဲ့ နေထိုင်မှုဘ၀တစ်မျိုးရှိသည်” လေ့လာရေးလှုပ်ရှားမှု၊ “Audiovisual တရုတ်-ဗီယက်နမ်သို့ ၀င်ရောက်ခြင်း” ထူးခြားပြောင်မြောက်သော တရုတ်ဇာတ်လမ်းများကို ဗီယက်နမ်၌ ထုတ်လွှင့်ပြသခြင်းအစီအစဥ်စသည့် အစီအစဥ် များကို ကျင်းပခဲ့ပါသည်။ အဆိုပါလှုပ်ရှားမှုများသည် လန်ချန်း-မဲခေါင် ရုပ်မြင်သံကြားနယ်ပယ်တွင် ပူးပေါင်းဆောင်ရွက်မှု၏ ရလဒ်များကို တင်ပြပြီး လန်ချန်း-မဲခေါင် မြစ်ဝှမ်းဒေသတွင် ရုပ်မြင်သံကြားဖလှယ်မှုနှင့် ပူးပေါင်းဆောင်ရွက်မှုကို မြှင့်တင်ခြင်းဖြစ်ပေသည်။
လန်ချန်း-မဲခေါင် မြစ်ဝှမ်းဒေသနိုင်ငံများနှင့် ပါကစ္စတန်၊ သီရိလင်္ကာ၊ ဘင်္ဂလားဒေ့ရှ်စသည့် တောင်အာရှနိုင်ငံများ၏ အစိုးရရုပ်မြင်သံကြားညွှန်ကြားရေးဌာနချုပ်နှင့် မီဒီယာအဖွဲ့အစည်းများမှ ကိုယ်စားလှယ် ၄၀၀ ကျော်တို့သည် အဆိုပါ လှုပ်ရှားမှုကို တက်ရောက်ခဲ့ကြသည်။
ဆောင်းပါးအရင်းအမြစ် ။ ။ ယူနန်နေ့စဥ်သတင်းစာ
သတင်းထောက် ။ ။ Zhu Hai၊ Han Chengyuan
ဘာသာပြန် ။ ။ Zhang Yinglin
မြန်မာစာတည်းဖြတ်သူ ။ ။ ဘဦး (မြန်မာနိုင်ငံသား)