ဧပြီလ တွင် Jacaranda စိန်ပန်းပြာပန်းများ ဝေဝေဆာဆာ ပွင့်လန်းလျက်ရှိ

ယခုရက်ပိုင်းတွင် ယူနန်ပြည်နယ် ကူမင်းမြို့ ဝူဟွာရပ်ကွက်ရှိ ကျောက်ချန်းကျုံလမ်း၌ ရာနှင့်ချီသော Jacaranda စိန်ပန်းပြာပင်၏ ပန်းမန်များ ဝေဝေဆာဆာ ပွင့်လန်းလျက်ရှိပါသည်။ ကူမင်းမြို့သည် တစ်နှစ်တစ်ကြိမ် Jacaranda စိန်ပန်းပြာပွဲတော် ကျင်းပလေ့ရှိသည်။

ကျောက်ချန်းကျုံလမ်းတွင် ပွင့်လန်းသော Jacaranda စိန်ပန်းပြာများသည် ကူမင်းမြို့၏ ထူးခြားသော ယဥ်ကျေးမှုသင်္ကေတတစ်ခုဖြစ်ပါသည်။ ပြာခရမ်းရောင် ပန်းပွင့်များသည် သမားရိုးကျ မြို့ပြလမ်းကြီးလမ်းငယ်များတွင် ခရမ်းရောင် ရိုမန်းတစ်များနှင့် ပြည့်နှက်သော၊ အင်တာနက်တွင် အုတ်အုတ်ကျက်ကျက် ရေပန်းစားသော လည်ပတ်ရာနေရာ ဖြစ်လာသည်။ ၁၉၈၄ ခုနှစ်တွင် တရုတ်နိုင်ငံ သိပ္ပံနည်းပညာအကယ်ဒမီ ကူမင်းရုက္ခပင်သုတေသနဌာနမှ Jacaranda စိန်ပန်းပြာပင်များကို တင်သွင်း၍ ကျောက်ချန်းကျုံလမ်း၌ စိုက်ပျိုးခဲ့သည်။ လက်ရှိအချိန်တွင် ကျောက်ချန်းကျုံလမ်း၌ စိုက်ပျိုးထားသော Jacaranda စိန်ပန်းပြာပင် ၅၅၀ ကျော်ရှိသည်။

Jacaranda စိန်ပန်းပြာပင်၏ ပန်းမန်များ ပွင့်လန်းသော အချိန်မှာ တစ်လခန့်ရှိပြီး ဧပြီလ လလယ်ပိုင်းမှ မေလ လလယ်ပိုင်းအထိ ကြာမြင့်သည်။ ၂၀၁၉ ခုနှစ်မှစ၍ ယခုအချိန်အထိ ကူမင်းမြို့ ဝူဟွာရပ်ကွက်သည် Jacaranda စိန်ပန်းပြာအနုပညာပွဲတော်ကို ၆ နှစ် ဆက်တိုက်ကျင်းပခဲ့ပြီး ခရီးသည်များစွာအား လာရောက်လည်ပတ်၍ အမှတ်တရ ဓာတ်ပုံများ ရိုက်ကူးရန် ဆွဲဆောင်ခဲ့သည်။

ဆောင်းပါးအရင်းအမြစ် ။ ။ ယူနန်ပြည်နယ် တောင်အာရှနှင့် အရှေ့တောင်အာရှ နိုင်ငံတကာ ဒေသတွင်း ပြန်ကြားရေးစင်တာ
ဘာသာပြန် ။ ။ Zhang Yinglin
မြန်မာစာတည်းဖြတ်သူ ။ ။ ဘဦး(မြန်မာနိုင်ငံသား)