တရုတ်နိုင်ငံမှ Badain Jaran သဲကန္တာရ - သဲတောင်ရေကန် အုပ်စုကို ကမ္ဘာ့အမွေအနှစ် အမည်စာရင်းတွင် ထည့်သွင်း
အရင်းအမြစ်：CRI |
2024-07-29 17:37:00
ဒေသစံတော်ချိန် ဇူလိုင်လ ၂၆ ရက်နေ့က အိန္ဒိယနိုင်ငံ နယူးဒေလီမြို့၌ ကျင်းပခဲ့သော ၄၆ ကြိမ်မြောက် ယူနက်စကို (UNESCO) ကမ္ဘာ့အမွေအနှစ် ညီလာခံတွင် တရုတ်နိုင်ငံမှ Badain Jaran သဲကန္တာရ-သဲတောင်ရေကန်အုပ်စုကို ကမ္ဘာ့အမွေအနှစ် အမည်စာရင်းတွင် ထည့်သွင်းခဲ့သည်။
Badain Jaran သဲကန္တာရသည် တရုတ်နိုင်ငံ အနောက်မြောက်ပိုင်းဒေသရှိ မိုးခေါင်ရေရှားသော သမပိုင်းဒေသ Alxa ကုန်းမြင့်ဒေသ၌ တည်ရှိပြီး တရုတ်နိုင်ငံမှ ဒုတိယအကြီးဆုံး ရွေ့လျားတတ်သော သဲကန္တာရဖြစ်ကာ ၎င်းတွင် သဲတောင်မြင့်များနှင့် တောင်ကြားရေကန်များ အပါအဝင် သဲကန္တာရ ဝိသေသ ရှုခင်းများ စုစည်းပါဝင်နေသည့်အတွက် အစားထိုး၍ မရသော သဘာဝအမွေအနှစ် တစ်ခုဖြစ်သည်။