ນັກສຶກສາພາກວິຊາປະລິນຍາຕີດ້ານກາເຟຊຸດທໍາອິດຂອງຈີນສະໝັກເຂົ້າຮຽນແລ້ວ

ຄະນະພືດຜົນເຂດຮ້ອນ​ຂອງມະຫາວິທະຍາໄລກະສິກໍາຢຸນນານມີ ວິຊາໜຶ່ງຊື່ວ່າ ​"ວິທະຍາສາດການກາເຟ ​ແລະ ​ວິສະວະກໍາ", ນີ້ແມ່ນຄັ້ງທໍາອິດທີ່ກາເຟ​ໄດ້ກາຍເປັນສາຂາວິຊາຮຽນປະລິນຍາຕີຂອງຈີນ.

ມໍ່ໆມານີ້, ນັກສຶກສາປະລິນຍາຕີດ້ານກາເຟຊຸດທໍາອິດໄດ້ເລີ່ມຕົ້ນຊີວິດໃນຮົ້ວມະຫາວິທະຍາໄລຂອງເຂົາເຈົ້າຢູ່ທີ່ນີ້. ໃນຊົ່ວໂມງຮຽນເພື່ອຮັບຮູ້ກາເຟ,ນັກສຶກສາໄດ້ຮຽນຮູ້ກ່ຽວກັບການຈໍາແຍກແນວພັນກາເຟ, ການຈັດລໍາດັບເມັດກາເຟ, ການອົບກາເຟ ແລະ ຄວາມຮູ້ດ້ານວິຊາຊີບອື່ນໆ ໃນບັນຍາກາດທີ່ຜ່ອນຄາຍ ແລະ ມ່ວນຊື່ນ.

ວິທະຍາໄລແຫ່ງນີ້ຕັ້ງຢູ່ໃນນະຄອນຜູເອີ (Pu'er) ເຊິ່ງເປັນ "ເມືອງຫຼວງແຫ່ງກາເຟຂອງຈີນ", ເນື່ອງຈາກໄດ້ຮັບຜົນປະໂຫຍດຈາກການມີພື້ນຖານອຸດສາຫະກໍາກາເຟທີ່ສຸກງອກ ແລະ ມີຄຸນນະພາບສູງໃນທ້ອງຖິ່ນ, ທໍາໃຫ້ວິທະຍາໄລມີ "ພື້ນທີ່ອຸດົມສົມບູນ" ສໍາລັບການບົ່ມເພາະບຸກຄະລາກອນທີ່ມີຄວາມສາມາດລະດັບມືອາຊີບ.